SAN MATEO 8:25 - Chatino Tataltepec

²⁵ Li' nguxtyu'u ngu' tya'a ndya'a̱ ji'i̱ Jesús: ―Cusu' ―nacui̱ ngu' ji'i̱ Jesús―, cua'ni lyaá clya ji'na. Cua quilyu'u ti yaca ni'i̱ re ne' hitya, cajaa na si nti'.

SAN MATEO 8:25 Referans Kwoze

SAN LUCAS 8:24

Li' ndyaa nguxtyu'u ngu' ji'i̱ Jesús ca su ntsiya laja'. Nchcui' ngu' lo'o li': ―Cusu', cusu' ―nacui̱ ngu' ji'i̱―, que ti' nu'u̱. Cua quilyu'u ti yaca ni'i̱ re, cajaa na li'. Ndaca'a̱ Jesús li', ngulo yu cña ji'i̱ cui'i̱ lo'o ji'i̱ clyoo' bi'. Hora ti ngua ti̱ bi' li'; nga'aa ndyaca cui'i̱, nga'aa ntyucua clyoo'.

SAN MATEO 8:2

Lo'o li' ndu'u tucua sca nu quicha slo. Ndyatu̱ sti̱' yu slo ycui' Jesús, cha' nti' yu cuane yu ji'i̱ Jesús cha' cua'ni jo'o ji'i̱ yu, cha' ngusñi quicha ndyatsu' cuaña' ji'i̱ yu bi'. ―Xu'na ―nacui̱ nu quicha bi' ji'i̱ Jesús―, cua'ni jo'o 'na. Jlo ti' na' cha' nchca jinu'u̱ cua'ni nu'u̱ cha' caca lubii cuaña' na'.

SAN MATEO 8:24

Lo'o li' lye tsa ndyaca cui'i̱, lye tsa ndyatu̱ clyoo' lo tayu'; cua quilyu'u ti yaca ni'i̱ bi' ne' hitya xqui'ya clyoo', pana laja' Jesús ntsu'u ne' yaca ni'i̱ bi'.

SAN MATEO 9:18

Laja lo'o nchcui' Jesús lo'o ngu' bi', li' ndyalaa sca ngu' judío nu laca loo; ndatu̱ sti̱' yu slo Jesús li', cha' jña yu sca cha' clyu ti' ji'i̱: ―Cua ngujuii ca ti sca nu piti cuna'a̱ sñi' na' ―nacui̱ nu cusu' ji'i̱ Jesús―. ¿Ha ná tsaa nu'u̱ slo na' cha' sta ya' nu'u̱ lo nu piti bi'? ―nacui̱―. Jlo ti' na' cha' nchca jinu'u̱ cua'ni cha' tyu'ú nu piti chaca quiya'.