SAN MATEO 6:20 - Chatino Tataltepec20 Tso'o la lo'o xco'o ycui' Ni cha' tso'o nu tyacua ji'i̱ ma̱ ca su ntucua ycui' Ni; nga'aa cacu tiña' ji'i̱ cha' tso'o bi', nga'aa quiñu'u̱, lo'o jua'a̱ nga'aa caca cuaana ngu' ji'i̱ cha' tso'o bi'. Gade chapit la |
―¿Ha chañi cha' nti' nu'u̱ cha' ca lubii cresiya ji'nu'u̱, cha' caja chalyuu nu ná nga'a̱ cha' tye jinu'u̱? ―nacui̱ Jesús ji'i̱ yu bi'―. Si chañi cha' nu nchcui' nu'u̱, yaa clya cujui' nu'u̱ lcaa cha' tso'o nu ntsu'u jinu'u̱; tyu'u cñi cha' ta nu'u̱ ji'i̱ ngu' ti'i li'. Lo'o li' sta ycui' Ndyosi sca cha' tso'o nu tyacua jinu'u̱ ca su ntucua ycui' Ni. Lo'o cua ngua'ni nu'u̱ cha' bi', li' ca̱a̱ nu'u̱ slo na' cha' tya'a̱ nu'u̱ lo'o na'.
Cu'ma̱ ngu' tya'a na nu tyaca'a tsa ma̱ 'na, cui'ya ma̱ cuentya ji'i̱ cha' re: Cua ngusubi ycui' Ndyosi ji'i̱ ñati̱ ti'i cha' taca xñi tso'o ngu' cha' ji'i̱ ycui' Ni; ta Ni chalyuu tso'o ji'i̱ ngu' bi' li', la cui' chalyuu nu nacui̱ Ni cha' caja ji'i̱ ñati̱ nu ntsu'u tsa tyiquee ña'a̱ ji'i̱ ycui' Ni. Masi ti'i tsa ñati̱ bi' nde chalyuu, pana culiya' ngu' cuentya ji'i̱ ycui' Ndyosi.
Nu lo'o ndyuna Jesús cha' bi', li' nacui̱: ―Chaca tya cha' tya lyiji cua'ni nu'u̱: yaa cujui' lcaa cha' tso'o nu ntsu'u jinu'u̱, cha' tyu'u cñi nu ta ji'i̱ ngu' ti'i; tyacua xi cha' tso'o jinu'u̱ nde loo la ca su ntucua ycui' Ndyosi li'. Lo'o cua ngua'ni nu'u̱ cña bi', li' taca tya'a̱ nu'u̱ lo'o na'.
Jlo ti' na' lcaa ña'a̱ nu ndu'ni cu'ma̱, nacui̱ Ni. Jlo ti' na' cha' lye tsa ndyu'ni lya' ti' ngu' ji'i̱ ma̱, cha' ti'i tsa ma̱ cuentya ji'i̱ ngu' bi', masi liñi la ñacui̱ na cha' ntsu'u tsa cha' tso'o ji'i̱ cu'ma̱ cuentya jna', nacui̱ Ni. Lo'o jua'a̱ jlo ti' na' cha' cuxi tsa nchcui' ngu' ji'i̱ ma̱. Nacui̱ ngu' cha' sñi' ycui' Ndyosi laca ycui' ngu'; pana sca cha' ndu'ni ti ngu' laca cha' bi', cha' stu'ba ntsu'u cha' ji'i̱ ngu' bi' lo'o Satanás, nacui̱ Ni.
tso'o la stu'ba ti tyi'i̱ yu lo'o ngu' tya'a yu, masi chi̱i̱ nti' xa' ñati̱ ña'a̱ ji'i̱ yu, ngua ti' yu. Ñi'ya̱ nchcube' ycui' Cristo nde loo la, jua'a̱ nchcube' Moisés nu ngua li'; pana ná ndube ti' yu cha' culiya' ngu', nguxtyanu yu lcaa cha' tso'o nu ntsu'u ji'i̱ ngu' Egipto, cha' jlya ti' yu cha' tso'o la caca ji'i̱ ñati̱ ji'i̱ yu nde loo la xqui'ya ycui' Ndyosi.
Lo'o jua'a̱ ntsu'u cha' culo nu'u̱ cña ji'i̱ ngu' culiya' tya'a ngusñi ma̱ cha' ji'i̱ Jesús, cha' ná cua'ni tyucuaa ti' ngu' bi' lo'o tya'a ngu'. Ná tso'o si xcui' culacua tsa ti' ngu' bi' ji'i̱ cñi ji'i̱ ngu'; la cui' ti ná culacua tsa ti' ngu' ji'i̱ lcaa cha' tso'o nu ntsu'u ji'i̱ ngu', cha' yala ti ndye cñi ji'na. Tso'o la si cube ti' ngu' bi' ji'i̱ ycui' Ndyosi nu lu'ú ca, cha' cua nda Ni lcaa lo na nu ntsu'u ji'na cha' caca tso'o tyiquee na nde chalyuu.
xqui'ya cha' cua ngua'ni lyaá Jesús ji'na. Ná ntsu'u ni sca cha', ni sca ñati̱ nu taca cua'ni ñu'u̱ ji'i̱ cha' nu cua ngujui ji'na; ni sca na tsiya' ti, ná ca cua'ni tye na bi' ji'i̱ cha' tso'o nu tyacua ji'na ca slo ycui' Ndyosi lo'o cua tye ti cha', ná ntsu'u na nu taca cua'ni cuxi ji'i̱ cha' bi'.
Lo'o jua'a̱ ndyaa na'a̱ ma̱ ji'i̱ ngu' tya'a ma̱ nu lo'o ntsu'u ngu' bi' ne' chcua̱, nguxtyucua ma̱ ji'i̱ ngu' bi' li'; masi nguaana xa' ñati̱ lcaa cha' tso'o nu ntsu'u ji'i̱ ma̱, ndalo tsa tyiquee ma̱ li'. Tso'o ntsu'u tyiquee ma̱, cha' cua jlo ti' ma̱ cha' tso'o la tsiya' ti laca nu cha' ji'i̱ Jesús nu cua ngusñi ma̱ bi'; jlo ti' ma̱ cha' ná tye chca cha' bi', cha' nu cua ndyuna ma̱ cuentya ji'i̱ Jesús.
’Lo'o chaca cha' ni: ná xco'o ma̱ quiña'a̱ tsa cha' tso'o cuentya ji'i̱ ycui' ti ma̱ laja lo'o ndi'i̱ ma̱ chalyuu re. Yala ti quiñu'u̱ cha' tso'o bi' jua'a̱ ti; ntsu'u quiya' cacu tiña' ji'i̱, cacu cuixu̱' ji'i̱, cua'ni ñu'u̱ ji'i̱ li'. La cui' jua'a̱ cuaana ngu' ji'i̱ cha' tso'o nu ntsu'u ji'i̱ ma̱, nguna' cha' bi' ji'i̱ ma̱ li'.
Ntsu'u tsa tyiquee Jesús ña'a̱ ji'i̱ nu qui'yu bi'. Xa' nchcui' yu lo'o li': ―Sca ti cña lyiji cua'ni nu'u̱ ―nacui̱ Jesús ji'i̱―. Yaa clya cujui' nu'u̱ lcaa cha' tso'o nu ntsu'u jinu'u̱, cha' tyu'u cñi ta nu'u̱ ji'i̱ ngu' ti'i li'; tyacua xi cha' tso'o jinu'u̱ nde loo la ca su ntucua ycui' Ndyosi. Li' xa' tya̱a̱ nu'u̱ ca slo na' cha' tya'a̱ nu'u̱ lo'o na'.