SAN MATEO 6:10 - Chatino Tataltepec

¹⁰ Ca̱a̱ nu'u̱ nde chalyuu cha' caca nu'u̱ loo ji'i̱ ya. Cua'ni nu'u̱ cha' caca lcaa cha' nu nti' nu'u̱ cha' caca nde chalyuu; ñi'ya̱ nu ndu'ni nu'u̱ ca su ntucua nu'u̱, jua'a̱ caca nde lo yuu re li'.

SAN MATEO 6:10 Referans Kwoze

HEBREOS 10:36

Nga'a̱ cha' talo tyiquee ma̱ masi tyiquee', si tya nti' ma̱ cua'ni ma̱ lcaa ña'a̱ cña nu nti' ycui' Ndyosi, si tya nti' ma̱ ña'a̱ ma̱ cha' nu cua nacui̱ Ni cha' caca nde loo la.

SAN JUAN 4:34

Ndi'ya̱ nacui̱ Jesús ji'i̱ ngu' bi' li': ―Lo'o ndu'ni na' cña ji'i̱ ycui' Ndyosi Sti na', li' ndyaala' ti' na' ñi'ya̱ si cua ndyacu na', ñi'ya̱ si cua ndyo'o na' hitya ―nacui̱ yu―. Nga'a̱ cha' cua'ni tye na' cña nu nda Ni 'na lijya̱a̱ nde chalyuu ―nacui̱―.

SAN MATEO 26:42

Li' xa' ndyaa Jesús, nchcui' lo'o ycui' Ndyosi chaca quiya': ―Sti na' ―nacui̱ yu ji'i̱ Ni―, si ná ntsu'u xa' ña'a̱ nu cua'ni na' cña jinu'u̱, tso'o la si chcube' na' lacua, cha' nti' na' cua'ni na' lcaa cña nu nti' nu'u̱ cha' cua'ni na'.

SAN MATEO 12:50

Tya'a na' laca lcaa ngu' nu ndu'ni ñi'ya̱ nu nti' Sti na' nu ntucua nde cua̱ cha' cua'ni ngu'; ñati̱ bi' laca ñi'ya̱ laca xtya'a̱ na', ñi'ya̱ laca tya'a na', masi nu qui'yu, masi nu cuna'a̱.

1 TESALONICENSES 5:18

Lo'o jua'a̱ tya ma̱ xlya'be ji'i̱ ycui' Ndyosi cuentya ji'i̱ cua ña'a̱ ca cha' nu ndyaca ji'i̱ ma̱. Nti' Ni cha' cua'ni ma̱ jua'a̱ si chañi cha' ngusñi ma̱ cha' ji'i̱ Jesucristo.

ROMANOS 12:2

Nga'aa ta ma̱ tyempo cha' tatsaa ngu' ji'i̱ ma̱ cha' cua'ni ma̱ cha' cuxi; xa' ña'a̱ tyi'i̱ ma̱ chalyuu juani, cha' cua nchcutsa'a̱ Ni lcaa cha' nu ntsu'u ne' cresiya ji'i̱ ma̱. Bi' cha' caca cuayá' ti' ma̱ cua ña'a̱ ca cña nu nti' ycui' Ndyosi cha' cua'ni ma̱: ña'a̱ cña laca nu tso'o la cha' cua'ni ma̱, ña'a̱ cña nu ndiya la ti' ycui' Ndyosi ji'i̱, ña'a̱ cña nu tyu'u tso'o la ji'i̱ ma̱ su cua ndye cha' bi'; lcaa cha' bi' caca cuayá' ti' ma̱ li'.

SAN JUAN 6:40

Nde laca cña nu nti' Sti na' nu cua nda jna' lijya̱a̱ cha' caca: cua nti' Ni cha' ná tye chalyuu su tyi'i̱ ngu' lo'o Ni, lcaa ñati̱ nu ndyuloo jna' cha' laca̱ Sñi' Ni, lcaa ñati̱ nu xñi cha' jna'. Lo'o li' chañi cha' cua'ni na' cha' tyu'ú ngu' chaca quiya' lo'o cua tye ti chalyuu.

COLOSENSES 1:9

Bi' cha' juani lu'ba ti nchcui' ya lo'o ycui' Ndyosi cuentya ji'i̱ cu'ma̱; tya lo'o ngujui cha' ji'i̱ ya cha' cua ngusñi ma̱ cha' bi', ndijña ya cha' ji'i̱ ycui' Ndyosi cha' ta Ni chacuayá' cha' caca cuayá' lyiji ti' ma̱ lcaa cha' ñi'ya̱ nu nti' Ni cha' cua'ni ma̱, cha' jua'a̱ taca culacua tso'o ti' ma̱, taca ca'ya cha' tso'o hique ma̱ xqui'ya Xtyi'i ycui' Ndyosi li'.

EFESIOS 6:6

Cua'ni ma̱ cña ji'i̱ ngu' lacua; si'i na cua'ni ti ma̱ jua'a̱ cha' tyanu tso'o ma̱ lo'o ngu', nu lo'o ndu̱ ti ngu' ndyi'ya ngu' cuentya ji'i̱ ma̱ si ndyu'ni ma̱ cña. Tso'o la si tyi'u ti' ma̱ cha' la cui' msu ji'i̱ Cristo laca ma̱, bi' cha' tyucui tyiquee ma̱ cua'ni ma̱ lcaa ña'a̱ cña nu nti' ycui' Ndyosi cha' cua'ni na.

SAN MATEO 7:21

’Ntsu'u tsa ngu' nu nchcui' lo'o na': “Xu'na, Xu'na”, nacui̱ ngu' 'na; pana si'i lcaa ngu' bi' nu tyatí̱ ca su laca ycui' Ni loo. Sca ti ngu' nu taquiya' ji'i̱ cha' nu nchcui' Sti na' nu ntucua nde cua̱, bi' ngu' laca nu tyatí̱ ca su laca ycui' Ni loo.

1 PEDRO 2:15

Pana nti' ycui' Ndyosi cha' cua'ni ma̱ xcui' cña tso'o, nga'aa caca chcui' ngu' cha' cuxi ji'i̱ ma̱ li'; masi nu ngu' nu ná nti' ca cuayá' ti', masi nu ngu' nu ná jlo ti' tsiya' ti, ni sca quiya' ná ntsu'u cha' sta ngu' bi' qui'ya ji'i̱ ma̱ li'.

HEBREOS 13:21

Ycui' Ndyosi ndu'ni cha' ti̱ ti tyi'i̱ tyiquee na, lo'o juani nti' na' cha' xtyucua Ni ji'i̱ ma̱ lo'o cua ña'a̱ ca cha' nu lyiji ji'i̱ ma̱, cha' taca cua'ni ma̱ lcaa cña, ñi'ya̱ nu nti' Ni cha' cua'ni ma̱; nti' na' cha' cuentya ji'i̱ ma̱ cua'ni Ni na laca nu tso'o la nti' Ni, chacuayá' ji'i̱ Jesucristo. Lo'o jua'a̱ ná nga'a̱ cha' tye cha' cua'ni tlyu Ni ji'i̱ Cristo. ¡Jua'a̱ caca cha' lacua!

SAN MATEO 3:2

―Ca tyuju'u ti' cu'ma̱ ―nacui̱ Juan ji'i̱ ngu'―, xtyanu ma̱ ji'i̱ cha' cuxi nu ndyu'ni ma̱ ―nacui̱―. Cua xana ti cha' caca ycui' Ndyosi loo ne' cresiya ji'i̱ ñati̱ chalyuu.

SAN LUCAS 22:42

―Sti na' ―nacui̱ yu―, ¿ha ná ntsu'u xi xa' la ña'a̱ nu caca cua'ni na' cña re, cha' nga'aa chcube' la na' lo'o cña tlyu re jinu'u̱? ―nacui̱ Jesús ji'i̱ ycui' Ndyosi Sti yu―. Pana nti' na' cha' cua'ni na' cua ña'a̱ ca cña nu nti' nu'u̱ cha' cua'ni na'.

SAN JUAN 7:17

Si nti' ma̱ cua'ni ma̱ cña nu nti' ycui' Ndyosi cha' cua'ni ma̱, li' caca cuayá' ti' ma̱ mala ngutu'u cha' nu nclyu'u na' ji'i̱ ngu', si slo ycui' Ndyosi ngutu'u cha' bi', si sca cha' nu nda'ya hique ti na' laca cha' bi' ―nacui̱ yu―.

APOCALIPSIS 19:6

Quiña'a̱ tsa ñati̱ nguañi nchcui' tsa tlyu ti li'. Ñi'ya̱ ndañi ndyalú sca sta'a̱ clyaa to' quee jaa' su cua̱ tsa ndyalú hitya, ñi'ya̱ ndañi lo'o cui̱i̱ tsa nchcui' tyi'yu, jua'a̱ nguañi lo'o nchcui' ñati̱ quiña'a̱ bi', ngua ti' na'. Ndi'ya̱ nchcui' ngu' li': Cua'ni tlyu na ji'i̱ ycui' Ndyosi nu Xu'na na, nu lcaa lo cña nchca ji'i̱ Ni ndu'ni Ni, nacui̱ ngu' ji'i̱ tya'a ngu'. Cua nguxana Ni, laca Ni loo ji'na juani;

1 TESALONICENSES 4:3

cha' ndi'ya̱ nti' ycui' Ndyosi: caca lubii cresiya ji'i̱ ma̱, ná cua'ni suba' ma̱ lo'o ñati̱;

LOS HECHOS 21:14

Ngua cuayá' ti' ya li' cha' ná ngua ji'i̱ ya cua'a ya ji'i̱ yu. ―Tso'o si caca ñi'ya̱ nu nacui̱ ycui' Ndyosi cha' caca lacua ―nacui̱ ya li'.

LOS HECHOS 13:22

Nu lo'o ndye tu'ba yija̱, li' nga'aa nda Ni cña bi' ji'i̱ yu bi', nda Ni jyo'o David cha' caca loo ji'i̱ ngu' cña su ndu̱ Saúl nquicha'. Cua nchcui' ycui' Ndyosi cha' ji'i̱ nu jyo'o David bi': “Ntsu'u tsa tyiquee na' ña'a̱ na' ji'i̱ David sñi' Isaí”, nacui̱ ycui' Ndyosi. “Cua nda na' cuentya cha' laca yu bi' sca ñati̱ nu tyaja'a̱ cua'ni lcaa cña nu nti' na' cha' cua'ni yu.”

SAN MATEO 4:17

Lo'o li' nguxana nchcui' Jesús lo'o ngu' nu ndya'a̱ slo: ―Ca tyuju'u ti' ma̱ ―nacui̱ Jesús ji'i̱ ngu'―, xtyanu ma̱ ji'i̱ lcaa cha' cuxi nu ndyu'ni ma̱, cha' cua tyalaa ti hora cha' caca ycui' Ndyosi loo ne' cresiya ji'i̱ ma̱.

APOCALIPSIS 12:10

Lo'o li' cui̱i̱ tsa nguañi nchcui' sca ñati̱ nde cua̱: ―Juani taca ña'a̱ na ñi'ya̱ ngua'ni lyaá ycui' Ndyosi ji'i̱ ñati̱ chalyuu ya' nu xña'a̱ ―nacui̱ ngu'―. Nguula tsa cña ndu'ni Ni chalyuu, bi' cha' laca Ni loo juani, lo'o jua'a̱ cua ndyalaa tyempo cha' caca Cristo loo tyucui ña'a̱ chalyuu. Nu ngua tya tsubi' la ndu̱ nu xña'a̱ bi' ca slo ycui' Ndyosi, cha' tsa̱ lo'o talya ngusta bi' qui'ya hichu̱' ñati̱ tya'a ngusñi na cha' ji'i̱ Jesús; pana juani cua ngulo'o Ni ji'i̱ ca su ntucua ycui' Ni, cua ndyu'u laja ngu' bi' li'.

1 PEDRO 4:2

Lo'o li' nu cha' cuxi nu ndiya ti' ñati̱ chalyuu ni, nga'aa si'i cha' bi' nu caca loo ji'i̱ ma̱ lcaa tsa̱ lo'o ndi'i̱ ma̱ chalyuu; xcui' cña nu ndiya ti' ycui' Ndyosi cha' cua'ni ma̱, bi' laca cña nu cua'ni ma̱, cha' sca ti ycui' Ndyosi caca loo ji'i̱ ma̱ li'.

HEBREOS 10:7

Bi' cha' cua lijya̱ na' ca nde juani, Ndyosi Sti na', cha' cua'ni na' cua ña'a̱ ca cña nu nti' nu'u̱ cha' cua'ni na', ñi'ya̱ nchcui' cha' nu nscua lo quityi cusu' cuentya jna'. Jua'a̱ ngua cha' nu nda Cristo nu ngua li'.

SAN LUCAS 19:38

―Tso'o tsa ndyu'ni ycui' Ndyosi xqui'ya yu nu lijya̱ re chacuayá' ji'i̱ ycui' Ni nu Xu'na na, cha' caca nu nde loo ji'na ―nacui̱ ngu'―. Ti̱ ti tyi'i̱ lcaa na nu ntsu'u nde cua̱, nu cuentya ji'i̱ ycui' Ni laca. Masi juani ti cua'ni tlyu na ji'i̱ ycui' Ndyosi.

SAN MARCOS 3:35

Lo'o jua'a̱ lcaa ñati̱ nu taquiya' ji'i̱ ycui' Ndyosi, nu cua'ni ñi'ya̱ nu nti' ycui' Ni cha' cua'ni ngu', ngu' bi' ndu'ni ñi'ya̱ nti' si laca ngu' xtya'a̱ na', ñi'ya̱ nti' si laca ngu' tya'a na', masi nu qui'yu, masi nu cuna'a̱ ―nacui̱ Jesús.

SAN MATEO 16:28

Cha' liñi nchcui' na' lo'o ma̱ juani, cha' ntsu'u ngu' nu tya ndu̱ lo'o na chalyuu re juani, nu lo'o tya lyiji cajaa ngu' ca cuayá' ti' ngu' cha' cua nguxana cha' laca na' loo ne' cresiya ji'i̱ ñati̱, na' nu cua nda Ni 'na lijya̱a̱ cha' caca na' ñati̱.

SAN MARCOS 11:10

Tso'o tsa si cua'ni tlyu na ji'i̱ yu re, cha' cua ngulala ti cha' caca ycui' Ndyosi loo ca nde. Li' caca ñi'ya̱ nu ngua lo'o ngua jyo'o cusu' David loo cua sa'ni la ―nacui̱ ngu'―. Masi juani ti, cua'ni tlyu na ji'i̱ ycui' Ndyosi ―nacui̱ ngu'.

APOCALIPSIS 11:15

Li' cua ndya'a cati quiya' nguañi ngula'á xca̱ lo'o cui'chcua̱ ji'i̱. Nguañi nda xtyi'i tyu̱u̱ tya'a ñati̱ nde cua̱ li', nu ndi'ya̱ nchcui': Ca juani ndyanu tachaa cha' ji'i̱ ycui' nu Xu'na na, jua'a̱ ji'i̱ Cristo, cha' caca Ni loo ji'i̱ tyucui ña'a̱ chalyuu, nacui̱ ngu'. Lo'o juani ná nga'a̱ cha' tye cha' culo Ni cña chalyuu.

APOCALIPSIS 20:4

Lo'o li' na'a̱ na' su ntucua tyu̱u̱ tya'a yaca xlya tlyu. Ndyuloo na' ji'i̱ ngu' nu ntucua lo yaca xlya bi', cha' laca ngu' nu ntsu'u chacuayá' ji'i̱ cua'ni cuayá' ji'i̱ ñati̱ chalyuu. Laja ngu' nu ntucua bi' na'a̱ na' ji'i̱ ñati̱ chalyuu nu cua ndyujuii tya'a ñati̱ ji'i̱, xqui'ya cha' ná ntsi̱i̱ ngu' cacha' liñi ngu' cha' tso'o ji'i̱ tya'a ñati̱, cha' nu cua nda Jesús lo'o na cuentya ji'i̱ ycui' Ndyosi Sti yu. Ná ngua'ni tlyu jyo'o bi' ji'i̱ na'ni chiya'a̱ ña'a̱ bi', la cui' ti ná ngua'ni tlyu ngu' ji'i̱ lcui̱ ji'i̱ na'ni bi', jua'a̱ ná ngua'a̱ cuayá' na'ni bi' nde tyaca̱a̱ ngu', nde chu̱' ya' ngu'; cua ndyu'ú ngu' bi' chaca quiya', lo'o juani laca ngu' cña lo'o Cristo ca su ntucua ycui' Ndyosi ña'a̱ cuayá' tyu'u scua sca mil yija̱.

HEBREOS 1:14

Lcaa nu laca xca̱ ji'i̱ ycui' Ndyosi nde cua̱ ni, lcaa tsa̱ ndu'ni bi' cña nu nclyo ycui' Ndyosi ji'i̱; cui'i̱ nu tso'o tsa laca nu ngu' xca̱ bi'. Nda Ni ji'i̱ ngu' xca̱ bi' ca̱a̱ nde chalyuu, cha' xtyucua ngu' ji'i̱ ca ta'a ñati̱ nu cua clyaá ti ji'i̱ nu cuxi xqui'ya Jesús, cha' cua ngulala ti tye chalyuu.

COLOSENSES 1:13

Na cua ngua'ni lyaá Ni ji'na, cua ngua'ni tye Ni ji'i̱ chalyuu talya su nguta'a̱ na, lo'o jua'a̱ cua ngulu'u Ni chaca tyucui̱i̱ ji'na nu tsaa ca chalyuu tso'o su laca Cristo loo ji'na. Sñi' ycui' Ndyosi laca Cristo, lo'o jua'a̱ tyaca'a tsa yu ji'i̱ ycui' Ni;

SAN LUCAS 19:11

Laja lo'o nga'a̱ ti ngu' ndyuna ngu' cha' nu nchcui' Jesús lo'o ngu', li' nda yu sca cui̱i̱ lo'o ngu'. Na cua ngulala ti tyalaa ngu' lo'o Jesús to' quichi̱ Jerusalén, lo'o ngua tii ngu' cha' ycui' Jesús laca nu Cristo, nu ñati̱ tlyu nu cua ca̱a̱ ti chalyuu; ngua ti' ngu' cha' la cui' hora nu caca Ni loo ji'i̱ ngu' laca li'.

LOS HECHOS 22:14

“Ycui' Ndyosi nu ngua'ni tlyu sti na ji'i̱, bi' laca nu ngusubi jinu'u̱ cua sa'ni la”, nacui̱ Ananías jna'. “Ngusubi ycui' Ni jinu'u̱ cha' ca cuayá' ti' nu'u̱ ña'a̱ cha' nu nti' ycui' Ni, cha' ña'a̱ nu'u̱ ji'i̱ ycui' nu liñi ca, cha' cuna nu'u̱ cha' nu chcui' Ni lo'o nu'u̱”, nacui̱ jna'.