SAN MATEO 6:25 - Chatino Tataltepec

²⁵ ’Ndube ti' ycui' Ni ji'i̱ ma̱, bi' cha' ná ntsu'u cha' culacua tsa ti' ma̱ ñi'ya̱ caca cha' cu'ú ma̱, na ca cacu ma̱, na ca co'o ma̱ su ndi'i̱ ma̱ chalyuu. Ná culacua tsa ti' ma̱ ma caja ste' ma̱. Cuayá' tsa cha' na lu'ú ti na juani, masi si'i quiña'a̱ tsa na nu cacu na; cuayá' tsa cha' tso'o ti tyucui ña'a̱ na, masi si'i na tso'o tsa ste' na.

SAN MATEO 6:25 Referans Kwoze

FILIPENSES 4:6

Ni sca cha' ná culacua tsa ti' ma̱ ji'i̱, pana jña ma̱ cha' ji'i̱ ycui' Ndyosi cuentya ji'i̱ cua ña'a̱ ca cha' nu tyacua xi ji'i̱ ma̱. Lo'o jua'a̱ ta ma̱ xlya'be ji'i̱ ycui' Ndyosi cha' jua'a̱ ndyaca cha' ji'i̱ ma̱, nu lo'o chcui' ma̱ lo'o ycui' Ni.

1 PEDRO 5:7

Cacha' ma̱ ji'i̱ ycui' Ni lcaa cha' nu nclyacua tsa ti' ma̱ ji'i̱, lo'o li' cua'ni Ni cha' nga'aa cube ti' ma̱ ji'i̱ cha' bi'. Chañi cha' ndube ti' ycui' Ni ña'a̱ Ni ji'i̱ cu'ma̱.

ROMANOS 8:32

Ná nda ycui' Ndyosi chacuayá' ji'i̱ Jesús cha' tya'a̱chu̱' yu ji'i̱ cña ji'i̱ Ni jua'a̱ ti, masi nu sca ti Sñi' ycui' Ni laca yu; nda Ni ji'i̱ yu cha' cajaa lo crusi cuentya ji'i̱ lcaa na lo'o tya'a na. Cua nda Ni lcaa cha' tso'o nu ji'i̱ ycui' ca Ni ji'i̱ Jesús, la cui' nu laca nu sca ti Sñi' ycui' Ni. Lo'o jua'a̱ sca ti cuayá' nu ta Ni cha' bi' ji'na, ñi'ya̱ lo'o nda Ni cha' bi' ji'i̱ Sñi' ycui' Ni.

SAN MATEO 6:31

Bi' cha' ná ntsu'u cha' culacua tsa ti' ma̱ ñi'ya̱ cha' cuxi tyacua ji'i̱ ma̱ ca nde loo la. Ná ñacui̱ lye ma̱: “¿Ma caja na cacu ya?” Ná ñacui̱ ma̱: “¿Ma caja hitya co'o ya?” Ni ná ñacui̱ ma̱: “¿Ma caja ste' ya?”

SAN MARCOS 4:19

lo'o li' ndya'a̱ tsa cha' tyiquee ngu' ñi'ya̱ cua'ni ngu' cha' caca culiya' ngu'; nclyana ngu' ñi'ya̱ ca caja quiña'a̱ tsa cha' tso'o nu ntsu'u chalyuu re ji'i̱ ngu', cha' caca stu'ba ngu' lo'o ñati̱ tlyu la. Bi' cha' ná nchca tyanu cha' tso'o ne' cresiya ji'i̱ ngu' bi'.

SAN MATEO 10:19

Nu lo'o tsaa lo'o ngu' ji'i̱ ma̱ slo ngu' tisiya ni, ná culacua tsa ti' ma̱ ñi'ya̱ caca cha' nu chcui' ma̱ lo'o ngu' bi', ñi'ya̱ caca xacui̱ ma̱ cha' ji'i̱ ngu' bi'. Cua'ni ycui' Ndyosi cha' quije cha' liñi nu chcui' ma̱ lo'o ngu' bi',

1 CORINTIOS 7:32

Cua nti' na' cha' ná caca xa' la cha' ji'i̱ ma̱, cha' jua'a̱ xqui'ya cha' bi' ná caca cua'ni tso'o ma̱ cña. Cu'ma̱ ngu' qui'yu nu bilya caja clyo'o ma̱, taca cua'ni ma̱ tsa lo ti cña ji'i̱ ycui' Ndyosi li'; cua'ni ma̱ ñi'ya̱ nu nti' ycui' nu Xu'na na cha' cua'ni na li'.

SAN MATEO 6:34

Lo'o jua'a̱ ná ntsu'u cha' culacua ti' ma̱ cuentya ji'i̱ ñi'ya̱ nu caca ji'i̱ ma̱ tsa̱ quee. Chaca tsa̱ laca bi'. Sca ti ji'i̱ tsa̱ juani culacua xi ti' ma̱ ñi'ya̱ cua'ni ma̱ cha' tyiji̱loo ma̱ ji'i̱ cha' cuxi nu tyacua ji'i̱ ma̱ juani.

2 TIMOTEO 2:4

Sca ti cña sendaru caca cua'ni sendaru; ná caca cua'ni yu xi xa' lo cña, si nti' yu cha' ca tso'o tyiquee xu'na yu lo'o yu, cha' bi' laca nu cua ngusubi ji'i̱ yu cha' caca yu sendaru.

SAN LUCAS 8:14

Ndi'ya̱ laca cha' ji'i̱ si'yu nu ndyalú laja yaca quiche': bi' laca ñi'ya̱ laca lo'o ñati̱ nu cua ndyuna cha' tso'o bi' nquicha', pana ntsu'u tsa cña ji'i̱ ngu', ntsu'u tsa cñi ji'i̱ ngu', lo'o jua'a̱ ntsu'u tsa su culiji ngu' cñi cha' ji'i̱ ti ngu'; bi' cha' ná nchca tyanu tso'o cha' tso'o bi' ne' cresiya ji'i̱ ngu'.

SAN MATEO 13:22

Si'yu nu ndyalú lo yuu su ngutu̱ lti quiche' ni, bi' laca ñi'ya̱ laca ñati̱ nu cua ndyuna cha' tso'o bi', pana ndya'a̱ tsa cha' tyiquee ngu' bi' ñi'ya̱ caca ji'i̱ ngu' nde chalyuu, cha' nti' tsa ngu' caca culiya' ngu'. Bi' cha' ná nchca ji'i̱ ycui' Ndyosi cua'ni sca cña tso'o ne' cresiya ji'i̱ ngu' bi'.

SAN LUCAS 12:11

’Cu'ma̱ nu laca ma̱ ñati̱ 'na ni, ná cutsi̱i̱ ma̱ nu lo'o chcui' cuayá' ngu' lo'o ma̱ ne' laa, masi nu lo'o cua'ni cuayá' ngu' ji'i̱ ma̱ slo ngu' nu laca cña. Ná culacua tsa ti' ma̱ ñi'ya̱ caca cha' nu chcui' ma̱ lo'o ngu' bi', cha' clyaá ma̱ ji'i̱ ngu';

SAN MARCOS 13:11

Ná cutsi̱i̱ ma̱ lo'o tejeya' ngu' ji'i̱ ma̱ cha' tsaa lo'o ngu' ji'i̱ ma̱ slo ngu' tisiya cha' caca cuayá' ji'i̱ ma̱ lo'o ngu' bi', ni ná culacua tsa ti' ma̱ ñi'ya cha' nu xacui̱ ma̱ ji'i̱ ngu' bi'; ta ycui' Ndyosi lcaa cha' nu nga'a̱ cha' chcui' ma̱ tsa̱ bi'. Nga'aa si'i ycui' ti ma̱ chcui' ma̱ li', cha' lo'o tyucui chacuayá' ji'i̱ Xtyi'i ycui' Ndyosi chcui' ma̱.