SAN MATEO 5:9 - Chatino Tataltepec

⁹ ’Lo'o jua'a̱ tso'o ntsu'u tyiquee ñati̱ nu nxtyucua ji'i̱ tya'a ñati̱ cha' caca tso'o ti ngu' lo'o tya'a cusu̱u̱ ngu'. “Sñi' na'”, ñacui̱ ycui' Ndyosi ji'i̱ ñati̱ nu jua'a̱ xaala' tyiquee tya'a ngu'.

SAN MATEO 5:9 Referans Kwoze

HEBREOS 12:14

Cua'ni cña ti' ma̱ cha' tso'o ti tyi'i̱ ma̱ lo'o lcaa ñati̱, cua'ni ma̱ cha' caca lubii cresiya ji'i̱ ma̱; ni tsaca na, ná caca ña'a̱ na ji'i̱ ycui' Ndyosi si tya lyiji caca lubii cresiya ji'na.

ROMANOS 12:18

Cua'ni ma̱ cha' cajá ñi'ya̱ tyi'i̱ tso'o ti ma̱ lo'o lcaa ñati̱, cha' ná caja tya'a cusu̱u̱ ma̱.

GÁLATAS 5:22

Xa' ña'a̱ cña ndu'ni Xtyi'i ycui' Ndyosi ne' cresiya ji'na: ndu'ni Ni cha' tyu'u tyiquee na ña'a̱ na ji'i̱ tya'a ñati̱ na; jua'a̱ ndu'ni Ni cha' chaa ti' na cuentya ji'i̱ Ni, cha' ti̱ ti tyi'i̱ tyiquee na, cha' talo tyiquee na ji'i̱ tya'a ñati̱ na; jua'a̱ ndu'ni Ni cha' ca tya'na ti' na ña'a̱ na ji'i̱ ñati̱, cha' xcui' tso'o ti cua'ni na lo'o ñati̱, cha' liñi ti cua'ni na lo'o ñati̱;

ROMANOS 8:14

Cua ña'a̱ ca na, cua laca na sñi' ycui' Ndyosi si ndu'ni na cua ña'a̱ ca cña nu nclyo Xtyi'i ycui' Ndyosi ji'na.

SAN LUCAS 6:35

Pana nu cu'ma̱ ni, ntsu'u cha' tyu'u tso'o tyiquee ma̱ ña'a̱ ma̱ ji'i̱ tya'a cusu̱u̱ ma̱, cua'ni ma̱ cha' tso'o lo'o ngu' bi'. Ta ma̱ jñi' ngu', ná tu̱ ti' ma̱ si ta ngu' sca cha' tso'o ji'i̱ ma̱, si ná ta ngu'. Tlyu tsa cha' tso'o tyacua ji'i̱ ma̱ ca slo ycui' Ndyosi si tso'o ntsu'u tyiquee ma̱ ña'a̱ ma̱ ji'i̱ ngu', cha' jua'a̱ ndu'ni ñati̱ nu laca sñi' ycui' Ndyosi. Lo'o ycui' Ndyosi ni, tya'na ti' Ni ji'i̱ ngu', masi xña'a̱ ngu', masi ná ndya ngu' xlya'be ji'i̱ Ni;

2 CORINTIOS 13:11

Cu'ma̱ tya'a ngusñi na cha' ji'i̱ Jesucristo, chcui' salya' na' lo'o ma̱ juani, nu lo'o cua tye ti xcua se'i̱ cha' nu nscua na' lo quityi re. Cua'ni lyiji ma̱ ñi'ya̱ nu nga'a̱ cha' cua'ni ma̱ cha' laca ma̱ ñati̱ ji'i̱ ycui' Ndyosi. Cua'a̱ jyaca̱ ma̱ ji'i̱ lcaa cha' nu nda na' lo quityi re. Cua'ni ma̱ cha' caca stu'ba tyiquee ma̱ lo'o xa' ñati̱ tya'a ma̱. Tso'o ti tyi'i̱ ma̱ lo'o lcaa ñati̱. Lo'o li' la cui' ycui' Ndyosi laca nu tyi'i̱ lo'o ma̱ lcaa tsa̱; ntsu'u tsa tyiquee Ni ña'a̱ Ni ji'na, lo'o jua'a̱ ndu'ni Ni cha' ti̱ ti tyi'i̱ tyiquee na.

COLOSENSES 3:13

Talo tyiquee ma̱ ji'i̱ xa' la tya'a ñati̱ ma̱ lacua, ña'a̱ cuayá' nu cui'ya ma̱ cha' clyu ti' ji'i̱ ngu' lo'o ntsu'u qui'ya ji'i̱ ngu' lo'o ma̱. Tsa ña'a̱ nu ndyi'ya nu Xu'na na cha' clyu ti' ji'i̱ ma̱, jua'a̱ nga'a̱ cha' cua'ni clyu ti' ma̱ ji'i̱ tya'a ñati̱ ma̱.

SAN MATEO 5:48

Ycui' Ndyosi Sti na nu ntucua nde cua̱ ni, xcui' cha' tso'o, xcui' cha' liñi, xcui' cha' lubii ndu'ni Ni; ñi'ya̱ ndu'ni ycui' Ni, jua'a̱ nga'a̱ cha' cua'ni ma̱ xcui' cha' tso'o lo'o lcaa ñati̱, si chañi cha' sñi' ycui' Ni laca ma̱.

2 CORINTIOS 5:20

bi' cha' laca ndya'a̱ ya ca slo ma̱ chacuayá' ji'i̱ ycui' Cristo. Ndi'ya̱ laca lo'o nchcui' ya lo'o ma̱, ñi'ya̱ laca si ycui' Ndyosi nchcuane Ni ji'i̱ ma̱ cha' cua'a̱ jyaca̱ ma̱ ji'i̱ cha' nu nchcui' Cristo. Nchcui' ya lo'o cu'ma̱ chacuayá' ji'i̱ Cristo lacua, cha' cua'ni ma̱ cha' caca stu'ba cha' ji'i̱ ma̱ lo'o ycui' Ndyosi.

LOS HECHOS 7:26

Nguxee chaca tsa̱ ndyalaa yu ca su ngusu̱u̱ tya'a tucua tya'a ngu' Israel. Ná ndiya ti' Moisés cha' nxu̱u̱ tya'a ngu' bi': “¿Ni cha' laca nxu̱u̱ tya'a ma̱?” nacui̱ yu ji'i̱ ngu' li'. “La cui' ca ngu' tya'a na laca ma̱. Ná tso'o cha' nxu̱u̱ tya'a ma̱.”

SAN MATEO 5:45

Li' taca tyuloo ñati̱ ji'i̱ ma̱ cha' laca ma̱ sñi' ycui' Ndyosi nu ntucua nde cua̱. Ndu'ni Ni cha' stu'ba ti tyucua cuichaa, masi ca su ndi'i̱ ñati̱ cuxi, masi ca su ndi'i̱ ñati̱ tso'o; ndu'ni Ni cha' stu'ba ti ca'ya tyo, masi ca su ndi'i̱ ñati̱ tso'o, masi ca su ndi'i̱ ñati̱ cuxi. Bi' cha' tso'o la si stu'ba ti cua'ni ma̱ lo'o lcaa ñati̱.

1 CORINTIOS 6:6

Pana xa' tsa ña'a̱ ndu'ni ma̱ ca jua. Masi ñati̱ tya'a ngusñi ma̱ cha' ji'i̱ Jesús, ndya'a̱ lo'o ma̱ ji'i̱ ca slo ngu' nu ná ndaquiya' ji'i̱ ycui' Ndyosi tsiya' ti, cha' cua'ni cuayá' ngu' bi' ji'i̱ ngu' tya'a ma̱.

FILIPENSES 4:2

Lo'o cu'ma̱ ma' Evodia lo'o ma' Síntique ni, cui'ya ma̱ cha' clyu ti' 'na, cua'ni ma̱ cha' stu'ba ti tyu'u tyiquee ma̱ lo'o tya'a ma̱. Ngu' tya'a na laca ma̱ xqui'ya nu Xu'na na, bi' cha' cua'ni ma̱ cha' cati̱ cha' cusu̱u̱ nu ntsu'u ji'i̱ ma̱ lo'o tya'a ma̱.

SAN LUCAS 20:36

cha' ca bi' nga'aa ntsu'u cha' cajaa ngu' tsiya' ti. Caca ngu' bi' ñi'ya̱ laca xca̱ nu ndi'i̱ slo ycui' Ndyosi; caca ngu' sñi' ycui' Ndyosi tsiya' ti, cha' cua ndyu'ú ngu' chaca quiya'.

EFESIOS 4:1

Preso laca na' juani xqui'ya cha' nda na' cha' ji'i̱ nu Xu'na na lo'o ñati̱. Pana nchcui' na' lo'o ma̱ cha' tso'o ti cua'ni ma̱ lo'o xa' ñati̱; ñi'ya̱ nu nchcui' cha' ji'i̱ ycui' Ndyosi nu ngua tsa'a̱ ma̱ tya lo'o ngusubi Ni ji'i̱ ma̱ tya clyo, la cui' jua'a̱ cua'ni ma̱ lo'o xa' ñati̱.

ROMANOS 8:16

Cha' nu ntsu'u ne' cresiya ji'na ni, stu'ba nchcui' cha' bi' lo'o cha' nu nda Xtyi'i Ni lo'o na, cha' cua laca na sñi' ycui' Ni.

ROMANOS 8:19

Lcaa ca na lu'ú nu cua ngüiñá ycui' Ndyosi nde chalyuu ni, ntajatya tsa na bi' ji'i̱ ycui' Ndyosi, ni jacua' culu'u Ni ji'i̱ ñati̱ chalyuu tilaca nu chañi cha' laca ngu' sñi' ycui' Ni.