SAN MATEO 7:29 - Chatino Tataltepec

²⁹ Ngua ti' ngu' cha' tlyu tsa chacuayá' ntsu'u ji'i̱ yu lo'o nchcui' yu lo'o ngu', si'i ñi'ya̱ nclu'u mstru cha' jo'ó ti nclyu'u yu ji'i̱ ngu'.

SAN MATEO 7:29 Referans Kwoze

SAN LUCAS 20:8

Li' nacui̱ Jesús ji'i̱ ngu': ―La cui' ti na', ná cacha' na' ji'i̱ ma̱ tilaca nda chacuayá' cha' cua'ni na' cña re ―nacui̱.

LOS HECHOS 6:10

Ná ngua ji'i̱ ngu' cua'ni ngu' ngana ji'i̱ Esteban, cha' cua nda Xtyi'i ycui' Ndyosi juersa ji'i̱ yu cha' caja ñi'ya̱ xtyacui yu cha' lo'o ngu' bi'.

SAN LUCAS 21:15

La cui' hora bi' cua'ni na' cha' ca'ya cha' hique ma̱ cha' ca jlo ti' ma̱ ñi'ya̱ nu chcui' ma̱ lo'o ngu' bi', cha' ná caja cha' nu xtyacui tya'a cusu̱u̱ ma̱ lo'o ma̱, cha' ná caja ñi'ya̱ nu chcui' loo ngu' ji'i̱ ma̱.

SAN MATEO 28:18

Li' ñaa Jesús cacua la, nchcui' lo'o ngu': ―Cua nda ycui' Ndyosi Sti na' lcaa chacuayá' 'na cha' laca na' loo ji'i̱ lcaa na, masi lcaa na nu ntsu'u ca slo ycui' Ni nde cua̱, masi lcaa na nu ntsu'u nde chalyuu ―nacui̱ Jesús ji'i̱ ngu'―.

SAN MATEO 5:44

Pana, quiña'a̱ la cha' chcui' na' lo'o ma̱ juani, cha' tso'o ti tyu'u tyiquee ma̱ ña'a̱ ma̱ ji'i̱ tya'a cusu̱u̱ ma̱, lo'o jua'a̱ tso'o ti chcui' ma̱ ji'i̱ ngu' nu nchcui' cuentyu ji'i̱ ma̱, tso'o ti cua'ni ma̱ lo'o ngu' nu ti'í ti' ji'i̱ ma̱; chcui' ma̱ lo'o ycui' Ndyosi cuentya ji'i̱ ngu', masi ndyu'ni lya' ti' ngu' ji'i̱ ma̱, masi nxtyí lo'o ngu' ji'i̱ ma̱.

SAN MATEO 5:32

Pana, quiña'a̱ la cha' chcui' na' lo'o ma̱ juani: ndyu'ni cuxi sca nu qui'yu si culo yu quityi cha' xtyanu yu ji'i̱ clyo'o yu, si ná ndacui nu cuna'a̱ bi' qui'ya. Lo'o li' si xa' caja clyo'o nu cuna'a̱ bi' lo'o chaca ñati̱, li' ndacui nu cuna'a̱ qui'ya, lo'o jua'a̱ chaca yu bi' ndacui qui'ya, cha' clyo'o xa' ñati̱ bi' laca nu cuna'a̱ bi'; pana tlyu la qui'ya nu ndacui ji'i̱ nu qui'yu nu ngua clyo'o clyo.

SAN MATEO 5:28

Pana, quiña'a̱ la cha' chcui' na' lo'o ma̱ juani: si ña'a̱ sca nu qui'yu ji'i̱ sca nu cuna'a̱, lo'o li' culacua ti' yu cha' cua'ni suba' yu lo'o, stu'ba ntsu'u cha' bi' lo'o yu ñi'ya̱ si cua laca ngua'ni suba' yu lo'o nu cuna'a̱ bi', masi tyiquee ti yu ntsu'u cha' cuxi bi'.

SAN MATEO 5:20

Ndi'ya̱ ñacui̱ na' ji'i̱ ma̱ juani: ná caja chalyuu nu ná nga'a̱ cha' tye ji'i̱ ma̱, si ná tso'o la cha' nu cua'ni ma̱, si'i ñi'ya̱ nu ndu'ni ngu' tacati jua, nu ngu' fariseo bi' lo'o jua'a̱ nu mstru cha' jo'ó bi'.

SAN MATEO 7:28

Lo'o ndye ngulu'u Jesús lcaa cha' re ji'i̱ ngu', li' ndube tsa ti' nu ngu' quiña'a̱ ji'i̱ cha' nu ngulu'u yu ji'i̱ ngu'.

SAN MATEO 8:1

Lo'o li' ngua'ya Jesús ca'ya bi'. Quiña'a̱ tsa ñati̱ ndya'a̱ lca'a̱ ji'i̱.