SAN MATEO 8:8 - Chatino Tataltepec

⁸ Hora ti nguxacui̱ capitán cha' ji'i̱ Jesús li': ―Xu'na ―nacui̱ yu ji'i̱ Jesús―, ná tso'o tsaa nu'u̱ to' tyi na', cha' si'i ñati̱ tso'o laca na'. Tsa bi' ti cha' nti' na', cha' culo nu'u̱ cña cha' cati̱ quicha bi' tsiya' ti; jlo ti' na' cha' caca tso'o msu 'na li', masi tyijyu' ti tyu̱ nu'u̱ chcui'.

SAN MATEO 8:8 Referans Kwoze

SAN MATEO 8:3

Li' ngutacui ya' Jesús lo nu quicha bi', ngusta ya' su ndyatsu' cuaña' yu. ―Cua'ni na' jo'o jinu'u̱ ―nacui̱ Jesús ji'i̱ nu quicha bi'―. Tyanu lubii cuaña' nu'u̱ juani ―nacui̱. Hora ti ngua tso'o nu quicha bi', ngua lubii cuaña' yu.

SAN JUAN 1:27

Tso'o tsa cña ngujui 'na nti' na' ―nacui̱―, masi caña nu ntsu'u quiya' ñati̱ bi' sati̱' na' juata.

SAN LUCAS 5:8

Lo'o na'a̱ Simón Pedro lcaa cualya bi', ngua cuayá' ti' yu cha' xqui'ya Jesús ngujui cualya ji'i̱ ngu'. Hora ti ndyatu̱ sti̱' yu loo Jesús li', nchcui' yu lo'o: ―Tyu'u clya nu'u̱ nde slo na', Xu'na ―nacui̱ Simón ji'i̱―. Ntsu'u tsa xqui'ya na' cha' ñati̱ chalyuu ti laca na'.

SAN MATEO 3:11

Lo'o na' ni, ntyucuatya na' ji'i̱ ma̱ lo'o hitya, si chañi cha' cua ngua tyuju'u ti' ma̱ ji'i̱ qui'ya nu ntsu'u ji'i̱ ma̱; pana cua ca̱a̱ ti sca ñati̱ nu tso'o la que na'. Lo'o na', cua'ni tlyu na' ji'i̱ ñati̱ bi'; tso'o tsa caca tyiquee na', masi caña nu ntsu'u quiya' ñati̱ bi' culo na'. Lo'o nu ñati̱ bi' ni, ná tyucuatya yu ji'i̱ ngu' lo'o hitya ti; pana cua'ni yu cha' tyanu Xtyi'i ycui' Ndyosi ne' cresiya ji'i̱ ngu' nu lo'o tyucuatya yu ji'i̱ ngu', lo'o li' subii Ni ji'i̱ ngu' lo'o xee ji'i̱ Ni cha' caca lubii ne' cresiya ji'i̱ ngu'.

SAN LUCAS 15:21

Li' nacui̱ yu ji'i̱ sti yu: “Sti na'”, nacui̱ yu, “cua ntsu'u tsa qui'ya hichu̱' na' cuentya ji'i̱ ycui' Ndyosi lo'o jua'a̱ cuentya jinu'u̱. Nga'aa ntsu'u cha' ñacui̱ nu'u̱ cha' sñi' nu'u̱ laca na'.”

SAN LUCAS 15:19

Nga'aa ntsu'u cha' ñacui̱ nu'u̱ cha' sñi' nu'u̱ laca na'; tso'o la masi ñi'ya̱ nu ndu'ni nu'u̱ lo'o msu jinu'u̱, jua'a̱ ti cua'ni nu'u̱ lo'o na'.” Jua'a̱ ngulacua ti' yu cha' chcui' yu lo'o sti yu.

SAN MATEO 3:14

Lo'o li' ngua ti' Juan cua'a yu ji'i̱ Jesús. ―Ná tso'o tyucuatya na' jinu'u̱ ―nacui̱ Juan ji'i̱―. Tso'o la tyucuatya ycui' nu'u̱ jna'.

SAN MATEO 8:7

Li' nchcui' Jesús lo'o: ―Tsa'a na'. Cua'ni na' cha' tyaca tso'o yu ―nacui̱ Jesús ji'i̱ nu capitán bi'.

SAN MATEO 8:9

Xu'na sendaru laca na'; laca na' loo ji'i̱ sca siyento tya'a sendaru, lo'o jua'a̱ ntsu'u nu laca loo jna'. Si culo na' cña ji'i̱ tsaca sendaru bi' ndi'ya̱: “Yaa clya nu'u̱”, hora ti tsaa yu, cha' nti' na' cha' tsaa yu. Jua'a̱ si chcui' na' lo'o chaca yu: “Ca̱a̱ nu'u̱ ca nde”, hora ti ca̱a̱ yu slo na' li'. Jua'a̱ si culo na' cña ji'i̱ msu 'na: “Cua'ni sca cña 'na”, ñacui̱ na' ji'i̱; hora ti cua'ni yu cña bi' 'na ―nacui̱ capitán ji'i̱ Jesús―. Jua'a̱ nu'u̱ ni, jlo ti' na' cha' taca jinu'u̱ culo cña cha' cati̱ quicha bi'.