SAN MATEO 7:24 - Chatino Tataltepec

²⁴ ’Lcaa ñati̱ nu cuna tso'o cha' nu nchcui' na' re, lcaa ñati̱ nu taquiya' tso'o ji'i̱ cha' nu nchcui' na', laca ñati̱ bi' ñi'ya̱ laca sca ñati̱ nu ngulacua xi ti' nu lo'o tya lyiji cuiñá yu ni'i̱ ji'i̱. Lo'o li' ngüiñá yu bi' ni'i̱ ji'i̱ yu chu̱' sca quee cuaja'.

SAN MATEO 7:24 Referans Kwoze

SAN JUAN 13:17

Lo'o juani lo'o ngua cuayá' ti' ma̱ lcaa ña'a̱ cha' nu nda ca ti na' lo'o ma̱, tso'o tsa caca tyiquee ma̱ li', si taquiya' ma̱ ji'i̱ cha' bi' ―nacui̱―.

SAN LUCAS 11:28

Li' nguxacui̱ Jesús cha' ji'i̱: ―Si'i cha' bi' ―nacui̱―. Tso'o la ntsu'u tyiquee ñati̱ nu cua'a̱ jyaca̱ ji'i̱ lcaa cha' nu nda ycui' Ndyosi lo'o ngu', nu taquiya' ji'i̱ lcaa cha' bi'.

1 JUAN 2:3

Nu lo'o nti' na taquiya' na cua ña'a̱ ca cña nu nti' Ni cha' cua'ni na, li' taca jlo ti' na cha' chañi cha' ntsu'u cha' ji'na lo'o Jesucristo.

SAN JUAN 14:15

’Taquiya' ma̱ ji'i̱ lcaa cha' nu nchcui' na' lo'o ma̱, si chañi cha' ntsu'u tyiquee ma̱ 'na ―nacui̱ Jesús―.

SAN JUAN 15:14

Tya'a tso'o na' laca cu'ma̱ si taquiya' ma̱ ji'i̱ cha' nu nda na' lo'o ma̱ ―nacui̱ Jesús―,

SAN JUAN 15:10

Lcaa tsa̱ tyi'u ti' ma̱ su ndi'i̱ ma̱ cha' ntsu'u tsa tyiquee na' ña'a̱ na' ji'i̱ ma̱. Jua'a̱ tso'o tsa caca tyiquee na' ña'a̱ na' ji'i̱ ma̱ si taquiya' ma̱ ji'i̱ lcaa cha' nu nda na' lo'o ma̱. Lo'o jua'a̱ na' ―nacui̱ Jesús― cua ngua'ni na' lcaa cña nu ngulo Sti na' 'na. Jlo ti' na' cha' ntsu'u tsa tyiquee Ni ña'a̱ Ni jna' tyucui su ndi'i̱ na'.

SAN MATEO 12:50

Tya'a na' laca lcaa ngu' nu ndu'ni ñi'ya̱ nu nti' Sti na' nu ntucua nde cua̱ cha' cua'ni ngu'; ñati̱ bi' laca ñi'ya̱ laca xtya'a̱ na', ñi'ya̱ laca tya'a na', masi nu qui'yu, masi nu cuna'a̱.

SAN MATEO 7:25

Li' ngua'ya tsa tyo, ña'a̱ cuayá' nu ndyalaa hitya yuu ca quiya' ni'i̱ nu ntucua chu̱' quee bi'. Lo'o jua'a̱ ndyaca tsa cui'i̱, pana ná nclyú ni'i̱ bi', cha' tso'o tsa su ntucua chu̱' quee bi'.

SAN MATEO 7:26

Lo'o jua'a̱ lcaa ñati̱ nu ndyuna cha' nu nchcui' na' re lo'o ngu', pana ná ndaquiya' ngu' ji'i̱ cha' bi', laca ngu' bi' ñi'ya̱ laca sca ñati̱ tonto nu ná ngulacua ti' tsiya' ti; ngüiñá yu bi' sca ni'i̱ lo yusi̱ ti.

SAN MATEO 16:18

Pedro naa nu'u̱, lo'o jua'a̱ caca nu'u̱ ñi'ya̱ laca sca quee quiya' ni'i̱. Nu lo'o nchcui' nu'u̱ tsa̱, cha' liñi laca nu nchcui' nu'u̱; bi' laca su̱u̱ cha' ji'i̱ ñati̱ 'na, cha' tso'o tsa ndyanu tachaa cha' nu nchcui' nu'u̱ jua'a̱. Ná taca ji'i̱ cuiñaja, ni cui'i̱ cuxi, ni jyo'o, ni tsaca ñati̱, ná taca ji'i̱ ngu' tsiya' ti tyiji̱loo ngu' ji'i̱ ñati̱ 'na, masi cajaa ñati̱ 'na xqui'ya cha' cuxi.

SAN MATEO 24:45

’¿Ha ntsu'u ngu' cu'ma̱ nu tyucui tyiquee ma̱ ntaja'a̱ ma̱ cua'ni ma̱ cña 'na? Ndi'ya̱ cua'ni ma̱ lacua: Sca msu nu tso'o ni, ta xu'na yu cña ji'i̱ yu cha' caca yu loo ne' ni'i̱ ji'i̱ xu'na yu; culo xu'na yu cña ji'i̱ yu cha' xacu yu ji'i̱ lcaa ngu' nu ndi'i̱ ni'i̱ bi'.

SAN MATEO 25:2

Tonto xi nclacua ti' ca'yu tya'a nu cuna'a̱ bi', masi tso'o la nclacua ti' nu chaca ca'yu tya'a ngu' cuna'a̱ bi'.

SAN MATEO 25:4

Lo'o nu chaca ca'yu tya'a ngu' cuna'a̱ nu tso'o ti nclacua ti', lo'o candil ndya'a̱ ngu', cuati lo'o caatya̱ setye ndya'a̱ ngu'.

SAN MATEO 25:9

“Setye nu ntsu'u ne' caatya̱ ji'i̱ cua, ná tyu'u scua ji'i̱ ca ta'a na cha' tyu'u ne' candil ji'i̱ lcaa na”, nacui̱ ngu' cuna'a̱ bi'. “Tso'o la yaa clya ma̱ ca tienda cha' cui'ya ma̱ la xi.”

ROMANOS 2:13

Ná caca tso'o cresiya ji'na cuentya ji'i̱ ycui' Ndyosi lo'o ndyuna ti na cha' liñi nu nda Ni lo'o na; sca ti si taquiya' na ji'i̱ cha' bi', si cua'ni na lcaa ña'a̱ cña nu ngulo Ni ji'na, li' caca tso'o cresiya ji'na cuentya ji'i̱ Ni.