SAN MATEO 6:18 - Chatino Tataltepec

¹⁸ cha' ná caca cuayá' ti' xa' ñati̱ ji'i̱ ma̱ cha' ná ndyacu ma̱ tsa̱ bi'. Sca ti ycui' Ndyosi Sti na nchca cuayá' ti' ñi'ya̱ laca cha' tso'o nu ndu'ni ma̱ cuaana ti. Lo'o li' xco'o Ni cha' tso'o nu tyacua ji'i̱ ma̱ nde loo la.

SAN MATEO 6:18 Referans Kwoze

SAN MATEO 6:6

Lo'o cu'ma̱ ni, nu lo'o chcui' ma̱ lo'o ycui' Ndyosi, tsaa ma̱ sca se'i̱ su taca tyi'i̱ ma̱ cuaana ti. Si nga'a̱ ma̱ nde ni'i̱, li' tacu̱' ma̱ toni'i̱, cha' jua'a̱ cua'ni tlyu ma̱ ji'i̱ ycui' Ndyosi Sti na cajua; ndi'i̱ ycui' Ndyosi cacua ti slo ma̱, masi ná nga'a̱ xa' ñati̱ slo ma̱. Sca ti ycui' Ndyosi Sti na nchca cuayá' ti' ñi'ya̱ laca cha' tso'o nu ndu'ni ma̱ cuaana ti, lo'o jua'a̱ xco'o Ni cha' tso'o nu tyacua ji'i̱ ma̱ nde loo la.

SAN MATEO 6:4

Sca ti ycui' Ndyosi Sti na caca cuayá' ti' Ni ñi'ya̱ laca cha' tso'o nu ndu'ni ma̱ cuaana ti, lo'o li' xco'o Ni cha' tso'o nu tyacua ji'i̱ ma̱ nde loo la.

2 CORINTIOS 10:18

Si'i na taquiya' tso'o la Ni ji'i̱ ñati̱ nu nchcui' tsa ji'i̱ cña nu ndyu'ni ycui' ca ngu'; nu lo'o tso'o ti nti' Ni ña'a̱ Ni ji'i̱ ñati̱, li' taquiya' Ni ji'i̱ cña nu ndyu'ni ngu' bi'.

2 CORINTIOS 5:9

ndyu'ni cña ti' na cha' cua'ni na lcaa ña'a̱ cña nu ndiya' la ti' nu Xu'na na, masi tya lu'ú na, masi cua ngujuii na.

1 PEDRO 2:13

Xqui'ya Jesucristo nu Xu'na na tucuá ma̱ cha' ji'i̱ lcaa ngu' nu laca loo, masi rey nu laca loo tsiya' ti ji'i̱ nasiyu̱ re,

1 PEDRO 1:7

Ndyacua cha' ti'í ji'i̱ ma̱ jua'a̱, cha' taca cua'ni cuayá' Ni ji'i̱ ma̱, si chañi cha' ngusñi ma̱ cha' ji'i̱ ycui' Ni. Jlo ti' ma̱ cha' quiña'a̱ tsa nga'a̱ chcua̱ oro; pana hora ti ndu'ni cuayá' ngu' ji'i̱ oro bi' lo'o quii' cha' tyalá bi', cha' ña'a̱ ngu' si chañi cha' xcui' oro laca bi'. Nde loo la quiñu'u̱ chcua̱ oro, tye cha' ji'i̱, masi quiña'a̱ tsa cña ngua'ni ngu' cha' tyubii oro bi' tya clyo; pana nu cha' ji'i̱ Jesús nu cua ngusñi ma̱ ni, ndulo tsa cha' bi' cuentya ji'i̱ ycui' Ndyosi. Masi quiña'a̱ tsa chcua̱ oro caja ji'na, ná stu'ba tsiya' ti cha' ji'i̱ bi' lo'o ycui' Jesús. Lo'o ndye ndalo ma̱ ji'i̱ lcaa cha' ti'í nu ndyacua ji'i̱ ma̱ xqui'ya cha' ngusñi ma̱ cha' ji'i̱ Ni, li' tso'o tsa cha' nu caja ji'i̱ ma̱ lo'o tyu'u tucua ycui' Jesucristo ca̱a̱ chaca quiya'; ta Ni sca su tso'o cha' tyi'i̱ ma̱ slo ycui' Ni laja xee nu ndubi tsa ca su ntucua ycui' Ni.

ROMANOS 2:6

Tsa̱ bi' tya Ni ji'na tsa ña'a̱ nu ngua'ni na lo'o nguti'i̱ na chalyuu;