SAN MATEO 7:28 - Chatino Tataltepec

²⁸ Lo'o ndye ngulu'u Jesús lcaa cha' re ji'i̱ ngu', li' ndube tsa ti' nu ngu' quiña'a̱ ji'i̱ cha' nu ngulu'u yu ji'i̱ ngu'.

SAN MATEO 7:28 Referans Kwoze

SAN LUCAS 4:32

Ndube tsa ti' ngu' lo'o ndyuna ngu' cha' tso'o nu nda Jesús lo'o ngu'. Ngua ti' ngu' cha' tlyu tsa chacuayá' ntsu'u ji'i̱ yu lo'o nchcui' yu lo'o ngu'.

SAN MARCOS 1:22

Lo'o ndyuna ngu', li' ndube tsa ti' ngu' ñi'ya̱ cha' nclyu'u Jesús ji'i̱ ngu'. Ngua ti' ngu' cha' tlyu tsa chacuayá' ntsu'u ji'i̱ yu lo'o nchcui' yu lo'o ngu', si'i ñi'ya̱ nclyu'u mstru nu nclyu'u cha' jo'ó ne' laa.

SAN JUAN 7:46

Li' nacui̱ policía: ―Bilya cuna ya nchcui' sca ñati̱ ñi'ya̱ nu nchcui' yu jua.

SAN MARCOS 6:2

Ndyatí̱ Jesús ndyaa ne' laa quichi̱ bi' tsa̱ nu ndi'i̱ cña' ngu', tsa̱ ta'a bi'. Li' ngulu'u yu ji'i̱ ngu'. Ndube tsa ti' ngu' nu ndi'i̱ ne' laa bi' lo'o ndyuna ngu' cha' nu nchcui' Jesús lo'o ngu'. ―¿Mala ngua tsa'a̱ yu re lcaa cha' nu nchcui' yu? ―nacui̱ ngu'―. ¿Ñi'ya̱ ngua cha' ngua cuayá' tso'o ti' yu? ¿Ha tii yu? ―nacui̱ ngu'―. ¿Ni cha' laca cha' nchca ji'i̱ yu cua'ni yu cha' tlyu? ―nacui̱ ngu' ji'i̱ tya'a ngu'―.

SAN LUCAS 4:22

Ndube tsa ti' ngu' ña'a̱ ngu' ji'i̱ Jesús cha' tso'o tsa nchcui' yu, jua'a̱ ndiya tsa ti' ngu' cha' nu nda yu lo'o ngu'. Ndi'ya̱ cha' nu nchcui' ngu' lo'o tya'a ngu' ji'i̱ yu li': ―¿Ha si'i ca sñi' José laca yu re? ―nacui̱ ngu'

SAN JUAN 7:15

Ndube tsa ti' ngu' judío cha' nchca tsa ji'i̱ Jesús: ―¿Ni cha' laca cha' nchca tsa ji'i̱ yu jua nclyu'u yu ji'i̱ ñati̱? Ná tyu̱u̱ yija̱ nguta'a̱ yu scuelya, ná ngua tsa'a̱ tso'o yu jua ―nacui̱ ngu'.

SAN MATEO 22:33

Lo'o ndyuna nu quiña'a̱ tsa ñati̱ nu nga'a̱ slo cha' nu nclyu'u Jesús bi', ndube tsa ti' ngu' ji'i̱ cha' bi' li'.

SAN LUCAS 19:48

Pana ná ngujui ñi'ya̱ nu cua'ni ngu' cha' cuxi bi', cha' cua quiña'a̱ tsa ñati̱ ndya'a̱ lo'o yu, lo'o jua'a̱ ndiya tsa ti' ngu' nduna ngu' cha' nu nchcui' yu.

SAN MARCOS 11:18

Ndyuna sti jo'ó nu laca loo cha' bi', jua'a̱ ndyuna mstru cha' jo'ó. Na'a̱ ngu' cha' quiña'a̱ tsa ñati̱ ndaquiya' ngu' ji'i̱ cha' nu nclyu'u Jesús ji'i̱ ngu', bi' cha' ntsi̱i̱ nu ngu' tlyu bi' si caca tlyu la Jesús; ngua ti' nu ngu' tlyu bi' si caja ñi'ya̱ caca cujuii ngu' ji'i̱ Jesús li'.

SAN MATEO 26:1

Lo'o cua ndye nchcui' Jesús lcaa cha' bi', li' nchcui' xi lo'o nu ngu' nu ndyaca tsa'a̱ ji'i̱ bi':

SAN MATEO 11:1

Nu lo'o ndye ngulu'u Jesús cha' bi' ji'i̱ nu tii tyucuaa tya'a ñati̱ nu ndyaca tsa'a̱ ji'i̱ yu, ndu'u yu ndyaa yu cha' chcui' yu lo'o ngu' tyu̱u̱ tya'a quichi̱ nu ndi'i̱ cacua ti; ngulu'u yu ji'i̱ ngu' quichi̱ bi'.

SAN MATEO 19:1

Lo'o ndye nchcui' Jesús cha' bi' lo'o ngu', li' ndu'u yu loyuu su cuentya Galilea bi', ndyaa yu nde loyuu su cuentya Judea. Nteje tacui Jesús sta'a̱ Jordán,

SAN MATEO 7:27

Li' ngua'ya tsa tyo, ña'a̱ cuayá' nu nxlya'ba hitya yuu ji'i̱ ni'i̱ bi', lo'o jua'a̱ lye tsa ndyaca cui'i̱. Nga'aa ndalo ni'i̱ bi' li', ndyú bi', ndye bi', ngunu'u̱ tsiya' ti li'; lo'o jua'a̱ ñati̱ nu ná ntaja'a̱ taquiya' ji'i̱ cha' jna', tye cha' ji'i̱ ngu' bi' tsiya' ti.

SAN MATEO 7:29

Ngua ti' ngu' cha' tlyu tsa chacuayá' ntsu'u ji'i̱ yu lo'o nchcui' yu lo'o ngu', si'i ñi'ya̱ nclu'u mstru cha' jo'ó ti nclyu'u yu ji'i̱ ngu'.

SAN LUCAS 2:47

Lcaa ñati̱ nu nga'a̱ cacua ti, ndube tsa ti' ngu' lo'o ndyuna ngu' cua ña'a̱ ca cha' nu nda nu piti bi'; ndube tsa ti' ngu' cha' nchca tsa ji'i̱ yu.

SAN LUCAS 7:1

Lo'o ndye nchcui' Jesús lo'o ñati̱ bi', li' ndu'u yu ndyaa yu ca quichi̱ Capernaum.