SAN MATEO 6:33 - Chatino Tataltepec

³³ bi' cha' si'i ji'i̱ cha' bi' clyana ma̱. Tso'o la si ta ma̱ tyempo ji'i̱ ycui' Ni cha' caca Ni loo ne' cresiya ji'i̱ ma̱, jua'a̱ tso'o la si cua'ni ma̱ lcaa cha' nu nti' ycui' Ni cha' cua'ni ma̱ nde chalyuu; li' ta Ni lcaa na nu lyiji xi ji'i̱ ma̱.

SAN MATEO 6:33 Referans Kwoze

SAN LUCAS 12:31

Si'i xcui' cuentya ji'i̱ ycui' ca ti ma̱ culacua ti' ma̱. Ndi'ya̱ cua'ni ma̱: taquiya' ma̱ ji'i̱ lcaa cha' nu nchcui' ycui' Ni, cha' caca Ni loo ne' cresiya ji'i̱ ma̱ su ndi'i̱ ma̱ nde chalyuu; jua'a̱ ta Ni lcaa na nu lyiji xi ji'i̱ ma̱ li'.

SAN MATEO 5:6

’Lo'o jua'a̱ tso'o ntsu'u tyiquee ñati̱ si tyaja'a̱ tsa cua'ni lcaa cha' tso'o, lcaa cha' liñi; ji'i̱ ñati̱ bi' xtyucua ycui' Ndyosi cha' taca ji'i̱ cua'ni lcaa cha' nu nti' ycui' Ni.

SAN JUAN 6:27

Tso'o la ―nacui̱ Jesús li'―, si cua'ni cña ti' ma̱ cha' caja sca cha' nu talo ji'i̱ ma̱; chañi cha' tyaala' ti' ma̱ li', si caja chalyuu nu ná nga'a̱ cha' tye ji'i̱ ma̱. Nu na cacu na ni, xtyi'i ti talo na bi', yala ti quiñu'u̱ na bi'. Pana na' nu lijya̱a̱ cha' caca na' ñati̱, ta na' sca cha' tso'o ji'i̱ ma̱ nu cua'ni cha' tyaala' ti' ma̱, lo'o ná tye tsiya' ti cha' bi' ji'i̱ ma̱ ―nacui̱―. Na cua nda ycui' Ndyosi Sti na' chacuayá' jna' cha' ta na' cha' tso'o bi' ji'i̱ ma̱.

ROMANOS 14:17

Nu lo'o laca ycui' Ndyosi loo ji'na ni, ná ndulo tsa cha' ji'na cuentya ji'i̱ sca na nu ndacu na, sca na nu co'o na; nu ndulo tsa ji'na laca cha' tya̱a̱ Xtyi'i ycui' Ndyosi tyanu ne' cresiya ji'na, cha' ca tso'o cresiya ji'na xqui'ya Jesús. Bi' cha' ti̱ ti taca tyi'i̱ tyiquee na chalyuu, taca ca chaa ti' na xqui'ya ycui' Ndyosi; lcaa cha' bi' caca nu lo'o laca Ni loo ji'na.

SAN MATEO 19:29

Lo'o jua'a̱ cua ña'a̱ ca ñati̱ nu ntsu'u cha' tsaa tyijyu' cha' cua'ni ngu' cña cuentya jna', nu nguxtyanu lcaa na nu ntsu'u ji'i̱ ngu' cha' ndyu'ni ngu' cña bi', ná xtyanu na' ji'i̱ ngu' bi' jua'a̱ ti; masi tyi ngu', masi tya'a ngula ngu', masi sti ngu', masi xtya'a̱ ngu', masi sñi' ngu', masi yuu nu ntsu'u ji'i̱ ngu', masi xtyanu ngu' lcaa cha' bi', pana caja chalyuu nu ná nga'a̱ cha' tye ji'i̱ ngu'. Lo'o jua'a̱ xa' caja quiña'a̱ la cha' ji'i̱ ngu' bi', tsa ña'a̱ nu nguna' ji'i̱ ngu' bi' ngua ti' ngu'.

ROMANOS 8:31

Lo'o cua ndyuna na lcaa cha' tso'o bi', li' taca ñacui̱ na cha' ná ntsu'u nu caca xu̱u̱ tya'a lo'o na, cha' ycui' Ndyosi laca nu ndi'i̱ lo'o na.

1 TIMOTEO 4:8

Tso'o xi cha' ngui'i̱ quiya' na cha' tya'a̱ na, ngui'i̱ ya' na cha' cua'ni na cña; pana tso'o la si qui'i̱ tyiquee na cha' taquiya' na ji'i̱ ycui' Ndyosi lcaa tyempo. Tso'o ti tyi'i̱ na nde chalyuu, nu lo'o cua'ni na cua ña'a̱ ca cña nu nti' nu Xu'na na cha' cua'ni na; la cui' tso'o ti tyi'i̱ na ca slo ycui' Ndyosi, si cua'ni na ñi'ya̱ nu nti' Ni cha' cua'ni na.

2 CORINTIOS 5:21

Masi ná ntsu'u qui'ya ji'i̱ Cristo tsiya' ti, pana ycui' Ndyosi ngua'ni cha' ndyanu qui'ya nu ntsu'u ji'na hichu̱' Cristo. Si cua ngua stu'ba cha' ji'na lo'o Cristo, li' caca lubii cresiya ji'na ñi'ya̱ nu nti' ycui' Ndyosi cha' caca na.

ROMANOS 1:17

Lo'o cuna na cha' tso'o ji'i̱ Jesús bi', li' caca cuayá' ti' na ñi'ya̱ ndu'ni ycui' Ndyosi cha' ca tso'o cresiya ji'i̱ ñati̱ cuxi; xqui'ya cha' nu jlya ti' na ji'i̱ cña nu ngua'ni Jesús, bi' cha' taca caca tso'o cresiya ji'i̱ ñati̱ cuxi na, sca ti si xñi na cha' ji'i̱ ycui' Ni. Ndi'ya̱ ndyu'u sca cha' nu nscua lo quityi cusu': “Nu lo'o jlya ti' na ji'i̱ ycui' Ni cha' taca cua'ni Ni cha' caca tso'o cresiya ji'na, li' caja sca chalyuu nu ná nga'a̱ cha' tye ji'na”.

FILIPENSES 3:9

cha' stu'ba ti tyu'u tyiquee na' lo'o Ni. Ná ngüityi̱ ycui' Ndyosi qui'ya 'na nu lo'o ndaquiya' tsa na' ji'i̱ nu cha' cusu' bi'; laca cha' cua ngüityi̱ ycui' Ni qui'ya 'na lo'o jlya ti ti' na' ji'i̱ cña nu ngua'ni Cristo, tsa bi' ti cha'. Bi' cha' ngua'ni Ni cha' caca tso'o cresiya jna'.

1 CORINTIOS 1:30

Ndi'ya̱ laca cha': cua nacui̱ ycui' Ndyosi cha' caca stu'ba cha' ji'na lo'o Jesucristo, lo'o jua'a̱ cua nda Ni ji'i̱ Jesucristo ji'na. Masi ná nchca ji'na, pana nu Jesucristo ni, lcaa cha' nchca ji'i̱ ycui'. Xqui'ya nu Jesús bi' nchca tso'o cresiya ji'na ñati̱ cuxi na cuentya ji'i̱ ycui' Ndyosi; xqui'ya Jesús taca caca na ñati̱ ji'i̱ ycui' Ndyosi, cha' Jesús laca nu ngua'ni lyaá ji'na ji'i̱ nu cuxi.

SAN MATEO 4:17

Lo'o li' nguxana nchcui' Jesús lo'o ngu' nu ndya'a̱ slo: ―Ca tyuju'u ti' ma̱ ―nacui̱ Jesús ji'i̱ ngu'―, xtyanu ma̱ ji'i̱ lcaa cha' cuxi nu ndyu'ni ma̱, cha' cua tyalaa ti hora cha' caca ycui' Ndyosi loo ne' cresiya ji'i̱ ma̱.

SAN MATEO 3:2

―Ca tyuju'u ti' cu'ma̱ ―nacui̱ Juan ji'i̱ ngu'―, xtyanu ma̱ ji'i̱ cha' cuxi nu ndyu'ni ma̱ ―nacui̱―. Cua xana ti cha' caca ycui' Ndyosi loo ne' cresiya ji'i̱ ñati̱ chalyuu.

2 TESALONICENSES 1:5

Liñi tsa ndu'ni cuayá' ycui' Ndyosi ji'i̱ ñati̱; bi' cha' caja su tyi'i̱ ma̱ ca su laca ycui' Ndyosi loo ca nde loo la, masi xña'a̱ tsa ngu' lo'o ma̱ juani xqui'ya cha' ji'i̱ ycui' Ndyosi nu cua ngusñi ma̱.

ROMANOS 10:3

ná nchca cuayá' ti' ngu' bi' ñi'ya̱ ndu'ni Ni cha' ca tso'o cresiya ji'i̱ ñati̱ cuentya ji'i̱ ycui' Ni. Xa' ña'a̱ nti' ngu' bi'; cha' ji'i̱ ycui' ca ngu' nclyana ngu' ñi'ya̱ caca tso'o cresiya ji'i̱ ngu', cha' ná ntaja'a̱ ngu' jlya ti' ngu' ji'i̱ cña nu ndyu'ni ycui' Ndyosi.

LOS HECHOS 28:31

ná ntsi̱i̱ yu culu'u yu ji'i̱ ngu' ñi'ya̱ caca ycui' Ndyosi loo ne' cresiya ji'i̱ ngu'. Lo'o jua'a̱ ná ngua'a ngu' ji'i̱ yu cha' ná ta yu lcaa cha' ji'i̱ Jesucristo lo'o ngu'.

2 PEDRO 1:11

ndya'a̱ ma̱ lo tyucui̱i̱ ji'i̱ ycui' Ndyosi li'. Jua'a̱ caca ycui' Jesucristo nu Xu'na na loo ji'i̱ ma̱, bi' laca nu ndyu'ni lyaá ji'na; ná nga'a̱ cha' tye tsa̱ cha' laca ycui' Ni loo, lo'o li' tso'o ti tyatí̱ na ca su ntucua ycui' Ni.

2 PEDRO 1:1

Simón Pedro laca na'; ndyu'ni na' cña ji'i̱ Jesucristo, cha' cua ngusubi Ni 'na cha' tsa'a na' ta na' cha' tso'o ji'i̱ Cristo lo'o ngu' xa' quichi̱. Lo'o nu juani nscua na' quityi re cha' tsaa slo lcaa ñati̱ nu ngusñi cha' ji'i̱ ycui' Ndyosi ñi'ya̱ nu ngusñi na ji'i̱. Xcui' cha' liñi ndu'ni ycui' Ndyosi nu Xu'na na, la cui' Jesucristo nu ndyu'ni lyaá ji'na ji'i̱ nu cuxi laca bi'; bi' cha' stu'ba ti laca lcaa na cuentya ji'i̱ ycui' Ndyosi, tso'o tsa ndyaca ji'i̱ lcaa na cuentya ji'i̱ Ni.

SAN LUCAS 1:6

Liñi tsa ndu'ni tyucuaa ngu' bi' cuentya ji'i̱ ycui' Ndyosi, ndaquiya' ngu' lcaa cña ji'i̱ ycui' Ni; ndaquiya' tsa ngu' lcaa cha' nu cua nda Ni lo'o ñati̱ cua sa'ni la, jua'a̱ ná tucui nchcui' cha' cuxi ji'i̱ ngu' bi'.

1 CORINTIOS 3:22

masi na', masi Apolos, masi Pedro; lo'o jua'a̱ cuentya ji'i̱ cu'ma̱ laca cua ña'a̱ ca cha' nu ndyaca nde chalyuu, masi lu'ú na, masi cua ngujuii na, masi sca cha' nu ndyaca juani, masi sca cha' nu caca tyempo nde loo la; cuentya ji'i̱ cu'ma̱ laca lcaa cha' nu ndyaca nde chalyuu lacua.

LOS HECHOS 20:25

’Cua nguta'a̱ na' lo'o cu'ma̱, cua ngulu'u na' ji'i̱ ma̱ lcaa ña'a̱ cña nu nclyo ycui' Ni; pana juani chañi cha' nu nchcui' na' re, cha' nga'aa ña'a̱ na' ji'i̱ ma̱ chaca quiya'.

SAN MATEO 19:28

―Cha' liñi nchcui' na' lo'o ma̱ juani ―nacui̱ Jesús ji'i̱ ngu'―, cha' nu lo'o caca chalyuu cucui bi' ni, li' ca̱a̱ na' nu cua nda Ni 'na lijya̱a̱ cha' caca na' ñati̱; tsaa tucua na' ca su tso'o tsa ña'a̱ ca bi', cha' cua'ni cuayá' na' ji'i̱ lcaa ñati̱ chalyuu li'. Lo'o cu'ma̱ nu ndya'a̱ ma̱ lo'o na', tiya' la tyucua ma̱ lo tii tyucuaa tya'a yaca nu tso'o tsa ña'a̱, cha' cua'ni cuayá' ma̱ ji'i̱ tya'a ñati̱ ma̱, nu tii tyucuaa tya'a taju ngu' Israel bi'.

SAN JUAN 5:4

Nda ti' ngu' quichi̱ bi', cha' tyijyu' ndacui cuayá' ti nda'ya sca xca̱ ji'i̱ ycui' Ndyosi nu yaa̱ nde cua̱, ndyaa ne' hitya tayu' bi', cha' xquiña lo hitya bi'; nu quicha nu ndyaa yala la ndyaata chcu to' hitya bi' lo'o nguiña ca ti lo hitya, bi' laca nu ndyaca tso'o ji'i̱ cua ña'a̱ ca quicha nu ntsu'u ji'i̱, nacui̱ ngu'.