SAN MATEO 7:5 - Chatino Tataltepec

⁵ ¡Na cuiñi ma̱! Clyo la tyu'u nguti tlyu nu ntsu'u cloo ycui' ca ma̱, lo'o li' taca ña'a̱ tso'o ma̱ cha' culo ma̱ satya yuu nu ntsu'u cloo tya'a ma̱.

SAN MATEO 7:5 Referans Kwoze

SAN LUCAS 6:42

¿Ni cha' laca tlyu tsa tyiquee ma̱ cha' chcui' ma̱ lo'o tya'a ñati̱ ma̱ ndi'ya̱: “Ta nu'u̱ chacuayá' culo na' yuu nu ntsu'u cloo nu'u̱”? Jua'a̱ ñacui̱ ma̱, masi ná ña'a̱ ma̱ nguti nu ntsu'u cloo ycui' ca ma̱. ¡Na cuiñi ma̱! Clyo la tyu'u nu nguti tlyu nu ntsu'u cloo ycui' ca ma̱, li' taca ña'a̱ ma̱ tso'o la cha' culo ma̱ satya yuu nu ntsu'u cloo tya'a ñati̱ ma̱.

SAN LUCAS 13:15

―Cuiñi tsa nu'u̱ ―nacui̱ Jesús ji'i̱ nu laca loo ne' laa bi' li'―. Lcaa cu'ma̱ lo'o tya'a ma̱ nsati̱' ma̱ toro ji'i̱ ma̱, masi huru ji'i̱ ma̱, cha' tsaa lo'o ma̱ ji'i̱ ni' cha' co'o ni' hitya, masi tsa̱ ta'a ―nacui̱ yu―.

SAN LUCAS 4:23

Li' nguxacui̱ Jesús cha' ji'i̱ ngu' bi': ―Ná tyiquee' tiya' la xi ta ma̱ cha' re lo'o na': “Si nu jo'o laca nu'u̱, cua'ni nu'u̱ jo'o ji'i̱ ycui' ca lacua”. Lo'o jua'a̱ ná tyiquee' ñacui̱ ma̱ jna': “Cua ndyuna ya cha' ji'i̱ lcaa cña tonu nu ngua'ni nu'u̱ nde quichi̱ Capernaum bi'”, ñacui̱ ma̱. “La cui' jua'a̱ cua'ni nu'u̱ nde quichi̱ tyi na lacua, cha' ña'a̱ ya xi”, ñacui̱ ma̱ 'na li'.

SAN MATEO 22:18

Pana ngua tii Jesús ñi'ya̱ laca cha' cuxi nu nclyacua ti' ngu' bi', bi' cha' ndi'ya̱ nguxacui̱ yu cha' ji'i̱ ngu': ―Cuiñi tsa cu'ma̱ ni. ¿Ni cha' laca nchcui' cuayá' ma̱ lo'o na'? ―nacui̱ Jesús ji'i̱ ngu' bi'―.

SAN LUCAS 12:56

¡Cuiñi tsa cu'ma̱! Nchca ji'i̱ ma̱ ña'a̱ ma̱ sca na nu ndyaca nde chalyuu, masi sca na nu ndyaca nde cua̱; cua nslo ma̱ ji'i̱ cha' bi'. ¿Ni cha' laca ná nchca ca tii ma̱ tsiya' ti na ca ndyaca jna' nde chalyuu juani? ―nacui̱ Jesús ji'i̱ ngu'.

LOS HECHOS 19:15

Jua'a̱ nchcui' sñi' Esceva bi' sca quiya', lo'o hora ti nguxacui̱ nu quicha bi' cha' ji'i̱ ngu' bi' li': ―Cua nslo na' ji'i̱ Jesús ―nacui̱ cui'i̱ bi'―, lo'o jua'a̱ nslo na' ji'i̱ Pablo, ti ñati̱ laca bi' ―nacui̱―. Pana nu cu'ma̱ ni, ¿tilaca laca cu'ma̱?

SAN MATEO 7:3

¿Ni cha' yala tsa nchcui' ma̱ ji'i̱ sca cha' cuxi nu ntsu'u ji'i̱ xa' la tya'a ñati̱ ma̱, masi ñi'ya̱ nti' si laca bi' sca satya yuu ti nu ndyatí̱ cloo ngu'? Pana ná ndube ti' ma̱ cha' tlyu tsa cha' cuxi nu ntsu'u ji'i̱ ycui' ma̱, ñi'ya̱ nti' si laca bi' sca nguti tlyu nu ntsu'u cloo ycui' ca ma̱.

SAN MATEO 7:4

¿Ni cha' laca tlyu tsa tyiquee ma̱ chcui' ma̱ lo'o tya'a ñati̱ ma̱ ndi'ya̱: “Ta nu'u̱ chacuayá' culo na' yuu nu ntsu'u cloo nu'u̱”? Jua'a̱ ñacui̱ ma̱, masi ná ña'a̱ ma̱ nguti nu ntsu'u cloo ycui' ca ma̱.

SAN MATEO 7:6

’Cha' lubii nu cuentya ji'i̱ ycui' Ndyosi ni, ná tso'o si tsaa chcui' ma̱ cha' bi' lo'o ñati̱ cuxi nu ná nti' cuna cha' bi' tsiya' ti, cha' ñi'ya̱ nti' xne', jua'a̱ nti' ngu' bi'; su'ba ñasi̱' ma̱ ji'i̱ ngu' cuxi bi', cha' cua'ni lya' ti' ngu' ji'i̱ ma̱ li'. Lo'o jua'a̱ ná tso'o sta ma̱ sca na tso'o nu quiña'a̱ tsa nga'a̱ su ndya'a̱ cube', cha' hora ti satá quiya' ni' na tso'o bi'.