SAN MATEO 6:12 - Chatino Tataltepec

¹² Lo'o jua'a̱ cui'ya nu'u̱ cha' clyu ti' ji'i̱ ya ji'i̱ lcaa cha' cuxi nu ntsu'u tyiquee ya, cha' jua'a̱ cua ngüi'ya ya cha' clyu ti' ji'i̱ ñati̱ nu ngua'ni cha' cuxi lo'o ya.

SAN MATEO 6:12 Referans Kwoze

EFESIOS 4:32

Xa' ña'a̱ cua'ni ma̱ juani. Xcui' tso'o ti cua'ni ma̱ lo'o tya'a ñati̱ ma̱, tyu'u tsa cha' clyu ti' ji'i̱ ma̱ lo'o tya'a ma̱; cua'ni clyu ti' ma̱ ji'i̱ qui'ya nu ntsu'u ji'i̱ ngu', cha' jua'a̱ cua ngua'ni clyu ti' ycui' Ndyosi ji'na xqui'ya Cristo.

SAN MARCOS 11:25

La cui' jua'a̱, lcaa quiya' nu lo'o ndu̱ ma̱ cha' chcui' ma̱ lo'o ycui' Ndyosi, ntsu'u cha' cua'ni clyu ti' ma̱ ji'i̱ tya'a ñati̱ ma̱, si ntsu'u cha' ngusu'ba ñasi̱' ngu' ji'i̱ ma̱. Li' ycui' Ndyosi Sti ma̱ nu ntucua nde cua̱, caca ji'i̱ Ni cua'ni clyu ti' Ni ji'i̱ ma̱ ji'i̱ cha' cuxi nu ntsu'u ji'i̱ ma̱.

EFESIOS 1:7

Cua ngulaá na ji'i̱ nu cuxi nu ntsu'u ji'na, xqui'ya cha' cua ngujuii Sñi' ycui' Ni lo crusi cuentya ji'na, cha' cua ngüi'ya Ni cha' clyu ti' ji'na ji'i̱ qui'ya nu ntsu'u ji'na li'; tlyu tsa cha' tso'o nu cua ngua'ni ycui' Ndyosi lo'o na laca bi'.

COLOSENSES 3:13

Talo tyiquee ma̱ ji'i̱ xa' la tya'a ñati̱ ma̱ lacua, ña'a̱ cuayá' nu cui'ya ma̱ cha' clyu ti' ji'i̱ ngu' lo'o ntsu'u qui'ya ji'i̱ ngu' lo'o ma̱. Tsa ña'a̱ nu ndyi'ya nu Xu'na na cha' clyu ti' ji'i̱ ma̱, jua'a̱ nga'a̱ cha' cua'ni clyu ti' ma̱ ji'i̱ tya'a ñati̱ ma̱.

SAN LUCAS 11:4

Cui'ya nu'u̱ cha' clyu ti' ji'i̱ ya ji'i̱ lcaa cha' cuxi nu ngua'ni ya, cha' jua'a̱ cua ngüi'ya ya cha' clyu ti' ji'i̱ ñati̱ nu ngua'ni cha' cuxi lo'o ya. Ná ta nu'u̱ chacuayá' cha' cojolaqui cha' cuxi ji'i̱ ya, pana cua'ni lyaá nu'u̱ ji'i̱ ya ya' nu xña'a̱. Jua'a̱ ngulu'u Jesús ji'i̱ nu ngu' nu ndyaca tsa'a̱ ji'i̱ bi'.

SAN LUCAS 6:37

’Ná sta ma̱ qui'ya ji'i̱ tya'a ñati̱ ma̱, cha' li' ná ntsu'u cha' sta ycui' Ndyosi qui'ya ji'i̱ ma̱. Ná xcube' ma̱ ji'i̱ tya'a ñati̱ ma̱, cha' li' ná ntsu'u cha' xcube' ycui' Ndyosi ji'i̱ ma̱. Cui'ya ma̱ cha' clyu ti' ji'i̱ tya'a ñati̱ ma̱, cha' li' cui'ya ycui' Ndyosi cha' clyu ti' ji'i̱ ma̱.

LOS HECHOS 13:38

Bi' cha' ntsu'u cha' ca cuayá' ti' lcaa cu'ma̱, cha' xqui'ya Jesús cua'ni clyu ti' ycui' Ndyosi ji'i̱ lcaa cha' cuxi nu ngua'ni ma̱;

SAN MATEO 9:2

Lo'o ndyalaa quichi̱ bi', li' ñaa lo'o ngu' ji'i̱ sca nu quicha nu nchcu̱' tyucuí̱ tyucui ña'a̱ yu; ñaa ngu' slo Jesús cha' cua'ni jo'o ji'i̱ nu quicha bi'. Ntsiya nu quicha bi' ne' sca catya̱. Pana jlo ti' Jesús cha' jlya ti' ngu' bi' ji'i̱, bi' cha' nchcui' lo'o nu quicha ndi'ya̱: ―Ca tso'o nu'u̱, sñi' ―nacui̱ Jesús ji'i̱ nu quicha―. Cua ngua'ni clyu ti' na' ji'i̱ qui'ya nu ntsu'u jinu'u̱.

SAN MATEO 26:28

cha' ñi'ya̱ nti' tañi na', jua'a̱ nti' nu nde. Laca bi' sca cha' nu culu'u liñi ji'i̱ ma̱ cha' chaca quiya' quiñi cha' ji'i̱ ycui' Ndyosi lo'o ñati̱ chalyuu, nu lo'o tyalú tañi na' lo crusi. Jua'a̱ cua'ni lyaá Ni ji'i̱ quiña'a̱ tsa tya'a ma̱, nu lo'o cua'ni clyu ti' Ni ji'i̱ qui'ya nu ntsu'u ji'i̱ ma̱.

SAN LUCAS 13:4

Lo'o nu xa' taju ti'ñu xna tya'a ñati̱ bi' ni, ngujuii ngu' bi' ca to' hitya Siloé lo'o nclyú ni'i̱ cua̱ bi' hichu̱' ngu' li'. ¿Ha xqui'ya cha' xña'a̱ tsa ngu' ngua jua'a̱ nti' cu'ma̱? Ná xña'a̱ lye ngu' bi'. Na ngua'ni ti ngu' ñi'ya̱ nu ndu'ni tya'a ngu' quichi̱ Jerusalén,