SAN MATEO 8:17 - Chatino Tataltepec

¹⁷ Jua'a̱ ngua cha' ndyu'u tucua la cui' cha' nu nguscua jyo'o Isaías cua sa'ni la. Ndi'ya̱ nscua cha': “Cua ngua tii ycui' Ni ma nde su ti'í ji'na, lo'o jua'a̱ ñi'ya̱ laca quicha nu ntsu'u ji'na; ngua'ni tye Ni quicha bi', ndyaca tso'o na li'”. Jua'a̱ nscua lo quityi, bi' cha' ndu'ni Jesús jo'o ji'i̱ ngu' quicha.

SAN MATEO 8:17 Referans Kwoze

1 PEDRO 2:24

Ycui' Cristo laca nu sca ti quiya' ngujui'i̱ ca'a̱ ngu' ji'i̱ lo crusi cha' taca cuityi̱ Ni qui'ya nu ntsu'u ji'i̱ lcaa na, cha' clyaá na ji'i̱ qui'ya nu ntsu'u ji'na; bi' cha' cuentya ji'i̱ Cristo taca tyi'i̱ na chalyuu juani, cha' jua'a̱ tyaja'a̱ na cua'ni na xcui' cha' tso'o nu nti' ycui' nu Xu'na na cha' cua'ni na. Xqui'ya cha' nchcube' ycui' Cristo, bi' cha' ngua ti̱ cha' cuxi nu ntsu'u tyiquee na, ñi'ya̱ nti' lo'o ngua ti̱ cha' quicha na lo'o ndyaca tso'o na.

SAN MATEO 1:22

Lo'o jua'a̱ ngua cha' bi', cha' nu cua nchcui' ycui' Ndyosi lo'o ngu' sa'ni cha' jua'a̱ caca. Tyempo sa'ni nguscua jyo'o cusu' nu ngua tu'ba ji'i̱ ycui' Ndyosi cha' bi' lo quityi. Ndi'ya̱ nguscua ngu':

SAN MATEO 2:23

Ca bi' ndyalaa ngu' quichi̱ Nazaret cha' tyi'i̱ ngu'. La cui' cha' bi' nchcui' jyo'o cusu' nu ngua tu'ba ji'i̱ ycui' Ndyosi nu ngua sa'ni lo'o nchcui' ngu' ndi'ya̱: ngu' Nazaret cua'ni ngu' ji'i̱ nu bi'. Jua'a̱ nchcui' jyo'o cusu' bi' cua sa'ni, bi' cha' jua'a̱ ndu'ni ngu' ji'i̱ Jesús juani.

SAN MATEO 2:15

Lo'o li' ndyanu ngu' ca bi' ña'a̱ cuayá' nu cua ngujuii Herodes, rey nu tyaala bi'. La cui' cha' bi' nchcui' jyo'o cusu' nu ngua tu'ba ji'i̱ ycui' Ndyosi cua sa'ni la lo'o nchcui' ndi'ya̱: “Xi'ya na' ji'i̱ Sñi' na' cha' tyu'u ca loyuu su cuentya Egipto, cha' xtyu̱u̱ yu tya̱a̱ yu quichi̱ tyi yu”, nacui̱ ycui' Ndyosi nu Xu'na na. Bi' cha' jua'a̱ ngua ji'i̱ ngu' tya li', cha' ndyalaa ngu' nde Egipto.

SAN MARCOS 1:32

Cua ngusi̱i̱ tsa li'. Lo'o ndyaa cuichaa, li' ya̱a̱ lo'o ngu' ji'i̱ lcaa ngu' quicha slo Jesús, masi nu ngusñi cui'i̱ cuxi ji'i̱, masi nu ntsu'u xa' lo quicha ji'i̱.

SAN LUCAS 4:40

Lo'o ndyaa cuichaa, li' ndyaa lo'o ngu' ji'i̱ lcaa tya'a ngu' nu quicha tsa cha' ngusñi tyu̱u̱ lo quicha ji'i̱ ngu', ndyalaa ngu' ca slo Jesús. Li' ngusta ya' Jesús hichu̱' ngu' quicha cuentya scaa ti ngu'. Hora ti ndyaca tso'o ngu' li'.

2 CORINTIOS 12:10

Tso'o nti' na' lacua, masi ná ntsu'u juersa 'na tsiya' ti, masi quiña'a̱ tsa cha' ti'í nchcui' ngu' jna', masi ti'i tsa na', masi lya' tsa ti' ngu' 'na, masi tucui tsa laca cña su ndya'a̱ na' cuentya ji'i̱ Cristo; la cui' tyempo lo'o ná nchca 'na tsiya' ti, la cui' hora bi' tso'o tsa ndyiji juersa 'na xqui'ya Cristo.