SAN MATEO 6:6 - Chatino Tataltepec

⁶ Lo'o cu'ma̱ ni, nu lo'o chcui' ma̱ lo'o ycui' Ndyosi, tsaa ma̱ sca se'i̱ su taca tyi'i̱ ma̱ cuaana ti. Si nga'a̱ ma̱ nde ni'i̱, li' tacu̱' ma̱ toni'i̱, cha' jua'a̱ cua'ni tlyu ma̱ ji'i̱ ycui' Ndyosi Sti na cajua; ndi'i̱ ycui' Ndyosi cacua ti slo ma̱, masi ná nga'a̱ xa' ñati̱ slo ma̱. Sca ti ycui' Ndyosi Sti na nchca cuayá' ti' ñi'ya̱ laca cha' tso'o nu ndu'ni ma̱ cuaana ti, lo'o jua'a̱ xco'o Ni cha' tso'o nu tyacua ji'i̱ ma̱ nde loo la.

SAN MATEO 6:6 Referans Kwoze

SAN MATEO 14:23

Lo'o cua ndyaa lcaa ngu' bi', li' ndyaa Jesús nde sii' ca'ya cha' chcui' lo'o ycui' Ndyosi su ndu̱ yu ycui' ti yu. Lo'o cua tsaa ti cuichaa, tya ndu̱ Jesús ycui' ti nde sii' ca'ya.

LOS HECHOS 9:40

Nchcui' Pedro lo'o ngu' li': ―Tyu'u ma̱ xi nde liya' ―nacui̱ yu ji'i̱ ngu'. Nu lo'o ndye ndu'u ngu' nde liya', li' ndyatu̱ sti̱' Pedro nchcui' yu lo'o ycui' Ndyosi. Nu lo'o ndye nchcui' yu lo'o ycui' Ndyosi, li' ndyaa yu nde su nscua jyo'o bi', nchcui' yu lo'o jyo'o bi' li': ―Tabita ―nacui̱ yu―, tyatu̱ nu'u̱ juani. Lo'o li' tsa tsiya' ca nguxuti'i̱ Tabita bi' cloo; li' nguxña'a̱ ji'i̱ Pedro, hora ti ndaca'a̱ li'.

SAN MATEO 6:18

cha' ná caca cuayá' ti' xa' ñati̱ ji'i̱ ma̱ cha' ná ndyacu ma̱ tsa̱ bi'. Sca ti ycui' Ndyosi Sti na nchca cuayá' ti' ñi'ya̱ laca cha' tso'o nu ndu'ni ma̱ cuaana ti. Lo'o li' xco'o Ni cha' tso'o nu tyacua ji'i̱ ma̱ nde loo la.

LOS HECHOS 10:9

Nguxee chaca tsa̱ ndya'a̱ ngu' nde tyucui̱i̱ Jope. Lo'o ndyalaa nde hora, xi tya lyiji tyalaa ngu' quichi̱ bi'. La cui' hora bi' ndyacuí̱ Pedro ndyaa yu que ni'i̱ cha' chcui' yu lo'o ycui' Ndyosi. Jlyacua tsa que ni'i̱ bi'.

SAN MATEO 6:4

Sca ti ycui' Ndyosi Sti na caca cuayá' ti' Ni ñi'ya̱ laca cha' tso'o nu ndu'ni ma̱ cuaana ti, lo'o li' xco'o Ni cha' tso'o nu tyacua ji'i̱ ma̱ nde loo la.

EFESIOS 3:14

Ndyu̱ sti̱' na' lo'o nchcui' na' lo'o ycui' Ndyosi Sti Jesucristo nu Xu'na na lacua.

ROMANOS 8:5

Nu lo'o cua'ni na ñi'ya̱ nu ndu'ni ñati̱ chalyuu ti, la cui' cha' cuxi nu ntsu'u ji'i̱ ñati̱ bi', bi' laca loo ne' cresiya ji'na li'; pana si Xtyi'i ycui' Ndyosi laca loo ji'na lo'o ndi'i̱ na chalyuu, li' taca taquiya' na ji'i̱ lcaa cha' nu nchcui' ycui' Ndyosi.

LOS HECHOS 10:30

Nguxacui̱ Cornelio cha' ji'i̱ Pedro li': ―Cua ngua jacua tsa̱ nchcui' na' lo'o ycui' Ndyosi su nga'a̱ na' ni'i̱ re ―nacui̱ ji'i̱ Pedro―, lo'o hora ti ndyalaa sca ñati̱ slo na' nu lacu' late' ngati̱, hasta ntyiji'i̱ xee ndubi lo late' bi'. Hora cua sna nde ngusi̱i̱ ndyalaa yu bi', nu lo'o bilya cacu na' li'.

SAN JUAN 1:48

Nchcuane Natanael ji'i̱ Jesús li': ―¿Ñi'ya̱ ngua jinu'u̱, cusu', cha' ndyuloo nu'u̱ jna'? Li' nacui̱ Jesús: ―Lo'o tya lyiji chcui' Felipe lo'o nu'u̱, tya li' na'a̱ na' jinu'u̱ ca su ndu̱ ne' yaca quityi ca bi'.

SAN JUAN 20:17

Li' nchcui' Jesús lo'o María: ―Ná cala' nu'u̱ jna' cha' tya lyiji tya'a na' nde cua̱ ca su ntucua Sti na' ―nacui̱―. Nu juani, yaa clya nu'u̱ su ndi'i̱ nu xa' la ñati̱ nu cua ngusñi cha' 'na, yaa cacha' nu'u̱ ji'i̱ ngu' bi', cha' cua tyacuí̱ ti na' tya'a na' ca su ntucua ycui' Ndyosi Sti na', nu laca Sti ma̱. Tya'a na' ca su ntucua ycui' Ndyosi nu Xu'na na', nu bi' nu laca ycui' Ndyosi nu Xu'na ma̱.