SAN MATEO 7:13 - Chatino Tataltepec13 ’Lo'o chaca cha' ni, nga'a̱ cha' tyeje tacui ma̱ tolo'o chubi. Tlyu tsa tolo'o, lo'o jua'a̱ si̱i̱ tsa tyucui̱i̱ su tsaa ngu' ca bilyaa; tso'o tsa ña'a̱ tyucui̱i̱ bi' nti' ngu', bi' cha' quiña'a̱ tsa ñati̱ ndya'a̱ tyucui̱i̱ bi'. Gade chapit la |
SAN MATEO 7:13
38 Referans Kwoze
Nu nga'a̱ to' lo'o, tso'o tsa ña'a̱si̱i̱ ji'i̱ xlya' ji'i̱; lo'o jua'a̱ na', tso'o tsa ña'a̱si̱i̱ na' ji'i̱ ñati̱ 'na ―nacui̱ Jesús―. Taca tyeje tacui ngu' cha' tyatí̱ ngu' ne' lo'o su nga'a̱ na', cha' ná caca cuxi ji'i̱ ngu' bi' li'. Tso'o ti tyatí̱ ngu' ne' lo'o su nga'a̱ na', tso'o ti tyu'u ngu' chaca quiya', ñi'ya̱ nu ndu'ni xlya'. Caja ñi'ya̱ tyiji̱ yu'u ji'i̱ ngu' bi' li', ñi'ya̱ laca lo'o ndyiji na ndacu xlya'.
Cua ngujuii Cristo lo crusi cha' cati̱ qui'ya nu ntsu'u ji'na; bi' cha' cua ngua'ni tye na ji'i̱ lcaa cha' cuxi nu ntsu'u ne' cresiya ji'na tya tsubi' la, lcaa na nu ndacui ti' na ji'i̱ nquicha', ngua'ni tye na ji'i̱ xqui'ya cha' ntsu'u cha' ji'na lo'o ycui' Cristo. Lo'o jua'a̱ lcaa cha' nu tiji̱' ti' na ji'i̱, cua nguxtyanu na ji'i̱ cha' cuxi bi' juani.
’¡Tya'na tsa cu'ma̱ ngu' mstru cha' jo'ó, lo'o jua'a̱ cu'ma̱ ngu' fariseo, cha' tucua cha' ntsu'u tyiquee ma̱! Na ndacu̱' ma̱ tyucui̱i̱ ji'i̱ ngu', cha' ná caca tyatí̱ ngu' cha' ji'i̱ ycui' Ndyosi, cha' ná caca ycui' Ni loo ne' cresiya ji'i̱ ngu'. Ni ycui' ma̱, ná caca tyatí̱ ma̱ cha' bi', lo'o jua'a̱ ná nda ma̱ chacuayá' cha' tyatí̱ xa' la ñati̱ cha' bi'.
Nga'a̱ cha' tyaa ngu' bi' ca chalyuu talya nu lo'o cajaa ngu', xqui'ya cha' sca ndyosi cuiñi ntsu'u ji'i̱ ngu' bi'; cua ña'a̱ ca na nu ndacui tsa ti' ngu' ji'i̱ cha' caja ji'i̱ ngu' nde chalyuu, bi' laca ndyosi ji'i̱ ngu' bi'. Lo'o jua'a̱ tyixi tsa ndu'ni ngu' lo'o tya'a ngu', masi nga'a̱ cha' ca tyuju'u tsa ti' ngu'; xcui' ntsu'u tyiquee ngu' ji'i̱ cua ña'a̱ ca na nu ntsu'u nde chalyuu.
Ná ntaja'a̱ ngu' bi' xñi ngu' cha' bi' xqui'ya nu xña'a̱ nu ñilo'o ji'i̱ ñati̱ chalyuu. Ndacu̱' nu cuxi bi' cha' ji'i̱ ngu' cha' ná cuna ngu' cha' tso'o nu cuentya ji'i̱ Cristo, bi' cha' ná nchca tyanu xee lubii ji'i̱ Cristo ne' cresiya ji'i̱ ngu' bi'. Tlyu tsa cha' laca ji'i̱ Cristo; lcaa cha' nu ntsu'u ji'i̱ Ni, stu'ba ntsu'u cha' ji'i̱ Ni lo'o ycui' Ndyosi Sti Ni ca su ntucua Ni juani.
Ntucua ya' xca̱ bi' ji'i̱ nu cuaña bi' ndyaa nde ne' tyuquee; li' ngua'a̱ xca̱ ya' to' tyuquee, cuati ngua'a̱ sello nguiña' to' tyuu, cha' nga'aa tyu'u nu cuaña bi', cha' ná taca ñilo'o bi' ji'i̱ ñati̱ chalyuu ña'a̱ cuayá' tye tyu'u scua sca mil yija̱. Pana lo'o cua ndye yija̱ bi', li' nscua cha' tyu'u bi' tya xi tya tyempo cha' tya cua'ni la cha' cuxi.
’Lo'o li' chcui' na' lo'o taju ñati̱ nu ndi'i̱ la'a tsu' coca 'na: “Tyu'u ma̱ liya', cu'ma̱ nu ná ntsu'u su tyi'i̱ ma̱ slo ycui' Ndyosi. Yaa clya ma̱ ca su ná tye tsiya' ti cha' ndyaqui̱ quii', cha' stu'ba ti tyi'i̱ ma̱ lo'o nu laca xu'na cuiñaja lo'o lcaa xca̱ ji'i̱, lcaa cui'i̱ cuxi; cuentya ji'i̱ nu cuiñaja bi' nguxtyu'u ycui' Ni quii' bi'.
lcaa ñati̱ tyucui ña'a̱ chalyuu cua'ni tlyu ngu' ji'i̱ na'ni bi' li', si ná nscua xtañi ngu' lo quityi ji'i̱ ycui' Ndyosi. Nu ngua tya clyo la lo'o tya lyiji cuiñá Ni chalyuu, tya li' nguscua Ni xtañi ñati̱ nu ná nga'a̱ cha' tye chalyuu ji'i̱. Cua ndyanu quityi bi' cuentya ji'i̱ nu ñi'ya̱ ña'a̱ xlya' nu cua ndyujuii ñati̱ ji'i̱ tsaca quiya'.
Ngua ti' ycui' Ndyosi culu'u Ni ji'na ñi'ya̱ ña'a̱ xcube' Ni ji'i̱ ñati̱ cuxi, cha' ca cuayá' ti' na cha' nguula tsa cña nu ndu'ni Ni. Ndalo tsa tyiquee Ni ji'i̱ ñati̱ cuxi bi', masi cua ntsu'u tsa chacuayá' ji'i̱ ycui' Ndyosi cha' ca ñasi̱' Ni ji'i̱ ngu', cha' jua'a̱ cuityi̱ Ni ji'i̱ ngu' tsiya' ti.
Nu lo'o cua tyaa ti tyucuaa ngu' bi', li' nacui̱ Pedro ji'i̱ Jesús: ―Xu'na ―nacui̱―, tso'o tsa cha' ndi'i̱ ya nde. Cuiñá ya sna tya'a chcua'ya: tsaca laca su tyi'i̱ ycui' nu'u̱, chaca su tyi'i̱ La Moisés, lo'o chaca su tyi'i̱ La Elías ―nacui̱. Pana nu Pedro bi' ni, ná ngua cuayá' ti' yu ñi'ya̱ ndyu'u cha' nu nchcui' ycui' ca yu.
Piblisite