SAN MATEO 9:28 - Chatino Tataltepec

²⁸ Lo'o cua ndyalaa Jesús ndyatí̱ ni'i̱ ji'i̱, lo'o nu ngu' cuityi̱' bi' lijya̱ ngu' cacua la slo yu. Nchcui' Jesús lo'o ngu' bi' li': ―¿Ha jlya ti' ma̱ cha' caca jna' cua'ni na' cha' tyaca tso'o ma̱? ―nacui̱ yu ji'i̱ ngu'. ―Jlya ti' ya, cusu' ―nacui̱ nu ngu' cuityi̱' bi' ji'i̱.

SAN MATEO 9:28 Referans Kwoze

SAN MATEO 9:22

Lo'o li' nguxtyacui Jesús, nguxña'a̱ ji'i̱ nu cuna'a̱ bi': ―Cua'ni cho'o tyiquee nu'u̱, sñi' ―nacui̱ Jesús ji'i̱―. Jlya ti' nu'u̱ 'na, bi' cha' ndyaca tso'o nu'u̱ juani. Lo'o hora ti ndyaca tso'o nu cuna'a̱ bi'.

SAN MATEO 8:2

Lo'o li' ndu'u tucua sca nu quicha slo. Ndyatu̱ sti̱' yu slo ycui' Jesús, cha' nti' yu cuane yu ji'i̱ Jesús cha' cua'ni jo'o ji'i̱ yu, cha' ngusñi quicha ndyatsu' cuaña' ji'i̱ yu bi'. ―Xu'na ―nacui̱ nu quicha bi' ji'i̱ Jesús―, cua'ni jo'o 'na. Jlo ti' na' cha' nchca jinu'u̱ cua'ni nu'u̱ cha' caca lubii cuaña' na'.

SAN JUAN 11:40

Li' nacui̱ Jesús: ―Caca ña'a̱ ma̱ cha' tlyu tsa nu ndu'ni ycui' Ndyosi nu lo'o jlya ti' ma̱ ji'i̱ Ni. ¿Ha si'i jua'a̱ ni na' ji'i̱ ma̱ tsa̱?

SAN JUAN 11:26

Lo'o jua'a̱ lcaa ñati̱ nu tso'o ti ndi̱'i̱ tyiquee cha' ngusñi ngu' cha' jna', ná nscua cha' cajaa ngu' bi' tsiya' ti. ¿Ha jlya ti' nu'u̱ cha' bi'?

SAN MATEO 13:58

Xti tsa cha' tlyu ngua'ni Jesús quichi̱ bi'. Ná jlya ti' ngu' ji'i̱ tsiya' ti, bi' cha' ná ngua'ni yu quiña'a̱ cha' tlyu ca bi'.

SAN MATEO 8:14

Ca tiya' la ndyaa Jesús nde ni'i̱ ji'i̱ Pedro. Li' na'a̱ Jesús cha' na ntsiya ti xtya'a̱ laa Pedro lo qui'ña, cha' tlyu tsa tyique' ntsu'u ji'i̱ ma'.

SAN MATEO 13:36

Lo'o li' nguxtyanu Jesús ji'i̱ nu quiña'a̱ tsa ñati̱ bi', ndyaa nde ni'i̱. Li' ndyalaa nu ngu' nu ndyaca tsa'a̱ ji'i̱ yu slo, nchcuane ngu' ji'i̱ yu li': ―Cusu', culu'u nu'u̱ ji'i̱ cua ñi'ya̱ ndyu'u cha' nu nda cui̱i̱ nu cuentya ji'i̱ quixi̱' nu ntyucua lo xtya̱ ji'i̱ ngu' ―nacui̱ ngu' ji'i̱ Jesús.

SAN MATEO 9:27

Lo'o li' ndu'u Jesús ca ne' ni'i̱ bi' ndyaa yu, lo'o jua'a̱ ndya'a̱ lca'a̱ tucua tya'a ngu' cuityi̱' ji'i̱ yu. Ngusi'ya ngu' ji'i̱ Jesús li': ―Cua'ni tya'na ti' nu'u̱ ji'i̱ cua, cusu', nu'u̱ nu laca ñati̱ tya'a ji'i̱ jyo'o David ―ndu'ni ngu' ji'i̱.

SAN MATEO 9:29

Lo'o li' ndyala' Jesús cloo tyucuaa ngu' cuityi̱' bi': ―Tyaca tso'o ma̱ lacua. Caca bi' ji'i̱ ma̱ si jlya ti' ma̱ 'na ―nacui̱ Jesús ji'i̱ ngu' cuityi̱' bi' li'.

SAN MATEO 13:1

La cui' tsa̱ bi' ndu'u Jesús toni'i̱, ndyaa yu to' tayu' bi', cha' chca'a̱ xi ca bi'.

LOS HECHOS 14:9

Tso'o tsa ndyuna nu quicha bi' laja lo'o nclyu'u Pablo ji'i̱ ngu'; li' na'a̱ yu ji'i̱ nu quicha bi', ngua cuayá' ti' yu cha' jlya ti' nu quicha cha' taca ji'i̱ ycui' Ndyosi cua'ni cha' tyaca tso'o.