SAN MATEO 9:37 - Chatino Tataltepec

³⁷ Li' nchcui' Jesús lo'o ngu' nu ndyaca tsa'a̱ ji'i̱, nda yu sca cui̱i̱ lo'o ngu' cuentya ji'i̱ ngu' quiña'a̱ bi'. Nacui̱ yu cha' bilya cuna tso'o ngu' cha' ji'i̱ ycui' Ndyosi, cha' ñi'ya̱ laca sca xtya̱ nu tso'o tsa ndyatsi cha' cua ngulala ti caca clacua, jua'a̱ laca ngu' bi'. ―Chañi cha' ntsu'u tsa cña re cha' chcui' na lo'o ñati̱ cha' xñi ngu' cha' nu nchcui' na' ―nacui̱ Jesús ji'i̱ ngu' bi'―. Lo'o jua'a̱, xti ti ngu' ntsu'u nu caca cua'ni cña re.

SAN MATEO 9:37 Referans Kwoze

SAN LUCAS 10:2

Li' nchcui' yu lo'o ngu' bi': ―Chañi cha' ntsu'u tsa cña re, cha' chcui' na lo'o ñati̱ cha' xñi ngu' cha' nu nchcui' na' ―nacui̱ Jesús ji'i̱ ngu' bi'―. Lo'o jua'a̱, xti ti ngu' nu caca cua'ni cña re; bi' cha' chcui' ma̱ lo'o Sti na', ycui' nu Xu'na cña re, cha' tya ta Ni xi xa' la tya'a ñati̱ nu taca ji'i̱ cua'ni cña re.

SAN MARCOS 16:15

―Tsaa ma̱ tyucui ña'a̱ chalyuu ―nacui̱ Jesús ji'i̱ ngu' bi' li'―. Ta ma̱ cha' lo'o lcaa ñati̱ cuentya jna'. Chcui' ma̱ lo'o ngu' cha' taca clyaá ngu' ji'i̱ nu cuxi xqui'ya na'.

1 CORINTIOS 3:9

Tya'a ndyu'ni ya cña ji'i̱ ycui' Ndyosi laca cuare; lo'o cu'ma̱ ni, ndu'ni Ni cña ne' cresiya ji'i̱ ma̱, cña ji'i̱ ycui' Ndyosi laca bi'. Lo'o jua'a̱ taca ta na' chaca cui̱i̱ lo'o ma̱ juani: ñi'ya̱ si laca ma̱ sca ni'i̱ tonu, jua'a̱ laca ma̱ cuentya ji'i̱ ycui' Ndyosi;

SAN MATEO 28:19

Yaa ma̱ lcaa quichi̱ nde chalyuu cha' ca tsa'a̱ lcaa ñati̱ cha' jna'. Li' tyucuatya ma̱ ji'i̱ ngu' chacuayá' ji'i̱ ycui' Ndyosi Sti na', jua'a̱ chacuayá' jna' nu laca̱ Sñi' ycui' Ndyosi, jua'a̱ chacuayá' ji'i̱ Xtyi'i ycui' Ndyosi.

2 CORINTIOS 6:1

Ngu' tya'a ndyu'ni na cña ji'i̱ ycui' Ndyosi laca ma̱; bi' cha' nchcui' tsa ya lo'o cu'ma̱, cha' ná culiji ma̱ cha' tso'o jua'a̱ ti, cha' tso'o nu cua nda Ni cha' tyanu ne' cresiya ji'i̱ ma̱. Na cua ngusñi ma̱ cha' bi' tsaca quiya', bi' cha' ña'a̱ ti taquiya' ma̱ ji'i̱ cha' bi' juani.

LOS HECHOS 16:9

Ngua sca talya laja lo'o ndi'i̱ Pablo quichi̱ bi', li' nchcui' xcalá yu. Cua na'a̱ Pablo sca ngu' Macedonia nu ndacha' ji'i̱ yu: “Tyeje tacui ma̱ chaca tsu' tyujo'o, ca̱a̱ ma̱ xa' tsu' ca nde Macedonia, loyuu quichi̱ tyi na'”, nacui̱ nu qui'yu bi', “cha' xtyucua ma̱ ji'i̱ cua”, nacui̱ ji'i̱ Pablo laja xcalá.

SAN LUCAS 24:47

Li' ntsu'u cha' ta ngu' cha' ji'i̱ ycui' na' lo'o ñati̱ tyucui ña'a̱ chalyuu. Nde Jerusalén xana ma̱ cacha' ma̱ cha' bi' ji'i̱ ngu' clyo. Nga'a̱ cha' chcui' ma̱ lo'o ñati̱ cha' ca tyuju'u ti' ngu' ji'i̱ cha' cuxi nu ntsu'u tyiquee ngu', cha' xtyanu ngu' ji'i̱ cha' cuxi nu ndu'ni ngu'; li' cua'ni clyu ti' ycui' Ndyosi ji'i̱ lcaa qui'ya nu ntsu'u ji'i̱ ngu'.

1 TIMOTEO 5:17

Cua'ni chi̱ ma̱ loo ngu' cusu' nu laca loo ji'i̱ taju ji'i̱ ma̱ si tso'o ti ndu'ni ngu' lo'o ma̱. Lye la cua'ni chi̱ ma̱ loo ngu' cusu' nu nchcui' cha' ji'i̱ ycui' Ndyosi lo'o ma̱, ngu' cusu' nu nclu'u cha' bi' ji'i̱ ma̱. Ta ma̱ caya' ji'i̱ ngu' cusu' bi'.

COLOSENSES 4:11

Lo'o jua'a̱ Jesús nu laca xtañi Justo, cua nti' yu chcuicha' yu ji'i̱ ma̱. Tyu̱u̱ tya'a ngu' judío cua ngusñi cha' ji'i̱ Cristo nquicha'; pana nu sna tya'a ti ngu' bi' ni, Aristarco lo'o Marcos lo'o Justo, tsa bi' ti ngu' ntaja'a̱ tya'a̱ lo'o na' ca su ndya'a̱ na' nchcui' na' lo'o xa' la ñati̱ ñi'ya̱ caca cha' lo'o caca ycui' Ndyosi loo ne' cresiya ji'i̱ ñati̱. Lo'o jua'a̱ cua nxtyucua tsa ngu' bi' 'na.

LOS HECHOS 18:10

Ndi'i̱ na' lo'o nu'u̱ cha' xtyucua na' jinu'u̱, bi' cha' nga'aa caca xñi ngu' jinu'u̱ cha' xcube' ngu' hi̱. Lo'o jua'a̱ ntsu'u tsa ngu' quichi̱ re nu taca xñi ngu' cha' jna' nde loo la, si ta nu'u̱ cha' lo'o ngu'.

SAN MATEO 9:38

Bi' cha' chcui' ma̱ lo'o Sti na' nu laca Xu'na cña re, cha' tya ta Ni xi xa' la tya'a ñati̱ nu taca ji'i̱ cua'ni cña re.

SAN MATEO 20:1

’Chaca cha' nti' na' chcui̱' lo'o ma̱ juani, cha' caca cuayá' ti' ma̱ ñi'ya̱ caca lo'o laca ycui' Ni loo ne' cresiya ji'i̱ ñati̱. Chcui' na' sca cui̱i̱ cuentya ji'i̱ sca nu laca xu'na msu. Ngua sca tsa̱ nde tlya ndu'u yu ndyaa yu lcaya' cha' chcui' yu lo'o ngu' nu caca msu ji'i̱, si cua'ni ngu' cña ne' lo'o ji'i̱ yu ca su ndyataa yaca si'yu losu' tyixi.

SANTIAGO 5:4

Lo'o jua'a̱ ná nda ma̱ xcaya' msu nu ndyaa ne' xña ji'i̱ ma̱, bi' cha' juani cua'a̱ jyaca̱ ma̱ xi ji'i̱ cha' nu nxlyú msu bi' hichu̱' ma̱; ca su ntucua ycui' Ndyosi nu laca Xu'na lcaa chalyuu, ca bi' ndañi nchcui' nu ngu' nu ngua'ni clacua ji'i̱ ma̱.