SAN MATEO 6:31 - Chatino Tataltepec

³¹ Bi' cha' ná ntsu'u cha' culacua tsa ti' ma̱ ñi'ya̱ cha' cuxi tyacua ji'i̱ ma̱ ca nde loo la. Ná ñacui̱ lye ma̱: “¿Ma caja na cacu ya?” Ná ñacui̱ ma̱: “¿Ma caja hitya co'o ya?” Ni ná ñacui̱ ma̱: “¿Ma caja ste' ya?”

SAN MATEO 6:31 Referans Kwoze

1 PEDRO 5:7

Cacha' ma̱ ji'i̱ ycui' Ni lcaa cha' nu nclyacua tsa ti' ma̱ ji'i̱, lo'o li' cua'ni Ni cha' nga'aa cube ti' ma̱ ji'i̱ cha' bi'. Chañi cha' ndube ti' ycui' Ni ña'a̱ Ni ji'i̱ cu'ma̱.

SAN LUCAS 12:29

Bi' cha' juani, nga'aa quiña'a̱ tsa cha' culacua ti' ma̱: “¿Na ca cacu na juani? ¿Na ca co'o na juani?” Si'i na xcui' tya'a̱ lube ma̱ tsaana ma̱ ji'i̱ cha' bi',

SAN MATEO 4:4

Lo'o li' nguxacui̱ Jesús cha' ji'i̱: ―Cua nscua sca cha' lo quityi ji'i̱ ycui' Ndyosi ―nacui̱ Jesús ji'i̱―. Ndi'ya̱ nchcui' cha' bi': “Si'i na cu'ú ñati̱ chalyuu lo'o cacu ngu' tyaja ti, masi lo'o cuna ngu' lcaa cha' nu nchcui' ycui' Ndyosi, li' chañi cha' tyu'ú ngu'”. Jua'a̱ nscua lo quityi.

SAN MATEO 15:33

Li' nchcui' ngu' nu ndyaca tsa'a̱ ji'i̱ lo'o: ―¿Macala caja na cacu ngu' ji'na? Ne' quixi̱' nga'a̱ na re su ná ndi'i̱ ñati̱ ―nacui̱ ngu' ji'i̱ Jesús―. Lo'o jua'a̱ quiña'a̱ tsa ñati̱ ndya'a̱ lo'o na re.

SAN MATEO 6:25

’Ndube ti' ycui' Ni ji'i̱ ma̱, bi' cha' ná ntsu'u cha' culacua tsa ti' ma̱ ñi'ya̱ caca cha' cu'ú ma̱, na ca cacu ma̱, na ca co'o ma̱ su ndi'i̱ ma̱ chalyuu. Ná culacua tsa ti' ma̱ ma caja ste' ma̱. Cuayá' tsa cha' na lu'ú ti na juani, masi si'i quiña'a̱ tsa na nu cacu na; cuayá' tsa cha' tso'o ti tyucui ña'a̱ na, masi si'i na tso'o tsa ste' na.

SAN MATEO 6:27

Pana nga'aa caca caluu la ma̱ sa cla'be metro cua̱ la, masi quiña'a̱ tsa cha' culacua ti' ma̱.

SAN LUCAS 10:41

Li' nguxacui̱ Jesús cha' ji'i̱ Marta: ―Marta, Marta, ntsu'u tsa cña jinu'u̱ ―nacui̱ Jesús―. Quiña'a̱ tsa nclyacua ti' nu'u̱ xqui'ya lcaa cña sube nu ntsu'u jinu'u̱.

SAN LUCAS 12:11

’Cu'ma̱ nu laca ma̱ ñati̱ 'na ni, ná cutsi̱i̱ ma̱ nu lo'o chcui' cuayá' ngu' lo'o ma̱ ne' laa, masi nu lo'o cua'ni cuayá' ngu' ji'i̱ ma̱ slo ngu' nu laca cña. Ná culacua tsa ti' ma̱ ñi'ya̱ caca cha' nu chcui' ma̱ lo'o ngu' bi', cha' clyaá ma̱ ji'i̱ ngu';

SAN LUCAS 12:22

Li' nchcui' Jesús lo'o nu ngu' nu ndyaca tsa'a̱ ji'i̱: ―Ndi'ya̱ cha' chcui' na' lo'o ma̱ juani: Ná quiña'a̱ tsa cha' culacua ti' ma̱ na laca nu lyiji ji'i̱ ma̱ cha' cacu ma̱ su ndi'i̱ ma̱ chalyuu, ni ná culacua tsa ti' ma̱ cha' ji'i̱ ste' ma̱.

FILIPENSES 4:6

Ni sca cha' ná culacua tsa ti' ma̱ ji'i̱, pana jña ma̱ cha' ji'i̱ ycui' Ndyosi cuentya ji'i̱ cua ña'a̱ ca cha' nu tyacua xi ji'i̱ ma̱. Lo'o jua'a̱ ta ma̱ xlya'be ji'i̱ ycui' Ndyosi cha' jua'a̱ ndyaca cha' ji'i̱ ma̱, nu lo'o chcui' ma̱ lo'o ycui' Ni.