Nchcui' nu xca̱ ji'i̱ ycui' Ndyosi bi' lo'o na' li': ―Scua clya nu'u̱ cha' re lo quityi ―nacui̱―: “Tso'o ntsu'u tyiquee ñati̱ nu nguane na' ji'i̱ cha' tsaa su caja clyo'o lo'o yu nu ngujuii lo crusi cuentya ji'i̱ ngu'”, nacui̱ Ni. La cui' cha' liñi nu nda ycui' Ndyosi lo'o ñati̱ laca cha' bi' ―nacui̱ xca̱ bi' jna'.
SAN MATEO 9:15 - Chatino Tataltepec15 Li' nguxacui̱ Jesús cha' ji'i̱ ngu' bi': ―Lo'o caja clyo'o ngu' ni, ndacu ngu' nu ndya'a̱ lo'o cutsii; ná ndi'i̱ ngu' xñi'i̱ ti' ngu' tsa̱ bi' lo'o ndi'i̱ ngu' lo'o cutsii ―nacui̱ Jesús ji'i̱ ngu' li'―. Pana nu lo'o tyalaa tsa̱ li', nu lo'o tyaa lo'o ngu' ji'i̱ cutsii, li' ná cacu ngu' tya'a tso'o cutsii, cha' caca xñi'i̱ ti' ngu' li'. La cui' jua'a̱ chaa ti' tya'a tso'o na' juani, pana caca xñi'i̱ ti' ngu' re nde loo la. Gade chapit la |
SAN MATEO 9:15
22 Referans Kwoze
Ñi'ya̱ nu laca lo'o ngujui clyo'o ngu', sca ti nu cutsii bi' ngujui clyo'o lo'o nu cuxi̱i̱; pana lcaa tya'a tso'o cutsii nu ndi'i̱ ca bi', tso'o tsa ntsu'u tyiquee ngu'. Ñi'ya̱ lo'o chaa ti' ngu' ndi'i̱ ngu' lo'o ngujui clyo'o ngu', jua'a̱ na' tso'o tsa ntsu'u tyiquee na' cha' ña'a̱ na' ji'i̱ ngu' nu ndya'a̱ lo'o Jesús ―nacui̱ Juan―.
La cui' Juan laca na', lo'o li' na'a̱ na' cha' cua nscua chaca quichi̱ Jerusalén cucui. Lubii tsa ña'a̱ quichi̱ bi' juani; nde su ntucua ycui' Ndyosi ngutu'u quichi̱ bi', ngua'ya nde lo yuu cucui. Tyucui ña'a̱ quichi̱ cua ngalya' tso'o; tso'o tsa ña'a̱ bi', ndubi tsa ña'a̱ bi'. Ñi'ya̱ ña'a̱ sca cuxi̱i̱ ji'i̱ ñati̱, nu tso'o tsa ña'a̱ ste', jua'a̱ tso'o tsa ña'a̱ quichi̱ cucui bi'.
Lo'o jua'a̱ ngusubi Pablo lo'o Bernabé ji'i̱ ñati̱ cha' caca ngu' loo ji'i̱ scaa taju ñati̱ ji'i̱ Jesucristo nu ndi'i̱ scaa quichi̱ tyi ngu'; ngua'ni Pablo lo'o Bernabé cña bi' lcaa quichi̱ su ndyaa ngu'. Tyu̱u̱ hora ná ndyacu ngu' tyaja tsa̱ nu lo'o nchcui' ngu' lo'o ycui' Ndyosi cha' subi ngu' ji'i̱ ñati̱ nu caca loo ji'i̱ taju tya'a ngu'. Ndijña ngu' ji'i̱ ycui' nu Xu'na na cha' cua'a Ni ji'i̱ ngu' bi', cha' ná caca cuxi ji'i̱ ngu', cha' tso'o tsa ngusñi lcaa ñati̱ bi' cha' ji'i̱ ycui' Ni.
Ná tso'o si tyeje tacui tyu̱u̱ tsa̱ nu ná ndi'i̱ ma̱ lo'o clyo'o ma̱; sca ti si tyu'utsu' ma̱ xi ji'i̱ tya'a ma̱ cha' caja xi tyempo chcui' ma̱ lo'o ycui' Ndyosi Sti ma̱. Lo'o nteje tacui cha' bi', xa' tyi'i̱ ma̱ lo'o clyo'o ma̱ li', ñi'ya̱ nu ndi'i̱ ti ma̱. Si ná cua'ni ma̱ jua'a̱, ná tyiquee' quiñu'u̱ cha' ji'i̱ ma̱ lo'o clyo'o ma̱ cha' ná nchca talo ma̱ tyu̱u̱ tsa̱. Lo'o li' cua'ni nu xña'a̱ ngana ji'i̱ ma̱.
Tucui tsa cña nu ndyacua 'na, ti'í tsa cña ndyacua 'na ca su ndya'a̱ na', ña'a̱ cuaya' tyu̱u̱ tsa quiya' ná ngua caja' na'; ntsu'u quiya' ntyute' na', jua'a̱ ntsu'u quiya' nguityi na' hitya, lo'o jua'a̱ ntsu'u tsa̱ nu ná ngujui tsiya' ti na cacu na', ntsu'u tsa̱ lo'o lye tsa nchca tlya' na', la cui' jua'a̱ ná ngujui late' cacu' na'. Lcaa cha' bi' ndyacua 'na ca su ndya'a̱ na'.
Lo'o li' ndyalaa sca taju ñati̱ slo Jesús, la cui' ngu' nu ndyaca tsa'a̱ ji'i̱ Juan laja lo'o ntyucuatya ji'i̱ ngu' laca ngu' bi'. Li' nchcui' ngu' bi' lo'o Jesús: ―Ntsu'u tsa̱ nu ná ndacu cuare ―nacui̱ ngu'―, lo'o ntsu'u tsa̱ nu ná ndacu ngu' fariseo, xqui'ya cha' ndu'ni tacati ya tsa̱ bi'; pana nu'u̱, lo'o jua'a̱ ngu' nu ndyaca tsa'a̱ jinu'u̱, lcaa tsa̱ ndacu ma̱. ¿Ni cha' ta ndacu cu'ma̱ lcaa tsa̱ lacua?
Piblisite