SAN MATEO 6:19 - Chatino Tataltepec

¹⁹ ’Lo'o chaca cha' ni: ná xco'o ma̱ quiña'a̱ tsa cha' tso'o cuentya ji'i̱ ycui' ti ma̱ laja lo'o ndi'i̱ ma̱ chalyuu re. Yala ti quiñu'u̱ cha' tso'o bi' jua'a̱ ti; ntsu'u quiya' cacu tiña' ji'i̱, cacu cuixu̱' ji'i̱, cua'ni ñu'u̱ ji'i̱ li'. La cui' jua'a̱ cuaana ngu' ji'i̱ cha' tso'o nu ntsu'u ji'i̱ ma̱, nguna' cha' bi' ji'i̱ ma̱ li'.

SAN MATEO 6:19 Referans Kwoze

HEBREOS 13:5

Ná tyu'u tyiquee ma̱ xcui' cha' ji'i̱ cñi, pana tso'o si tyaala' ji'i̱ ma̱ lo'o tsa ña'a̱ nu ndyiji ti xi ji'i̱ ma̱. Na cua nchcui' Ni lo'o na ndi'ya̱: “Ná culati'i̱ na' ji'i̱ ma̱”, nacui̱ Ni, “ná xtyanu na' ji'i̱ ma̱ jua'a̱ ti”.

SAN LUCAS 12:21

Jua'a̱ caca ji'i̱ ñati̱ nu xcui' cha' caca culiya' ycui' ti ngu' ndya'a̱ tyiquee ngu', pana ná ndube ti' ngu' si caca ngu' ñati̱ tso'o cuentya ji'i̱ ycui' Ndyosi.

SAN LUCAS 18:22

Nu lo'o ndyuna Jesús cha' bi', li' nacui̱: ―Chaca tya cha' tya lyiji cua'ni nu'u̱: yaa cujui' lcaa cha' tso'o nu ntsu'u jinu'u̱, cha' tyu'u cñi nu ta ji'i̱ ngu' ti'i; tyacua xi cha' tso'o jinu'u̱ nde loo la ca su ntucua ycui' Ndyosi li'. Lo'o cua ngua'ni nu'u̱ cña bi', li' taca tya'a̱ nu'u̱ lo'o na'.

1 TIMOTEO 6:17

Lo'o jua'a̱ ntsu'u cha' culo nu'u̱ cña ji'i̱ ngu' culiya' tya'a ngusñi ma̱ cha' ji'i̱ Jesús, cha' ná cua'ni tyucuaa ti' ngu' bi' lo'o tya'a ngu'. Ná tso'o si xcui' culacua tsa ti' ngu' bi' ji'i̱ cñi ji'i̱ ngu'; la cui' ti ná culacua tsa ti' ngu' ji'i̱ lcaa cha' tso'o nu ntsu'u ji'i̱ ngu', cha' yala ti ndye cñi ji'na. Tso'o la si cube ti' ngu' bi' ji'i̱ ycui' Ndyosi nu lu'ú ca, cha' cua nda Ni lcaa lo na nu ntsu'u ji'na cha' caca tso'o tyiquee na nde chalyuu.

SAN LUCAS 12:33

Ná cube ti' ma̱, cujui' ma̱ na nu ntsu'u ji'i̱ ma̱ cha' ta ma̱ cñi ji'i̱ ngu' ti'i. Lo'o jua'a̱ nga'aa casu̱ cuiji̱ su ntsu'u cñi ji'i̱ ma̱, nga'aa tye na nu nguxco'o ma̱ ca slo ycui' Ndyosi nu ntucua nde cua̱; ca bi' nga'aa caca tyucuaana ngu' cñi bi', nga'aa caca cacu cuixu̱' ji'i̱.

SAN LUCAS 18:24

Lo'o na'a̱ Jesús cha' xñi'i̱ tsa ti' yu, li' nacui̱ ji'i̱ ngu' nu ndi'i̱ slo: ―Tucui tsa laca cha' ji'i̱ ngu' culiya' cha' tyatí̱ ngu' lo cha' ji'i̱ ycui' Ndyosi, cha' caca Ni loo ne' cresiya ji'i̱ ngu'.

SAN MATEO 19:21

―¿Ha chañi cha' nti' nu'u̱ cha' ca lubii cresiya ji'nu'u̱, cha' caja chalyuu nu ná nga'a̱ cha' tye jinu'u̱? ―nacui̱ Jesús ji'i̱ yu bi'―. Si chañi cha' nu nchcui' nu'u̱, yaa clya cujui' nu'u̱ lcaa cha' tso'o nu ntsu'u jinu'u̱; tyu'u cñi cha' ta nu'u̱ ji'i̱ ngu' ti'i li'. Lo'o li' sta ycui' Ndyosi sca cha' tso'o nu tyacua jinu'u̱ ca su ntucua ycui' Ni. Lo'o cua ngua'ni nu'u̱ cha' bi', li' ca̱a̱ nu'u̱ slo na' cha' tya'a̱ nu'u̱ lo'o na'.

SAN MATEO 6:20

Tso'o la lo'o xco'o ycui' Ni cha' tso'o nu tyacua ji'i̱ ma̱ ca su ntucua ycui' Ni; nga'aa cacu tiña' ji'i̱ cha' tso'o bi', nga'aa quiñu'u̱, lo'o jua'a̱ nga'aa caca cuaana ngu' ji'i̱ cha' tso'o bi'.

SAN LUCAS 12:39

’Nda ma̱ cuentya ñi'ya̱ nu cua'ni sca xu'na ni'i̱, si jlo ti' yu ni hora tyalaa sca yu cuaana ni'i̱; cua'a yu toni'i̱, cha' ná ta yu chacuayá' cuaana ngu' na nu ntsu'u ni'i̱.