SAN MATEO 8:18 - Chatino Tataltepec

¹⁸ Lo'o ngua sca tsa̱ na'a̱ Jesús cha' quiña'a̱ tsa ñati̱ ndya'a̱ slo, bi' cha' ngulo yu cña ji'i̱ ngu' tya'a ndya'a̱ yu cha' tsaa lo'o ngu' ji'i̱ ycui' yu ne' yaca ni'i̱ ca chaca tsu' tayu' bi'.

SAN MATEO 8:18 Referans Kwoze

SAN LUCAS 8:22

Ngua sca tsa̱ ndu'u Jesús lo'o nu ngu' nu ndyaca tsa'a̱ ji'i̱ bi', ndyaa ngu' to' tayu'. Li' ndyaa ngu' ca ne' sca yaca ni'i̱ piti ti. ―Ya'a ma̱ tsaa na nde chaca tsu' tayu' re ―nacui̱ Jesús ji'i̱ ngu'. Ndyaa ngu' li'.

SAN JUAN 6:15

Hora ti ngua tii Jesús cha' ngua ti' ngu' taya' ngu' ji'i̱, cha' tsaa lo'o ngu' ji'i̱ cha' caca yu rey nu caca loo ji'i̱ ngu'. Bi' cha' ndu'utsu' Jesús ndyaa cuaana ti nde ca'ya, ndyaa yu sca ti yu.

SAN MARCOS 4:35

Lo'o cua ngusi̱i̱ tsa, cua ndyaa cuichaa, li' nchcui' Jesús xi lo'o nu ngu' nu ndyaca tsa'a̱ ji'i̱: ―Tyeje tacui na ca chaca tsu' tayu' re ―nacui̱ Jesús ji'i̱ ngu' bi'.

SAN MATEO 14:22

Lo'o li' ngulo Jesús cña ji'i̱ nu ngu' nu ndyaca tsa'a̱ ji'i̱, cha' tyatí̱ ngu' ne' yaca ni'i̱ cha' tsaa ngu' nde loo la su tsaa ycui' ca chaca tsu' tayu' bi'; tyanu ycui' cha' chcui' salya' lo'o nu quiña'a̱ tsa ñati̱ bi', ngua ti' yu.

SAN MARCOS 8:13

Lo'o li' nguxtyanu yu ji'i̱ ngu' fariseo bi'; xa' ndyatí̱ yu ne' yaca ni'i̱ sube ti lo'o nu ngu' nu ndyaca tsa'a̱ ji'i̱ bi', nteje tacui ngu' lo tayu', ngutu'u ngu' chaca tsu' li'.

SAN MARCOS 6:45

Lo'o li' ngulo Jesús cña ji'i̱ nu ngu' nu ndyaca tsa'a̱ ji'i̱, cha' tyatí̱ ngu' ne' yaca ni'i̱ sube ti, cha' tsaa ngu' nde loo la su tsaa ycui' ca chaca tsu' tayu' hasta ca quichi̱ Betsaida. Tyanu Jesús cha' chcui' salya' lo'o nu ngu' quiña'a̱ bi', cha' tyaa ngu' quichi̱ ca to' tyi ngu'.

SAN MARCOS 5:21

Lo'o li' ñaa Jesús ne' yaca ni'i̱ ca nde tsu' tayu' chaca quiya'. Xa' ndyu'u ti'i̱ quiña'a̱ tsa ñati̱ slo Jesús nde to' tayu' bi'.

SAN MATEO 8:1

Lo'o li' ngua'ya Jesús ca'ya bi'. Quiña'a̱ tsa ñati̱ ndya'a̱ lca'a̱ ji'i̱.