SAN MATEO 9:31 - Chatino Tataltepec

³¹ Pana ndu'u ngu' ndyaa ngu' li', ndacha' ngu' ji'i̱ lcaa ñati̱ ñi'ya̱ ngua cña nu ngua'ni Jesús lo'o ngu'; bi' cha' nguañi cha' bi' tyucui ña'a̱ loyuu jua.

SAN MATEO 9:31 Referans Kwoze

SAN MARCOS 7:36

Li' ngulo Jesús cña ji'i̱ ngu' cha' ná cacha' ngu' ji'i̱ xa' ñati̱ ñi'ya̱ ngua ji'i̱ nu quicha bi'. Pana ná nduna ngu'; lye la nguañi cha' bi', masi lye ngulo Jesús cña ji'i̱ ngu' cha' ná cacha' ngu' ji'i̱ tya'a ngu'.

SAN MATEO 9:26

Lo'o jua'a̱ ngua cha' nguañi cha' bi' lcaa quichi̱ su ndi'i̱ ngu' ca bi'.

SAN MATEO 4:24

Li' nguañi cha' ji'i̱ Jesús lcaa quichi̱, hasta ca nde loyuu Siria nguañi cha' ji'i̱ yu; bi' cha' ñaa lo'o ngu' ji'i̱ lcaa ngu' quicha slo ycui' yu, cha' cua'ni yu jo'o ji'i̱ ngu'. Ñaa lo'o ngu' ji'i̱ nu quicha, masi ti'í tsa ngu' xqui'ya quicha nu ntsu'u ji'i̱ ngu'; ñaa lo'o ngu' ji'i̱ ngu' nu ntsu'u cui'i̱ cuxi ji'i̱ ngu', masi nxalú cui'i̱ ji'i̱ ngu', masi nchcu̱' tyucuí̱ tyucui ña'a̱ ngu', masi nchcuti sca tsu' ya' ngu'. Lo'o li' ngua'ni Jesús cha' ndyaca tso'o lcaa ngu' quicha bi'.

SAN MATEO 14:1

La cui' tyempo bi' cua ndyuna Herodes cha' ji'i̱ Jesús, lo'o nu Herodes bi' laca loo ji'i̱ ngu' Galilea tyempo bi'.

SAN MATEO 28:15

Li' ngusñi ngu' sendaru bi' cñi bi'; ndu'u ngu' ndyaa ngu' nchcui' ngu' lo'o ñati̱ ñi'ya̱ nu ntsu'u cña ji'i̱ ngu' cha' chcui' ngu'. Bi' cha' hasta juani ña'a̱ ti jlya ti' ngu' judío cha' jua'a̱ ngua ji'i̱ jyo'o Jesús.

SAN MARCOS 1:28

Yala ti nguañi cha' ji'i̱ Jesús lcaa quichi̱ nde loyuu su cuentya Galilea li'.

SAN LUCAS 4:14

Li' nguxtyu̱u̱ Jesús ndyaa nde loyuu su cuentya Galilea chaca quiya'. Tlyu tsa chacuayá' ngujui ji'i̱ Jesús xqui'ya Xtyi'i ycui' Ndyosi, ña'a̱ cuayá' tyucui ña'a̱ loyuu ca bi' ndañi nchcui' ngu' cha' ji'i̱ yu.

SAN LUCAS 4:37

Bi' cha' nguañi cha' bi' tyucui ña'a̱ loyuu ca bi', nchcui' tsa ngu' cha' ji'i̱ Jesús li'.

SAN LUCAS 5:15

Lcaa tsa̱ cua nguañi la cha' ji'i̱ Jesús li', cha' nchcui' tsa ngu' cha' ji'i̱. Bi' cha' quiña'a̱ tsa ñati̱ ndyu'u ti'i̱ slo Jesús, cha' cuna ngu' ña'a̱ cha' nu nda yu lo'o ngu', cha' cua'ni yu cha' ndyaca tso'o ngu' ji'i̱ quicha nu ntsu'u ji'i̱ ngu'.

SAN LUCAS 7:17

Cua ngañi lye cha' ji'i̱ lcaa cña tonu nu ndyu'ni Jesús tyucui ña'a̱ loyuu su cuentya Judea; jua'a̱ lcaa quichi̱ cacua ti, lo'o bi' ngañi cha' bi'.