SAN MATEO 9:26 - Chatino Tataltepec

²⁶ Lo'o jua'a̱ ngua cha' nguañi cha' bi' lcaa quichi̱ su ndi'i̱ ngu' ca bi'.

SAN MATEO 9:26 Referans Kwoze

SAN MATEO 4:24

Li' nguañi cha' ji'i̱ Jesús lcaa quichi̱, hasta ca nde loyuu Siria nguañi cha' ji'i̱ yu; bi' cha' ñaa lo'o ngu' ji'i̱ lcaa ngu' quicha slo ycui' yu, cha' cua'ni yu jo'o ji'i̱ ngu'. Ñaa lo'o ngu' ji'i̱ nu quicha, masi ti'í tsa ngu' xqui'ya quicha nu ntsu'u ji'i̱ ngu'; ñaa lo'o ngu' ji'i̱ ngu' nu ntsu'u cui'i̱ cuxi ji'i̱ ngu', masi nxalú cui'i̱ ji'i̱ ngu', masi nchcu̱' tyucuí̱ tyucui ña'a̱ ngu', masi nchcuti sca tsu' ya' ngu'. Lo'o li' ngua'ni Jesús cha' ndyaca tso'o lcaa ngu' quicha bi'.

SAN MARCOS 1:45

Pana ná ndyuna tso'o nu ngua quicha bi'. Ndu'u ndyaa, nchcui' lo'o lcaa ñati̱ ñi'ya̱ ngua cha' ngua tso'o, bi' cha' nga'aa ngua ji'i̱ Jesús tyu'u ta'a̱ lquichi̱; ndyanu yu ne' quixi̱' ti su ná ndi'i̱ ñati̱. Li' ndya'a̱ tsa ngu' slo yu, masi ngu' xa' quichi̱ tyijyu' la ngutu'u ngu' ndyaa ngu' slo yu.

LOS HECHOS 26:26

Cua jlo ti' rey Agripa re, xqui'ya cha' nchca cuayá' ti' nu cusu' cha' bi'; bi' cha' tlyu tyiquee na' lo'o nchcui' na' lo'o nu cusu' re. Lo'o jua'a̱ jlo ti' nu cusu' ñi'ya̱ ngua cha' bi', cha' si'i na cuaana ti ngua cha' ji'i̱ Jesús.

SAN MARCOS 6:14

Tyempo bi' cua ndyuna rey Herodes cha' ji'i̱ cha' tlyu nu cua ndyu'ni Jesús; lcaa quichi̱ nguañi cha' bi', cha' scaa cha' nchcui' scaa ñati̱ ji'i̱ Jesús. Pana ndi'ya̱ ngua ti' ycui' rey bi': ―Jyo'o Juan nu ntyucuatya ji'i̱ ngu' tsubi' la, bi' laca Jesús re― nacui̱ Herodes bi'―. Ndyujuii ngu' ji'i̱ Juan bi', pana juani cua ndyu'ú chaca quiya', bi' cha' nchca ji'i̱ cua'ni cha' tlyu jua'a̱ ―nacui̱ rey.

SAN MATEO 9:31

Pana ndu'u ngu' ndyaa ngu' li', ndacha' ngu' ji'i̱ lcaa ñati̱ ñi'ya̱ ngua cña nu ngua'ni Jesús lo'o ngu'; bi' cha' nguañi cha' bi' tyucui ña'a̱ loyuu jua.

SAN MARCOS 1:28

Yala ti nguañi cha' ji'i̱ Jesús lcaa quichi̱ nde loyuu su cuentya Galilea li'.

SAN LUCAS 4:14

Li' nguxtyu̱u̱ Jesús ndyaa nde loyuu su cuentya Galilea chaca quiya'. Tlyu tsa chacuayá' ngujui ji'i̱ Jesús xqui'ya Xtyi'i ycui' Ndyosi, ña'a̱ cuayá' tyucui ña'a̱ loyuu ca bi' ndañi nchcui' ngu' cha' ji'i̱ yu.

SAN LUCAS 4:37

Bi' cha' nguañi cha' bi' tyucui ña'a̱ loyuu ca bi', nchcui' tsa ngu' cha' ji'i̱ Jesús li'.

SAN LUCAS 5:15

Lcaa tsa̱ cua nguañi la cha' ji'i̱ Jesús li', cha' nchcui' tsa ngu' cha' ji'i̱. Bi' cha' quiña'a̱ tsa ñati̱ ndyu'u ti'i̱ slo Jesús, cha' cuna ngu' ña'a̱ cha' nu nda yu lo'o ngu', cha' cua'ni yu cha' ndyaca tso'o ngu' ji'i̱ quicha nu ntsu'u ji'i̱ ngu'.

SAN LUCAS 7:17

Cua ngañi lye cha' ji'i̱ lcaa cña tonu nu ndyu'ni Jesús tyucui ña'a̱ loyuu su cuentya Judea; jua'a̱ lcaa quichi̱ cacua ti, lo'o bi' ngañi cha' bi'.