SAN MATEO 8:4 - Chatino Tataltepec4 Xa' nchcui' Jesús lo'o yu li': ―Yaa clya nu'u̱ slo sti jo'ó ―nacui̱―. Cajua ta nu'u̱ msta̱ nu nacui̱ jyo'o Moisés cha' ta na ji'i̱ ycui' Ndyosi lo'o ndyaca tso'o na ji'i̱ quicha nu ntsu'u ji'na. Ná cacha' nu'u̱ ji'i̱ xa' ñati̱. Taca ca cuayá' ti' lcaa ñati̱ cha' cua ngua tso'o nu'u̱, nu lo'o cuna ngu' cha' cua ngusñi sti jo'ó msta̱ nu nda nu'u̱. Gade chapit la |
SAN MATEO 8:4
31 Referans Kwoze
Lo'o li' nacui̱ Jesús ji'i̱ yu, cha' ná cacha' yu ji'i̱ ñati̱ ñi'ya̱ ngua ji'i̱ yu. Ndi'ya̱ nchcui' lo'o yu: ―Yaa clya nu'u̱ chcui' lo'o sti jo'ó nu ndi'i̱ ne' laa ―nacui̱ Jesús ji'i̱ nu quicha bi'―. Cajua ta nu'u̱ msta̱ nu nacui̱ jyo'o Moisés cha' ta na ji'i̱ ycui' Ndyosi lo'o ndyaca tso'o na ji'i̱ quicha nu ntsu'u ji'na. Jua'a̱ ca cuayá' ti' ñati̱ lo'o ycui' sti jo'ó cha' cua ngua lubii tyucui ña'a̱ nu'u̱. Nga'aa ca quicha nu'u̱ juani.
Si ntsu'u sca quichi̱ su ná tyaja'a̱ ngu' ta ngu' se'i̱ tyanu ma̱, sca quichi̱ su ná tyaja'a̱ ngu' cuna ngu' cha' nu chcui' ma̱ lo'o ngu', li' tyu'u ma̱ quichi̱ bi', yaa clya ma̱ li'. Salú ma̱ sñii yuu nu ntsu'u quiya' ma̱ to' quichi̱ bi'. Jua'a̱ caca cuayá' ti' ngu' cha' cuxi tsa cña nu ngua'ni ngu' lo'o ma̱. Cha' liñi cacha' na' ji'i̱ ma̱ juani ―nacui̱ Jesús―, lo'o tyalaa tsa̱ cha' cua'ni cuayá' ycui' Ndyosi ji'i̱ lcaa ñati̱, lye la xcube' Ni ji'i̱ ñati̱ quichi̱ nu ná ntaja'a̱ cuna ngu' cha' nu nchcui' ma̱ lo'o ngu'; xti la xcube' Ni ji'i̱ jyo'o ñati̱ cuxi nu nguti'i̱ quichi̱ Sodoma, nu nguti'i̱ quichi̱ Gomorra cua sa'ni. Jua'a̱ nchcui' Jesús lo'o ngu' nu ndyaca tsa'a̱ ji'i̱.
Lo'o lijya̱ nda'ya ti'i̱ ngu' sii' ca'ya bi', li' ngulo Jesús cña ji'i̱ ngu' nu ndyaca tsa'a̱ ji'i̱: ―Ná cacha' ma̱ ji'i̱ xa' ñati̱ ñi'ya̱ ngua cha' nu cua na'a̱ ma̱ lo xlya ca'ya jua tsa̱ ―nacui̱ Jesús ji'i̱ ngu' bi'―. Nu lo'o cua ngujuii ycui' na' nu cua nda Ni 'na lijya̱a̱ cha' caca na' ñati̱, nu lo'o tyu'ú na' chaca quiya', li' taca cacha' ma̱ cha' bi' ji'i̱ xa' ñati̱.
’Lo'o chaca cha' ni, ná ta ma̱ sca na ji'i̱ ngu' ti'i nu lo'o ña'a̱ xa' ñati̱ ji'i̱ ma̱, cha' ná ña'a̱ ngu' ñi'ya̱ laca cha' tso'o nu ndu'ni ma̱ cuentya ji'i̱ ycui' Ni. Ná taca xco'o ycui' Ndyosi Sti na sca cha' tso'o nu tyacua ji'i̱ ma̱ ca su ntucua ycui' Ni, si cha' ña'a̱ xa' ñati̱ ji'i̱ ma̱ ndyu'ni ma̱ cha' tso'o ti.
’Ná culacua ti' ma̱ cha' lijya̱ na' ca nde cha' cua'ni tye na' ji'i̱ cha' cusu'; masi lcaa cha' nu nda ycui' Ndyosi lo'o jyo'o Moisés, masi lcaa cha' nu nguscua jyo'o cusu' nu ngua tu'ba ji'i̱ ycui' Ndyosi cua sa'ni la, ná cuityi̱ na' ji'i̱ cha' bi'. Pana cua lijya̱ na' cha' culu'u liñi na' ji'i̱ ñati̱ ñi'ya̱ nu nti' ñacui̱ lcaa cha' nu nscua lo quityi bi'.
’Lo'o cu'ma̱ ni, tii ti ti' ma̱ tyi'i̱ ma̱ li' ―nacui̱ Jesús―. Tejeya' ñati̱ cuxi ji'i̱ ma̱, jua'a̱ sta ngu' qui'ya ji'i̱ ma̱ slo ngu' tisiya; quiji'i̱ ngu' bi' ji'i̱ ma̱, masi ca ne' laa ji'i̱ ngu'. Nga'a̱ cha' tsatu̱ ma̱ slo ngu' gobierno, slo ngu' nu laca loo; cuentya jna' cacha' ma̱ lcaa cha' tso'o jna' ji'i̱ ngu' bi'.
Li' ndu'u ngu' ñaa ngu'. Laja lo'o ngua'ya ngu' lo xlya ca'ya, ngulo Jesús cña ji'i̱ ngu' cha' ná cacha' ngu' ji'i̱ xa' ñati̱ ñi'ya̱ ngua cha' nu cua na'a̱ ngu' lo xlya ca'ya. ―Nu lo'o cajaa ycui' na' nu cua nda Ni 'na lijya̱a̱ cha' caca na' ñati̱, lo'o li' tyu'ú na' chaca quiya', li' taca cacha' ma̱ cha' bi' ji'i̱ xa' ñati̱ ―nacui̱ Jesús ji'i̱ ngu' bi'.
Lo'o jua'a̱ ngutu'u cui'i̱ cuxi ji'i̱ tyu̱u̱ tya'a ngu' quicha bi' li'. Ndu'u si'ya cui'i̱ bi' lo'o ndu'u ji'i̱ ngu': ―Sca ti nu'u̱ laca Sñi' ycui' Ndyosi ―nacui̱ cui'i̱ bi' ji'i̱ Jesús. Li' ngua'a Jesús chacuayá' ji'i̱ cui'i̱ cuxi cha' nga'aa chcui' bi' tsiya' ti. Cua ndyuloo cui'i̱ bi' ji'i̱ Jesús, cha' la cui' Cristo nu cua nda ycui' Ndyosi ji'i̱ lijya̱ chalyuu laca yu bi'.
Piblisite