SAN MATEO 9:2 - Chatino Tataltepec

² Lo'o ndyalaa quichi̱ bi', li' ñaa lo'o ngu' ji'i̱ sca nu quicha nu nchcu̱' tyucuí̱ tyucui ña'a̱ yu; ñaa ngu' slo Jesús cha' cua'ni jo'o ji'i̱ nu quicha bi'. Ntsiya nu quicha bi' ne' sca catya̱. Pana jlo ti' Jesús cha' jlya ti' ngu' bi' ji'i̱, bi' cha' nchcui' lo'o nu quicha ndi'ya̱: ―Ca tso'o nu'u̱, sñi' ―nacui̱ Jesús ji'i̱ nu quicha―. Cua ngua'ni clyu ti' na' ji'i̱ qui'ya nu ntsu'u jinu'u̱.

SAN MATEO 9:2 Referans Kwoze

SAN MATEO 9:22

Lo'o li' nguxtyacui Jesús, nguxña'a̱ ji'i̱ nu cuna'a̱ bi': ―Cua'ni cho'o tyiquee nu'u̱, sñi' ―nacui̱ Jesús ji'i̱―. Jlya ti' nu'u̱ 'na, bi' cha' ndyaca tso'o nu'u̱ juani. Lo'o hora ti ndyaca tso'o nu cuna'a̱ bi'.

SANTIAGO 2:18

Ná tyiquee' ñacui̱ sca ñati̱ ji'na: “Tso'o tsa ngusñi ma̱ cha' ji'i̱ ycui' Ndyosi tu'ni. Pana nu na' ni, nti' na' cha' cuayá' tsa cuentya ji'i̱ ycui' Ndyosi masi cua'ni na' xi cha' tso'o lo'o ñati̱”, ñacui̱ ngu'. Tso'o lacua. Ndi'ya̱ chcui' na' lo'o ngu' bi' li': “Cacha' ma̱ 'na lacua cha' cua ngusñi ma̱ cha' ji'i̱ ycui' Ni, masi ndyu'ni ma̱ cha' tso'o lo'o ñati̱; pana laja lo'o ndyu'ni tso'o na' lo'o ñati̱, li' ca cuayá' ti' ma̱ cha' chañi cha' ngusñi na' cha' ji'i̱ ycui' Ni”, ñacui̱ na' ji'i̱ ngu' bi'.

LOS HECHOS 19:12

Lo'o jua'a̱ ngusñi ngu' lcaa late' nu cua ndyala' Pablo ji'i̱, ndyaa lo'o ngu' ji'i̱ late' bi' ca slo ngu' quicha tya'a ngu'. Ngua tso'o nu ngu' quicha bi' li', lo'o jua'a̱ ngu' quicha nu ngusñi cui'i̱ cuxi ji'i̱, ndu'utsu' cui'i̱ ji'i̱ ngu' bi' ndyaa li'.

SAN JUAN 21:5

Li' ngusi'ya lo'o Jesús ji'i̱ ngu': ―¿Ha ngujui xi na cacu ma̱, La? ―Ná sca na ngujui ji'i̱ ya tsiya' ti ―nacui̱ ngu' ji'i̱ yu li'.

SAN MATEO 8:10

Ndube tsa ti' Jesús lo'o ndyuna cha' nu nchcui' capitán bi'. Li' nchcui' Jesús lo'o nu quiña'a̱ tsa ñati̱ nu lca'a̱ ji'i̱: ―Liñi tsa cha' nchcui' na' lo'o ma̱ juani ―nacui̱ Jesús ji'i̱ ngu'―. Bilya ña'a̱ na' tsiya' ti ji'i̱ sca ñati̱ nu tso'o tsa jlya ti' ji'i̱ ycui' Ndyosi, ñi'ya̱ jlya ti' nu capitán re; tyucui ña'a̱ nasiyu̱ Israel re ná ntsu'u ngu' nu jlya ti' jua'a̱.

SAN MATEO 4:24

Li' nguañi cha' ji'i̱ Jesús lcaa quichi̱, hasta ca nde loyuu Siria nguañi cha' ji'i̱ yu; bi' cha' ñaa lo'o ngu' ji'i̱ lcaa ngu' quicha slo ycui' yu, cha' cua'ni yu jo'o ji'i̱ ngu'. Ñaa lo'o ngu' ji'i̱ nu quicha, masi ti'í tsa ngu' xqui'ya quicha nu ntsu'u ji'i̱ ngu'; ñaa lo'o ngu' ji'i̱ ngu' nu ntsu'u cui'i̱ cuxi ji'i̱ ngu', masi nxalú cui'i̱ ji'i̱ ngu', masi nchcu̱' tyucuí̱ tyucui ña'a̱ ngu', masi nchcuti sca tsu' ya' ngu'. Lo'o li' ngua'ni Jesús cha' ndyaca tso'o lcaa ngu' quicha bi'.

ROMANOS 5:11

Ni si'i tsa lo cua ti cha', masi lo'o cha' tso'o tsa ntsu'u tyiquee na ña'a̱ na ji'i̱ ycui' Ndyosi xqui'ya Jesucristo nu Xu'na na, cha' bi' laca nu ngua'ni cha' caca ca stu'ba cha' ji'na lo'o Ni.

LOS HECHOS 14:9

Tso'o tsa ndyuna nu quicha bi' laja lo'o nclyu'u Pablo ji'i̱ ngu'; li' na'a̱ yu ji'i̱ nu quicha bi', ngua cuayá' ti' yu cha' jlya ti' nu quicha cha' taca ji'i̱ ycui' Ndyosi cua'ni cha' tyaca tso'o.

SAN JUAN 16:33

Cua nda na' lcaa cha' bi' lo'o ma̱ cha' ti̱ ti tyi'i̱ tyiquee ma̱ xqui'ya na' ―nacui̱―. Nde chalyuu ti'í ti' ñati̱ ña'a̱ ji'i̱ ma̱. Pana ná cube ti' ma̱, cua'ni tlyu tyiquee ma̱; na' laca̱ loo nde chalyuu, cha' cua ntiji̱loo na' tsiya' ti ji'i̱ nu xña'a̱.

SAN MATEO 9:6

Ntsu'u cha' ca cuayá' ti' ma̱ cha' ntsu'u chacuayá' 'na cuentya ji'i̱ ycui' Ndyosi cha' cuityi̱ na' qui'ya nu ntsu'u ji'i̱ ñati̱ chalyuu, cha' nu cua nda Ni 'na lijya̱a̱ cha' caca̱ ñati̱. Ca cuayá' ti' ma̱ lo'o ña'a̱ ma̱ cha' tyaca tso'o nu quicha re juani. Li' xa' nchcui' Jesús lo'o nu quicha bi': ―Tyatu̱ nu'u̱ ―nacui̱ Jesús ji'i̱―, xñi ji'i̱ catya̱ jinu'u̱ cha' tsaa lo'o ji'i̱ ca to' tyi.

SAN MATEO 8:16

Lo'o cua ngusi̱i̱, li' ndyalaa quiña'a̱ ngu' slo Jesús, lijya̱ lo'o ngu' ji'i̱ ngu' quicha nu ngusñi cui'i̱ cuxi ji'i̱. Li' ngulo Jesús cña ji'i̱ cui'i̱ cuxi bi', cha' tyu'utsu' ji'i̱ ngu' quicha; lo'o li' ndyaca tso'o ngu' bi'. Lo'o jua'a̱ ngua'ni Jesús jo'o ji'i̱ lcaa ngu' quicha nu ndya'a̱ slo.

SAN JUAN 2:25

Ná ntsu'u cha' cacha' xa' ñati̱ ji'i̱ yu ñi'ya̱ ntsu'u cresiya ji'i̱ scaa ngu', cha' jlo tsa ti' ycui' ca yu ñi'ya̱ ntsu'u cresiya ji'i̱ lcaa ñati̱.

SAN MARCOS 5:34

―Tso'o tsa jlya ti' nu'u̱ jna', sñi' ―nacui̱ Jesús ji'i̱―, bi' cha' ndyaca tso'o nu'u̱. Ti̱ ti tyi'i̱ tyiquee nu'u̱ juani. Tso'o ti tyaa nu'u̱, nga'aa xñi quicha bi' jinu'u̱ chaca quiya'.

SAN MARCOS 1:32

Cua ngusi̱i̱ tsa li'. Lo'o ndyaa cuichaa, li' ya̱a̱ lo'o ngu' ji'i̱ lcaa ngu' quicha slo Jesús, masi nu ngusñi cui'i̱ cuxi ji'i̱, masi nu ntsu'u xa' lo quicha ji'i̱.

SAN MATEO 6:12

Lo'o jua'a̱ cui'ya nu'u̱ cha' clyu ti' ji'i̱ ya ji'i̱ lcaa cha' cuxi nu ntsu'u tyiquee ya, cha' jua'a̱ cua ngüi'ya ya cha' clyu ti' ji'i̱ ñati̱ nu ngua'ni cha' cuxi lo'o ya.

SAN MATEO 9:5

Ná ndiya ti' ma̱ si ñacui̱ na' ji'i̱ nu quicha re: “Cua ngua'ni clyu ti' na' ji'i̱ qui'ya nu ntsu'u hi̱”. ¿Ha tso'o la si chcui' na' lo'o nu quicha lacua: “Tyatu̱ nu'u̱, xa tu'ba catya̱ hi̱ cha' tyaa lo'o ji'i̱ ca to' tyi”? ―nacui̱ Jesús―.

SAN MATEO 14:27

Hora ti ndacha' Jesús ji'i̱ ngu': ―Cua'ni tlyu tyiquee ma̱ ―nacui̱ Jesús ji'i̱ ngu'―. Na' laca̱, ná cutsi̱i̱ ma̱.

SAN MARCOS 6:50

Na'a̱ ca ta'a ngu' ji'i̱, lo'o jua'a̱ ndyutsi̱i̱ tsa ngu' li'. Hora ti ndacha' Jesús ji'i̱ ngu': ―Cua'ni tlyu tyiquee ma̱, na' laca̱ ―nacui̱ yu―. Ná cutsi̱i̱ ma̱ ―nacui̱ Jesús ji'i̱ ngu'.

SAN MARCOS 10:49

Li' ndatu̱ Jesús, se'i̱ ti ndu̱ yu li'. ―Ñacui̱ ma̱ ji'i̱ yu cha' ca̱a̱ yu ca nde ―nacui̱ Jesús. Li' nacui̱ ngu' ji'i̱ nu cuityi̱' cha' tsaa ca slo Jesús. ―Cua'ni tlyu tyiquee nu'u̱ juani ―nacui̱ ngu' ji'i̱ nu quicha bi'―. Tyatu̱ nu'u̱, yaa clya nu'u̱ slo La Jesús jua ―nacui̱ ngu'.

LOS HECHOS 23:11

Lo'o ngua talya lye, li' ndyalaa ycui' nu Xu'na na slo Pablo. ―Cua'ni tlyu tyiquee nu'u̱ Pablo ―nacui̱ Ni―. Ñi'ya̱ cua nchcui' nu'u̱ cha' jna' nde quichi̱ Jerusalén re, jua'a̱ ntsu'u cha' chcui' nu'u̱ cha' jna' ca quichi̱ Roma.