SAN MATEO 6:27 - Chatino Tataltepec

²⁷ Pana nga'aa caca caluu la ma̱ sa cla'be metro cua̱ la, masi quiña'a̱ tsa cha' culacua ti' ma̱.

SAN MATEO 6:27 Referans Kwoze

SAN MATEO 5:36

La cui' ti cha' ná cua'ni ma̱ jura cuentya ji'i̱ scua' que ycui' ca ma̱, cha' sca ti ycui' Ni ngüiñá Ni ji'i̱ cu'ma̱, lo'o ná caca ji'i̱ ma̱ cuiñá ma̱ ni sca ca quicha̱' hique ma̱, ni nu ngata, ni nu ngati̱. Ná tso'o cuentya ji'i̱ ycui' Ndyosi tsiya' ti cha' cua'ni ma̱ jura.

1 CORINTIOS 12:18

Na cua ngusta se'i̱ ti ycui' Ndyosi scaa tyijya̱ laja cuaña' na, cha' ñi'ya̱ nu ndiya ti' Ni, jua'a̱ ngüiñá Ni ji'na.

SAN MATEO 6:25

’Ndube ti' ycui' Ni ji'i̱ ma̱, bi' cha' ná ntsu'u cha' culacua tsa ti' ma̱ ñi'ya̱ caca cha' cu'ú ma̱, na ca cacu ma̱, na ca co'o ma̱ su ndi'i̱ ma̱ chalyuu. Ná culacua tsa ti' ma̱ ma caja ste' ma̱. Cuayá' tsa cha' na lu'ú ti na juani, masi si'i quiña'a̱ tsa na nu cacu na; cuayá' tsa cha' tso'o ti tyucui ña'a̱ na, masi si'i na tso'o tsa ste' na.

SAN MATEO 6:28

’Lo'o jua'a̱ cha' ji'i̱ ste' ma̱, ¿ni cha' nclyacua tsa ti' ma̱ ji'i̱ cha' bi'? Culacua xi ti' ma̱ lo'o ña'a̱ ma̱ queé nu ntsu'u lo quixi̱' cua. Tso'o ti nclyuu bi', masi ná ndu'ni bi' cña, masi ná nchca ji'i̱ cuiñá late' cacu'.

SAN MATEO 6:31

Bi' cha' ná ntsu'u cha' culacua tsa ti' ma̱ ñi'ya̱ cha' cuxi tyacua ji'i̱ ma̱ ca nde loo la. Ná ñacui̱ lye ma̱: “¿Ma caja na cacu ya?” Ná ñacui̱ ma̱: “¿Ma caja hitya co'o ya?” Ni ná ñacui̱ ma̱: “¿Ma caja ste' ya?”

SAN MATEO 6:34

Lo'o jua'a̱ ná ntsu'u cha' culacua ti' ma̱ cuentya ji'i̱ ñi'ya̱ nu caca ji'i̱ ma̱ tsa̱ quee. Chaca tsa̱ laca bi'. Sca ti ji'i̱ tsa̱ juani culacua xi ti' ma̱ ñi'ya̱ cua'ni ma̱ cha' tyiji̱loo ma̱ ji'i̱ cha' cuxi nu tyacua ji'i̱ ma̱ juani.

SAN LUCAS 10:41

Li' nguxacui̱ Jesús cha' ji'i̱ Marta: ―Marta, Marta, ntsu'u tsa cña jinu'u̱ ―nacui̱ Jesús―. Quiña'a̱ tsa nclyacua ti' nu'u̱ xqui'ya lcaa cña sube nu ntsu'u jinu'u̱.

SAN LUCAS 12:11

’Cu'ma̱ nu laca ma̱ ñati̱ 'na ni, ná cutsi̱i̱ ma̱ nu lo'o chcui' cuayá' ngu' lo'o ma̱ ne' laa, masi nu lo'o cua'ni cuayá' ngu' ji'i̱ ma̱ slo ngu' nu laca cña. Ná culacua tsa ti' ma̱ ñi'ya̱ caca cha' nu chcui' ma̱ lo'o ngu' bi', cha' clyaá ma̱ ji'i̱ ngu';

SAN LUCAS 12:22

Li' nchcui' Jesús lo'o nu ngu' nu ndyaca tsa'a̱ ji'i̱: ―Ndi'ya̱ cha' chcui' na' lo'o ma̱ juani: Ná quiña'a̱ tsa cha' culacua ti' ma̱ na laca nu lyiji ji'i̱ ma̱ cha' cacu ma̱ su ndi'i̱ ma̱ chalyuu, ni ná culacua tsa ti' ma̱ cha' ji'i̱ ste' ma̱.

FILIPENSES 4:6

Ni sca cha' ná culacua tsa ti' ma̱ ji'i̱, pana jña ma̱ cha' ji'i̱ ycui' Ndyosi cuentya ji'i̱ cua ña'a̱ ca cha' nu tyacua xi ji'i̱ ma̱. Lo'o jua'a̱ ta ma̱ xlya'be ji'i̱ ycui' Ndyosi cha' jua'a̱ ndyaca cha' ji'i̱ ma̱, nu lo'o chcui' ma̱ lo'o ycui' Ni.

1 PEDRO 5:7

Cacha' ma̱ ji'i̱ ycui' Ni lcaa cha' nu nclyacua tsa ti' ma̱ ji'i̱, lo'o li' cua'ni Ni cha' nga'aa cube ti' ma̱ ji'i̱ cha' bi'. Chañi cha' ndube ti' ycui' Ni ña'a̱ Ni ji'i̱ cu'ma̱.