SAN MATEO 8:10 - Chatino Tataltepec

¹⁰ Ndube tsa ti' Jesús lo'o ndyuna cha' nu nchcui' capitán bi'. Li' nchcui' Jesús lo'o nu quiña'a̱ tsa ñati̱ nu lca'a̱ ji'i̱: ―Liñi tsa cha' nchcui' na' lo'o ma̱ juani ―nacui̱ Jesús ji'i̱ ngu'―. Bilya ña'a̱ na' tsiya' ti ji'i̱ sca ñati̱ nu tso'o tsa jlya ti' ji'i̱ ycui' Ndyosi, ñi'ya̱ jlya ti' nu capitán re; tyucui ña'a̱ nasiyu̱ Israel re ná ntsu'u ngu' nu jlya ti' jua'a̱.

SAN MATEO 8:10 Referans Kwoze

SAN LUCAS 7:9

Lo'o cua ndyuna Jesús cha' nu nchcui' ngu' lo'o, ndube tsa ti' yu. Li' nguxtyacui Jesús su ndu̱ tyucui̱i̱, nchcui' yu lo'o ñati̱ nu ndya'a̱ lo'o yu: ―Chañi cha' nu nchcui' na' lo'o ma̱ juani ―nacui̱ Jesús―, cha' bilya ña'a̱ na' ji'i̱ sca ñati̱ nu jlya tsa ti' ji'i̱ ycui' Ndyosi ñi'ya̱ nu jlya ti' nu capitán bi'. Tyucui ña'a̱ nasiyu̱ Israel re, ná ntsu'u ngu' nu jlya ti' jna' jua'a̱ ―nacui̱ Jesús ji'i̱ ngu'.

SAN MATEO 15:28

―Chañi cha' jlya ti' nu'u̱ cha' nu nda na' lo'o nu'u̱ ―nacui̱ Jesús ji'i̱―. Caca cha' nu nti' nu'u̱ lacua ―nacui̱. Hora ti ndyaca tso'o sñi' nu cuna'a̱ bi' li'.

SAN MARCOS 6:6

Ndube tsa ti' Jesús cha' ná jlya ti' ngu' bi' ji'i̱ tsiya' ti. Lo'o li' tya ndya'a̱ la yu ca xa' quichi̱ sube ti nu ndi'i̱ cacua ti, ngulu'u yu ji'i̱ ngu' ca bi' li'.

SAN LUCAS 7:50

Pana ndi'ya̱ nchcui' Jesús lo'o nu cuna'a̱ bi' li': ―Cua ngulaá nu'u̱ ji'i̱ cha' cuxi nu ntsu'u jinu'u̱ xqui'ya cha' jlya ti' nu'u̱ 'na. Ti̱ ti tyi'i̱ tyiquee nu'u̱, tyaa nu'u̱ lacua.

SAN LUCAS 5:20

Lo'o ti ngua cuayá' ti' Jesús cha' jlya tsa ti' ngu' bi' ji'i̱, bi' cha' nacui̱ ji'i̱ yu quicha bi': ―Cusu' ―nacui̱―, na cua ngua'ni clyu ti' ycui' Ndyosi jinu'u̱ ji'i̱ qui'ya nu ntsu'u jinu'u̱ ―nacui̱ Jesús ji'i̱ yu quicha bi'.

SAN MATEO 8:9

Xu'na sendaru laca na'; laca na' loo ji'i̱ sca siyento tya'a sendaru, lo'o jua'a̱ ntsu'u nu laca loo jna'. Si culo na' cña ji'i̱ tsaca sendaru bi' ndi'ya̱: “Yaa clya nu'u̱”, hora ti tsaa yu, cha' nti' na' cha' tsaa yu. Jua'a̱ si chcui' na' lo'o chaca yu: “Ca̱a̱ nu'u̱ ca nde”, hora ti ca̱a̱ yu slo na' li'. Jua'a̱ si culo na' cña ji'i̱ msu 'na: “Cua'ni sca cña 'na”, ñacui̱ na' ji'i̱; hora ti cua'ni yu cña bi' 'na ―nacui̱ capitán ji'i̱ Jesús―. Jua'a̱ nu'u̱ ni, jlo ti' na' cha' taca jinu'u̱ culo cña cha' cati̱ quicha bi'.

SAN MATEO 8:11

Chañi cha' tiya' la tyalaa quiña'a̱ tsa ñati̱ tyijyu', masi ngu' loyuu su ntyucua cuichaa, masi ngu' loyuu su ndyaa cuichaa, tsaa ngu' cha' tyucua ngu' to' mesa ca su laca ycui' Ndyosi loo nde cua̱; stu'ba ti tsaa tucua ngu' to' mesa bi' lo'o jyo'o Abraham lo'o jyo'o Isaac lo'o jyo'o Jacob.

LOS HECHOS 2:7

Ndube tsa ti' ngu' tyijyu' bi' li', ngulacua tsa ti' ngu' bi': ―¿Ha si'i xcui' ngu' quichi̱ su cuentya Galilea laca ngu' jua? ―nacui̱ ngu' bi' lo'o tya'a ngu'―.