SAN MATEO 7:14 - Chatino Tataltepec

¹⁴ Pana chubi tsa tolo'o, lati tsa tyucui̱i̱ su tsaa ngu' nu ngujui chalyuu nu ná nga'a̱ cha' tye ji'i̱ ngu'; xti ti ñati̱ nquije ji'i̱ tyucui̱i̱ bi'.

SAN MATEO 7:14 Referans Kwoze

SAN MATEO 22:14

Lo'o ycui' Ndyosi ni, ndacane Ni ji'i̱ quiña'a̱ tsa ñati̱ cha' cua'a̱ jyaca̱ ngu' ji'i̱ lcaa cha' nu nchcui' Ni, pana cua laca ti ñati̱ nu nsubi Ni ji'i̱ cha' caca ngu' ñati̱ ji'i̱ Ni.

ROMANOS 12:2

Nga'aa ta ma̱ tyempo cha' tatsaa ngu' ji'i̱ ma̱ cha' cua'ni ma̱ cha' cuxi; xa' ña'a̱ tyi'i̱ ma̱ chalyuu juani, cha' cua nchcutsa'a̱ Ni lcaa cha' nu ntsu'u ne' cresiya ji'i̱ ma̱. Bi' cha' caca cuayá' ti' ma̱ cua ña'a̱ ca cña nu nti' ycui' Ndyosi cha' cua'ni ma̱: ña'a̱ cña laca nu tso'o la cha' cua'ni ma̱, ña'a̱ cña nu ndiya la ti' ycui' Ndyosi ji'i̱, ña'a̱ cña nu tyu'u tso'o la ji'i̱ ma̱ su cua ndye cha' bi'; lcaa cha' bi' caca cuayá' ti' ma̱ li'.

SAN MARCOS 8:34

Lo'o li' ngusi'ya Jesús ji'i̱ nu ngu' nu ndyaca tsa'a̱ ji'i̱, lo'o ji'i̱ nu quiña'a̱ tsa ñati̱ nu lca'a̱ ji'i̱ cha' tya̱a̱ ngu' slo yu. Nchcui' yu lo'o ngu' li': ―Si ntsu'u ngu' nu chañi cha' nti' ngu' tsaa ngu' lo'o na' ―nacui̱ yu―, nga'a̱ cha' xtyanu ngu' bi' lcaa cha' nu ntsu'u tsa tyiquee ngu' bi' ji'i̱, cha' tya'a̱ ngu' lo'o na' lcaa tsa̱, masi cujuii ñati̱ ji'i̱ ngu' bi' cuentya 'na.

LOS HECHOS 14:22

Ca ta'a quichi̱ su ndyaa ngu' bi', nchcui' ngu' lo'o ñati̱ ji'i̱ Jesucristo cha' tso'o la tyatí̱ tyiquee ngu' lo cha' ji'i̱ Jesús, cha' tlyu cua'ni tyiquee ngu', cha' ná cutsi̱i̱ ngu' tsiya' ti. ―Cua'ni lya' ti' ngu' ji'na tu'ni ―nacui̱ Pablo lo'o Bernabé ji'i̱ ngu'―, lo'o jua'a̱ xcube' ngu' ji'na; pana lo'o cua nteje tacui cha' bi', li' tsaa na tyi'i̱ na su laca ycui' Ndyosi loo.

SAN JUAN 16:33

Cua nda na' lcaa cha' bi' lo'o ma̱ cha' ti̱ ti tyi'i̱ tyiquee ma̱ xqui'ya na' ―nacui̱―. Nde chalyuu ti'í ti' ñati̱ ña'a̱ ji'i̱ ma̱. Pana ná cube ti' ma̱, cua'ni tlyu tyiquee ma̱; na' laca̱ loo nde chalyuu, cha' cua ntiji̱loo na' tsiya' ti ji'i̱ nu xña'a̱.

SAN MATEO 20:16

Pana nu ngu' nu tyu'u tucua lo'o cua tye ti cha', bi' laca ngu' nu caca nde loo la; ngu' nu ndu'u tucua clyo, bi' laca ngu' nu tyanu nde chu̱' la ―nacui̱ Jesús―. Cua ndacane Ni ji'i̱ quiña'a̱ tsa ñati̱ cha' cua'a̱ jyaca̱ ngu' ni cha' nda Ni, pana cua laca ti ñati̱ nsubi Ni ji'i̱ cha' caca ngu' ñati̱ ji'i̱ Ni.

SAN LUCAS 12:32

’Ná cutsi̱i̱ cu'ma̱. Ñati̱ 'na laca ma̱, masi xti ti ngu' tya'a ma̱, cu'ma̱ nu laca ma̱ taju ñati̱ ji'i̱ ycui' Ndyosi; cua ngujui chalyuu tso'o ji'i̱ ma̱ cha' ycui' Ndyosi Sti na laca loo ji'i̱ ma̱, cha' jua'a̱ nti' ycui' Ni.

ROMANOS 9:32

¿Ni cha' laca ná ngua tso'o cresiya ji'i̱ ngu' judío lacua? Laca cha' ná jlya ti' ngu' cha' taca ji'i̱ Jesús cua'ni cho'o ji'i̱ cresiya ji'i̱ ñati̱. Nti' nu ngu' judío bi' cha' caca tso'o cresiya ji'i̱ ngu' cuentya ji'i̱ ycui' Ndyosi laja lo'o ndyu'ni ti ngu' cña nu ngulo jyo'o Moisés ji'i̱ ngu'. Ngua cuxi cha' ji'i̱ ngu' li', ñi'ya̱ laca si cua nclyú ti'i̱ ngu' chu̱' sca quee nu ntsiya cla'be tyucui̱i̱ su ndya'a̱ ngu'.

SAN JUAN 16:2

masi ná ta ngu' chacuayá' ji'i̱ ma̱ cha' tsaa ma̱ ne' laa ji'i̱ ngu' li' ―nacui̱ Jesús―. Tyalaa sca tyempo nu culacua ti' ngu' cha' cña tacati cua'ni ngu' si cujuii ngu' ji'i̱ ngu' tya'a ma̱.

SAN MATEO 7:13

’Lo'o chaca cha' ni, nga'a̱ cha' tyeje tacui ma̱ tolo'o chubi. Tlyu tsa tolo'o, lo'o jua'a̱ si̱i̱ tsa tyucui̱i̱ su tsaa ngu' ca bilyaa; tso'o tsa ña'a̱ tyucui̱i̱ bi' nti' ngu', bi' cha' quiña'a̱ tsa ñati̱ ndya'a̱ tyucui̱i̱ bi'.

SAN MATEO 7:15

’Lo'o chaca cha' ni: cua'ni tii ti' ma̱ ña'a̱ ma̱ ji'i̱ ngu' cuiñi nu nchcui' cuiñi ti cha' cuentya ji'i̱ ycui' Ndyosi nclu'u ngu' cha' ji'i̱ ma̱. Sca na'ni tso'o laca nu naa xlya'; lo'o nu ngu' cuiñi bi' ni, nti' ngu' cha' culacua ti' ma̱ cha' ñati̱ tso'o laca ngu' ñi'ya̱ laca xlya'. Tso'o tsa nchcui' ngu' bi' lo'o ma̱, tso'o tsa ndu'ni ngu' lo'o ma̱; pana cha' cuiñi laca nu nchcui' cha' tso'o tsa ngu' bi', cha' tyaala tsa ngu', cuiñi tsa ngu' bi'. Si'i ñi'ya̱ laca xlya' laca ngu' bi'; ñi'ya̱ laca sca bo'o nu tyaala tsa, jua'a̱ laca ngu' bi'.