SAN MATEO 8:20 - Chatino Tataltepec

²⁰ Nguxacui̱ Jesús cha' ji'i̱ mstru bi' li': ―Nu naa cuatya' ni, ne' xtyuu ni' ndyu'ú ni'; lo'o jua'a̱ quiñi sube, ne' xlyati̱ ndyu'ú ni'. Pana na' ni, cua nda Ni 'na lijya̱a̱ chalyuu re cha' caca na' ñati̱, lo'o jua'a̱ ná ntsu'u su xtyii na' caja' na', ná ntsu'u su chca'a̱ cña' na'.

SAN MATEO 8:20 Referans Kwoze

SAN LUCAS 2:7

Qui'yu cubi' nu ngula ji'i̱ María bi', sñi' clyo nu cuna'a̱ bi' laca cubi' bi'. Tso'o ngüixi̱i̱ xtya'a̱ late' hichu̱' cubi' bi', lo'o li' ngusta ji'i̱ cubi' ne' canoa su ndacu cuayu, cha' ná ngujui ni'i̱ su tyi'i̱ ngu' tsiya' ti.

2 CORINTIOS 8:9

Cua jlo ti' ma̱ ñi'ya̱ ndu'ni Jesucristo nu Xu'na na, cha' xcui' tso'o tsa ndu'ni Ni lo'o ñati̱. Lcaa na cua ntsu'u ji'i̱ Ni, pana cua ntaja'a̱ Ni ngua Ni sca ñati̱ ti, ñi'ya̱ nti' sca ñati̱ ti'i nu ná sca na ntsu'u ji'i̱ tsiya' ti. Xqui'ya cu'ma̱, bi' cha' ngua'ni Ni jua'a̱, cha' tiya' la li' taca caja lcaa na nu ntsu'u ji'i̱ ycui' Ni ji'i̱ ma̱.

SAN LUCAS 2:16

Yala ti ndyaa ngu' li'; nquije María lo'o José ji'i̱ ngu', ndi'i̱ ngu' lo'o sca cubi' nu ntsiya ti ne' canoa su ndacu cuayu.

SAN LUCAS 2:12

Si quije ji'i̱ ma̱ su ntsiya sca cubi' nu tso'o tsa ngüixi̱i̱ late' chu̱', nu ntsiya ne' canoa su ndacu cuayu, li' caca cuayá' ti' ma̱ cha' bi' laca nu naa Cristo.

SAN LUCAS 8:3

Lo'o jua'a̱ Juana naa chaca nu ndya'a̱ lo'o ngu'; clyo'o sca nu naa Chuza laca nu Juana bi', sca yu nu ndyi'ya cña loo rey Herodes laca clyo'o bi'. Jua'a̱ Susana, lo'o jua'a̱ tya tyu̱u̱ tya'a ngu' cuna'a̱ nu nxtyucua ji'i̱ Jesús lo'o cña nu ntsu'u ji'i̱ ngu'.

SAN MATEO 12:32

Cui'ya Ni cha' clyu ti' ji'i̱ ñati̱ nu nchcui' cha' cuxi jna' nu cua nda Ni 'na lijya̱a̱ cha' caca na' ñati̱; pana lo'o chcui' ngu' cha' cuxi ji'i̱ cña nu ndu'ni Xtyi'i ycui' Ndyosi, li' nga'aa cui'ya ycui' Ni cha' clyu ti' ji'i̱ ngu' bi' lcaa tsa̱ lo'o tyi'i̱ ngu' chalyuu, masi tyucui tyempo nde loo la.

SAN MATEO 19:28

―Cha' liñi nchcui' na' lo'o ma̱ juani ―nacui̱ Jesús ji'i̱ ngu'―, cha' nu lo'o caca chalyuu cucui bi' ni, li' ca̱a̱ na' nu cua nda Ni 'na lijya̱a̱ cha' caca na' ñati̱; tsaa tucua na' ca su tso'o tsa ña'a̱ ca bi', cha' cua'ni cuayá' na' ji'i̱ lcaa ñati̱ chalyuu li'. Lo'o cu'ma̱ nu ndya'a̱ ma̱ lo'o na', tiya' la tyucua ma̱ lo tii tyucuaa tya'a yaca nu tso'o tsa ña'a̱, cha' cua'ni cuayá' ma̱ ji'i̱ tya'a ñati̱ ma̱, nu tii tyucuaa tya'a taju ngu' Israel bi'.

SAN MATEO 17:9

Lo'o lijya̱ nda'ya ti'i̱ ngu' sii' ca'ya bi', li' ngulo Jesús cña ji'i̱ ngu' nu ndyaca tsa'a̱ ji'i̱: ―Ná cacha' ma̱ ji'i̱ xa' ñati̱ ñi'ya̱ ngua cha' nu cua na'a̱ ma̱ lo xlya ca'ya jua tsa̱ ―nacui̱ Jesús ji'i̱ ngu' bi'―. Nu lo'o cua ngujuii ycui' na' nu cua nda Ni 'na lijya̱a̱ cha' caca na' ñati̱, nu lo'o tyu'ú na' chaca quiya', li' taca cacha' ma̱ cha' bi' ji'i̱ xa' ñati̱.

SAN MATEO 16:27

Chañi cha' chaca quiya' ca̱a̱ na' nu cua nda Ni 'na lijya̱ na' cha' caca na' ñati̱, stu'ba ti ca̱a̱ na' lo'o lcaa xca̱ ji'i̱ ycui' Ndyosi; ndubi tsa ña'a̱ loo na' lo'o xee ji'i̱ ycui' Ndyosi Sti na' li'. Lo'o li' ta na' xcaya' ngu', ni cña nu cua ngua'ni scaa ngu' lo'o ya̱a̱ ngu' chalyuu.

SAN MATEO 16:13

Lo'o ca tiya' la, li' ndyalaa ngu' loyuu su cuentya quichi̱ Cesarea de Filipo. Xa' nchcui' Jesús lo'o ngu' nu ndyaca tsa'a̱ ji'i̱, nchcuane yu ji'i̱ ngu' li': ―¿Na laca nacui̱ ñati̱ cuentya 'na? ¿Tilaca laca na' nu cua nda Ni 'na lijya̱a̱ nde cha' caca na' ñati̱? ―nacui̱ Jesús ji'i̱ ngu' bi'.

SAN MATEO 12:40

Ñi'ya̱ ndyanu nu Jonás bi' nde ne' cualya tonu bi' sna tsa̱ lo'o sna talya, jua'a̱ na' nu cua nda Ni 'na lijya̱a̱ cha' caca na' ñati̱, tyanu na' ne' tyuu sna tsa̱ lo'o sna talya.

SAN MATEO 12:8

Lo'o jua'a̱ ta na' chaca cha' lo'o ma̱, cha' na' nu cua nda Ni 'na lijya̱a̱ cha' caca na' ñati̱ ni, laca na' loo, masi tsa̱ nu ndi'i̱ cña' ngu'.

SAN MATEO 13:37

―Tso'o ―nacui̱ Jesús ji'i̱ ngu'―. Na' nu cua nda Ni 'na lijya̱a̱ cha' caca na' ñati̱, nu lo'o nclyu'u na' ji'i̱ ñati̱ ni, ndu'ni na' ñi'ya̱ laca si ndyataa na' si'yu tso'o lo xtya̱ 'na.

SAN MARCOS 8:38

Caca tyuju'u ti' na' nu cua nda Ni 'na lijya̱a̱ cha' caca na' ñati̱, nu lo'o ña'a̱ na' ji'i̱ scaa ñati̱ chalyuu nu ntyuju'u ti' jna', masi tyuju'u ti' ngu' bi' ji'i̱ cha' tso'o nu nchcui' ti na'. Si xqui'ya na' tyuju'u ti' ngu' bi' slo ngu' cuxi chalyuu juani, masi slo ngu' suba' chalyuu juani, li' caca tyuju'u ti' na' ji'i̱ ngu' bi' nu lo'o ca̱a̱ na' chaca quiya' nde loo la cha' caca na' loo ji'i̱ ñati̱. Li' lye tsa ña'a̱ xee caca lo'o tya̱a̱ na' chaca quiya' chacuayá' ji'i̱ Sti na'. Ca̱a̱ na' lo'o xca̱ nu tacati tsa ji'i̱ ycui' Ni, cha' lubii tsiya' ti ngu' xca̱ bi' ―nacui̱ Jesús ji'i̱ ngu'.

SAN LUCAS 9:58

Li' nguxacui̱ Jesús cha' ji'i̱ nu qui'yu bi': ―Nu naa cuatya' ni, ne' xtyú ni' ndyu'ú ni'; lo'o nu quiñi sube ni, ne' xlyati̱ ndyu'ú ni'; lo'o na' ni, cua lijya̱ na' chalyuu cha' caca na' ñati̱, pana ná ntsu'u su xtyii na' caja' na', ná ntsu'u su chca'a̱ cña' na'.

SAN LUCAS 12:8

’Ndi'ya̱ nchcui' na' lo'o ma̱ juani: lo'o ná ca tyuju'u ti' ma̱ chcui' ma̱ slo xa' ñati̱ chalyuu cha' laca ma̱ ñati̱ 'na, la cui' jua'a̱ na' nu lijya̱a̱ cha' caca na' ñati̱, ná ca tyuju'u ti' na' chcui' na' cha' laca ma̱ ñati̱ 'na; chcui' na' jua'a̱ ca su tyi'i̱ na' lo'o xca̱ ji'i̱ ycui' Ndyosi nde cua̱.

SAN LUCAS 18:8

Ñacui̱ na' ji'i̱ ma̱ cha' hora ti xtyucua Ni ji'i̱ ngu' bi', cua'ni Ni cha' ti̱ ti tyi'i̱ ngu'. Pana nu lo'o chaca quiya' tya̱a̱ na' nu cua nda Ni 'na lijya̱a̱ cha' caca na' ñati̱, ¿ha ña'a̱ ti tya quije 'na ñati̱ nu jlya ti' ji'i̱ ycui' Ndyosi Sti na'?

SAN LUCAS 21:36

Tii ti ti' ma̱ tyi'i̱ ma̱ chalyuu lacua. Lcaa tyempo chcui' ma̱ lo'o ycui' Ndyosi cha' xtyucua Ni ji'i̱ ma̱, cha' talo ma̱ lo'o caca cha' cuxi bi' chalyuu. Lo'o li' caja ñi'ya̱ nu tyalaa ma̱ su tyucua ycui' na' nu cua nda Ni 'na lijya̱a̱ cha' caca na' ñati̱, cha' cua'ni cuayá' na' ji'i̱ ma̱ ―nacui̱ Jesús ji'i̱ ngu'.

SAN JUAN 1:51

Lo'o li' nacui̱ Jesús ji'i̱ ngu': ―Ta na' sca cha' liñi lo'o ma̱ juani ―nacui̱ yu―. Nde loo la ña'a̱ ma̱ cha' tyucua yaala ca su ntucua ycui' Ndyosi nde cua̱. Li' caca cuayá' ti' ma̱ cha' cua nda Ni 'na lijya̱a̱ cha' caca na' ñati̱ chalyuu. Lo'o ca su tyu̱ na' bi', ca bi' ña'a̱ ma̱ ji'i̱ ngu' xca̱ nu ndi'i̱ slo ycui' Ndyosi; tya'a̱ ngu' bi', tyacui̱ ngu' bi' nde cua̱, ca'ya ngu' bi' nde su tyu̱ na'.

SAN JUAN 3:13

’Bilya tsaa ni tsaca ñati̱ ca slo ycui' Ndyosi. Sca ti na' nu nda ycui' Ndyosi 'na lijya̱a̱ cha' caca na' ñati̱, cua ndya'a̱ na' cajua, cha' cajua laca tyi na'.

SAN JUAN 3:14

Lo'o nguti'i̱ jyo'o Moisés nde nati̱' btyi bi' cua sa'ni la, ngusicua̱ yu ji'i̱ sca cuaña chcua̱ nu ndacui chu̱' yaca cha' ña'a̱ ngu' cuaña bi', cha' caca jo'o ji'i̱ quicha nu ntsu'u ji'i̱ ngu' bi' ―nacui̱ Jesús―. Ñi'ya̱ nu ngusicua̱ ji'i̱ cuaña bi', jua'a̱ nga'a̱ cha' sicua̱ ngu' jna' lo crusi, na' nu lijya̱a̱ cha' caca na' ñati̱.

SAN JUAN 6:27

Tso'o la ―nacui̱ Jesús li'―, si cua'ni cña ti' ma̱ cha' caja sca cha' nu talo ji'i̱ ma̱; chañi cha' tyaala' ti' ma̱ li', si caja chalyuu nu ná nga'a̱ cha' tye ji'i̱ ma̱. Nu na cacu na ni, xtyi'i ti talo na bi', yala ti quiñu'u̱ na bi'. Pana na' nu lijya̱a̱ cha' caca na' ñati̱, ta na' sca cha' tso'o ji'i̱ ma̱ nu cua'ni cha' tyaala' ti' ma̱, lo'o ná tye tsiya' ti cha' bi' ji'i̱ ma̱ ―nacui̱―. Na cua nda ycui' Ndyosi Sti na' chacuayá' jna' cha' ta na' cha' tso'o bi' ji'i̱ ma̱.

SAN JUAN 6:53

Li' nguxacui̱ Jesús cha' ji'i̱ ngu': ―Liñi tsa cha' nu nda na' lo'o ma̱ juani ―nacui̱―, ná taca ca tso'o cresiya ji'i̱ ma̱ si ná caja lcaa cha' nu ji'i̱ ycui' na' ji'i̱ ma̱, na' nu cua lijya̱a̱ chalyuu cha' caca na' ñati̱. Nga'a̱ cha' tyatí̱ cha' bi' ne' cresiya ji'i̱ ma̱, ñi'ya̱ si cacu ma̱, si co'o ma̱ sca na ―nacui̱ Jesús―.

SAN JUAN 6:62

¿Ñi'ya̱ ta culacua ti' ma̱ lo'o ña'a̱ ma̱ jna' cha' tya'a na' ca su ngutu'u na' clyo, na' nu lijya̱a̱ chalyuu cha' caca na' ñati̱? ―nacui̱ Jesús ji'i̱ ngu' bi'―.

SAN JUAN 12:34

Li' nguxtyacui ngu' cha' lo'o Jesús: ―Cua ndyuna ya lo'o nchcui' ngu' lo quityi cusu' ji'na, cha' ndi'ya̱ nscua, cha' ná nga'a̱ cha' tye tsa̱ ji'i̱ Cristo, nu ñati̱ tlyu nu ta ycui' Ndyosi ji'i̱ lijya̱ ―nacui̱ ngu'―. ¿Ñi'ya̱ ndyu'u cha' nu nchcui' nu'u̱ cha' ntsu'u cha' cujui'i̱ ca'a̱ ngu' ji'i̱ lo crusi, ji'i̱ Cristo nu ya̱a̱ chalyuu cha' caca ñati̱? ¿Ñi'ya̱ ña'a̱ ñati̱ laca nu Cristo bi'?

SAN JUAN 13:31

Lo'o ngutu'u Judas ndyaa, li' nchcui' Jesús lo'o ñati̱ nu ndyanu bi': ―Cua ndyu'ni ycui' Ndyosi cha' caca tlyu na', na' nu cua lijya̱a̱ chalyuu cha' caca na' ñati̱ ―nacui̱ yu―. Lo'o ji'i̱ ycui' Ni cua'ni tlyu ngu' xqui'ya na' ―nacui̱―.

LOS HECHOS 7:56

―Ña'a̱ ma̱ yi'a̱ ―nacui̱ Esteban ji'i̱ ngu' li'―, cua ngusaala ycui' Ndyosi nde cua̱ ―nacui̱―. Cua na'a̱ na' ji'i̱ ycui' nu nda Ni ji'i̱ lijya̱ cha' laca yu ñati̱, ndu̱ yu la'a tsu' cui̱ ca su ntucua ycui' Ndyosi.