SAN MATEO 8:21 - Chatino Tataltepec

²¹ Lo'o li' nchcui' chaca nu qui'yu nu ndya'a̱ lo'o Jesús nquicha': ―Cusu' ―nacui̱ yu ji'i̱ Jesús―, ta xi chacuayá' 'na cha' tsa'a na' to' tyi na' cha' ña'a̱si̱i̱ na' ji'i̱ sti na' ña'a̱ cuayá' nu cajaa sti na', cha' xatsi' na' ji'i̱ sti na' clyo. Li' tsa'a̱ la lo'o nu'u̱.

SAN MATEO 8:21 Referans Kwoze

SAN MATEO 19:29

Lo'o jua'a̱ cua ña'a̱ ca ñati̱ nu ntsu'u cha' tsaa tyijyu' cha' cua'ni ngu' cña cuentya jna', nu nguxtyanu lcaa na nu ntsu'u ji'i̱ ngu' cha' ndyu'ni ngu' cña bi', ná xtyanu na' ji'i̱ ngu' bi' jua'a̱ ti; masi tyi ngu', masi tya'a ngula ngu', masi sti ngu', masi xtya'a̱ ngu', masi sñi' ngu', masi yuu nu ntsu'u ji'i̱ ngu', masi xtyanu ngu' lcaa cha' bi', pana caja chalyuu nu ná nga'a̱ cha' tye ji'i̱ ngu'. Lo'o jua'a̱ xa' caja quiña'a̱ la cha' ji'i̱ ngu' bi', tsa ña'a̱ nu nguna' ji'i̱ ngu' bi' ngua ti' ngu'.

2 CORINTIOS 5:16

Bi' cha' juani nga'aa chcui' tyucuaa ti' na lo'o xa' ñati̱ si ná ndiya ti' na ñi'ya̱ ndu'ni ngu' bi' nde chalyuu. Nu ngua tya sa'ni la, la cui' ti cha' ná ndiya ti' ya cña nu ngua'ni ycui' Cristo; si'i ñati̱ nguula, si'i ñati̱ tlyu laca yu ngua ti' ya tya li'. Pana juani nga'aa si'i jua'a̱ nclyacua ti' ya ña'a̱ ya ji'i̱ Cristo.

SAN MATEO 8:20

Nguxacui̱ Jesús cha' ji'i̱ mstru bi' li': ―Nu naa cuatya' ni, ne' xtyuu ni' ndyu'ú ni'; lo'o jua'a̱ quiñi sube, ne' xlyati̱ ndyu'ú ni'. Pana na' ni, cua nda Ni 'na lijya̱a̱ chalyuu re cha' caca na' ñati̱, lo'o jua'a̱ ná ntsu'u su xtyii na' caja' na', ná ntsu'u su chca'a̱ cña' na'.

SAN MATEO 8:22

Li' nguxacui̱ Jesús cha' ji'i̱ yu: ―Tso'o la masi ca̱a̱ lca'a̱ nu'u̱ 'na juani ti ―nacui̱ Jesús ji'i̱―. Tya ntsu'u xi xa' la ñati̱ chalyuu tya'a ma̱ nu taca xatsi' ji'i̱ ñati̱ nu cua ngujuii.