SAN MATEO 9:6 - Chatino Tataltepec

⁶ Ntsu'u cha' ca cuayá' ti' ma̱ cha' ntsu'u chacuayá' 'na cuentya ji'i̱ ycui' Ndyosi cha' cuityi̱ na' qui'ya nu ntsu'u ji'i̱ ñati̱ chalyuu, cha' nu cua nda Ni 'na lijya̱a̱ cha' caca̱ ñati̱. Ca cuayá' ti' ma̱ lo'o ña'a̱ ma̱ cha' tyaca tso'o nu quicha re juani. Li' xa' nchcui' Jesús lo'o nu quicha bi': ―Tyatu̱ nu'u̱ ―nacui̱ Jesús ji'i̱―, xñi ji'i̱ catya̱ jinu'u̱ cha' tsaa lo'o ji'i̱ ca to' tyi.

SAN MATEO 9:6 Referans Kwoze

SAN MATEO 9:5

Ná ndiya ti' ma̱ si ñacui̱ na' ji'i̱ nu quicha re: “Cua ngua'ni clyu ti' na' ji'i̱ qui'ya nu ntsu'u hi̱”. ¿Ha tso'o la si chcui' na' lo'o nu quicha lacua: “Tyatu̱ nu'u̱, xa tu'ba catya̱ hi̱ cha' tyaa lo'o ji'i̱ ca to' tyi”? ―nacui̱ Jesús―.

2 CORINTIOS 2:10

Lo'o na', cui'ya na' cha' clyu ti' ji'i̱ yu bi', si cua ngua'ni clyu ti' cu'ma̱ ji'i̱ yu. Lo'o cu'ma̱ cua ngua'ni yu cha' cuxi bi', pana na' ngüi'ya̱ cha' clyu ti' ji'i̱ yu bi' cuentya ji'i̱ ma̱, masi tyijyu' ndi'i̱ na', masi sca ti Cristo ndu̱ lo'o na'. Bi' cha' jua'a̱ culacua tso'o ti' ma̱ lacua,

COLOSENSES 3:13

Talo tyiquee ma̱ ji'i̱ xa' la tya'a ñati̱ ma̱ lacua, ña'a̱ cuayá' nu cui'ya ma̱ cha' clyu ti' ji'i̱ ngu' lo'o ntsu'u qui'ya ji'i̱ ngu' lo'o ma̱. Tsa ña'a̱ nu ndyi'ya nu Xu'na na cha' clyu ti' ji'i̱ ma̱, jua'a̱ nga'a̱ cha' cua'ni clyu ti' ma̱ ji'i̱ tya'a ñati̱ ma̱.

EFESIOS 4:32

Xa' ña'a̱ cua'ni ma̱ juani. Xcui' tso'o ti cua'ni ma̱ lo'o tya'a ñati̱ ma̱, tyu'u tsa cha' clyu ti' ji'i̱ ma̱ lo'o tya'a ma̱; cua'ni clyu ti' ma̱ ji'i̱ qui'ya nu ntsu'u ji'i̱ ngu', cha' jua'a̱ cua ngua'ni clyu ti' ycui' Ndyosi ji'na xqui'ya Cristo.

2 CORINTIOS 5:20

bi' cha' laca ndya'a̱ ya ca slo ma̱ chacuayá' ji'i̱ ycui' Cristo. Ndi'ya̱ laca lo'o nchcui' ya lo'o ma̱, ñi'ya̱ laca si ycui' Ndyosi nchcuane Ni ji'i̱ ma̱ cha' cua'a̱ jyaca̱ ma̱ ji'i̱ cha' nu nchcui' Cristo. Nchcui' ya lo'o cu'ma̱ chacuayá' ji'i̱ Cristo lacua, cha' cua'ni ma̱ cha' caca stu'ba cha' ji'i̱ ma̱ lo'o ycui' Ndyosi.

LOS HECHOS 9:34

Li' nchcui' Pedro lo'o yu quicha bi': ―Eneas ―nacui̱― cua ngua'ni Jesucristo cha' ndyaca tso'o nu'u̱ juani ―nacui̱―. Bi' cha' tyatu̱ nu'u̱, xcua tso'o late' lo qui'ña cua. Hora ti ndatu̱ Eneas li'.

LOS HECHOS 5:31

Nchca ji'i̱ Jesús bi' cuityi̱ yu cha' cuxi nu ntsu'u ji'i̱ ñati̱ chalyuu. Ycui' Jesús laca nu Xu'na na, bi' cha' la'a tsu' cui̱ ca su ntucua Ni nda ycui' Ndyosi su tyi'i̱ Jesús. Ngua'ni Ni jua'a̱ cha' caja ñi'ya caca tyuju'u ti' na nu laca na ngu' Israel ji'i̱ qui'ya nu ntsu'u ji'na, lo'o jua'a̱ cui'ya Ni cha' clyu ti' ji'na li'.

SAN JUAN 17:2

Na cua nda nu'u̱ chacuayá' jna' cha' caca na' loo ji'i̱ lcaa ñati̱, cha' ta na' chaca chalyuu ji'i̱ ñati̱ nu nda nu'u̱ 'na, chalyuu nu ná nga'a̱ cha' tye ―nacui̱ Jesús ji'i̱ ycui' Ndyosi Sti yu―.

SAN JUAN 10:28

Ná nga'a̱ cha' tye chalyuu nu ta na' ji'i̱ ngu' bi', ná chcuna' cresiya ji'i̱ ngu' li'. Ná tucui caca ji'i̱ xlyaá ji'i̱ ñati̱ bi' 'na, cha' tso'o tsa ña'a̱si̱i̱ na' ji'i̱ ñati̱ bi' ―nacui̱ Jesús―.

SAN LUCAS 5:21

Li' ngulacua tsa ti' ngu' mstru cha' jo'ó lo'o ngu' fariseo: “¿Tilaca laca nu qui'yu re? ¿Ni cha' laca re? Cuxi tsa nchcui' yu cha' ji'i̱ ycui' Ndyosi lo'o nchcui' yu jua'a̱”, nclyacua ti' ngu'. “Ná taca ji'i̱ sca ñati̱ chalyuu ñi'ya̱ nti' yu re, ná taca cua'ni clyu ti' ji'i̱ qui'ya nu ntsu'u ji'i̱ ñati̱; sca ti ycui' Ndyosi taca ji'i̱ Ni cuityi̱ Ni qui'ya nu ntsu'u ji'i̱ ñati̱.” Jua'a̱ nclyacua ti' ngu'.

SAN MARCOS 2:10

Tso'o lacua. Nti' na' cha' caca cuayá' ti' ma̱ cha' ntsu'u chacuayá' jna' cua'ni clyu ti' na' ji'i̱ ñati̱ chalyuu nu ntsu'u qui'ya ji'i̱; ntsu'u chacuayá' jna', xqui'ya cha' cua nda Ni 'na lijya̱a̱ lo yuu chalyuu cha' caca na' ñati̱. Caca cuayá' ti' ma̱ lo'o ña'a̱ ma̱ cha' tyaca tso'o nu quicha re juani ―nacui̱ Jesús. Li' xa' nchcui' yu lo'o nu quicha bi':

SAN MARCOS 2:7

“¿Ni cha' nchcui' yu re jua'a̱?” ngulacua ti' ngu'. “Sca ti ycui' Ndyosi caca cua'ni clyu ti' ji'i̱ ñati̱ nu ntsu'u qui'ya ji'i̱. Sca qui'ya tlyu laca lo'o nchcui' nu qui'yu re cha' cuityi̱ yu qui'ya nu ntsu'u ji'i̱ ñati̱ chalyuu, cha' ná nchca ji'i̱ ni sca ñati̱ chalyuu cuityi̱ qui'ya nu ntsu'u ji'i̱ ñati̱.”

SAN MATEO 8:20

Nguxacui̱ Jesús cha' ji'i̱ mstru bi' li': ―Nu naa cuatya' ni, ne' xtyuu ni' ndyu'ú ni'; lo'o jua'a̱ quiñi sube, ne' xlyati̱ ndyu'ú ni'. Pana na' ni, cua nda Ni 'na lijya̱a̱ chalyuu re cha' caca na' ñati̱, lo'o jua'a̱ ná ntsu'u su xtyii na' caja' na', ná ntsu'u su chca'a̱ cña' na'.

SAN MATEO 4:24

Li' nguañi cha' ji'i̱ Jesús lcaa quichi̱, hasta ca nde loyuu Siria nguañi cha' ji'i̱ yu; bi' cha' ñaa lo'o ngu' ji'i̱ lcaa ngu' quicha slo ycui' yu, cha' cua'ni yu jo'o ji'i̱ ngu'. Ñaa lo'o ngu' ji'i̱ nu quicha, masi ti'í tsa ngu' xqui'ya quicha nu ntsu'u ji'i̱ ngu'; ñaa lo'o ngu' ji'i̱ ngu' nu ntsu'u cui'i̱ cuxi ji'i̱ ngu', masi nxalú cui'i̱ ji'i̱ ngu', masi nchcu̱' tyucuí̱ tyucui ña'a̱ ngu', masi nchcuti sca tsu' ya' ngu'. Lo'o li' ngua'ni Jesús cha' ndyaca tso'o lcaa ngu' quicha bi'.

SAN MATEO 9:2

Lo'o ndyalaa quichi̱ bi', li' ñaa lo'o ngu' ji'i̱ sca nu quicha nu nchcu̱' tyucuí̱ tyucui ña'a̱ yu; ñaa ngu' slo Jesús cha' cua'ni jo'o ji'i̱ nu quicha bi'. Ntsiya nu quicha bi' ne' sca catya̱. Pana jlo ti' Jesús cha' jlya ti' ngu' bi' ji'i̱, bi' cha' nchcui' lo'o nu quicha ndi'ya̱: ―Ca tso'o nu'u̱, sñi' ―nacui̱ Jesús ji'i̱ nu quicha―. Cua ngua'ni clyu ti' na' ji'i̱ qui'ya nu ntsu'u jinu'u̱.

SAN MATEO 9:7

Hora ti ndyatu̱ nu quicha bi', ngusñi ji'i̱ catya̱ ji'i̱, ndu'u yu, ndyaa yu ca to' tyi yu.

SAN JUAN 5:8

―Tyatu̱ clya nu'u̱ juani ―nacui̱ Jesús li'―, xcu̱' late' cua hi̱ lo'o jaa' cua, tyaa lo'o ji'i̱ to' tyi.

SAN JUAN 5:27

Lo'o jua'a̱ ntsu'u chacuayá' jna' cha' cua'ni cuayá' na' ji'i̱ ñati̱ chalyuu, xqui'ya cha' cua lijya̱ na' chalyuu laca na' ñati̱.