SAN MATEO 5:46 - Chatino Tataltepec

⁴⁶ La cui' ti ná tso'o si xcui' ji'i̱ ngu' tya'a tso'o ti ma̱ tso'o ntsu'u tyiquee ma̱ ña'a̱ ma̱ ji'i̱. Si'i na tso'o la taquiya' ycui' Ndyosi ji'i̱ ma̱ si jua'a̱ ti ndu'ni ma̱, cha' jua'a̱ ndu'ni cua ña'a̱ ca ñati̱; masi ñati̱ tso'o, masi ñati̱ cuxi, masi ngu' msu ji'i̱ ngu' xa' tsu' nu cuiñi ti nxñi quiña'a̱ tsa cñi cña loo ji'i̱ ma̱, lcaa ngu' bi' ndu'ni tyaca'a ngu' ji'i̱ tya'a tso'o ti ngu'.

SAN MATEO 5:46 Referans Kwoze

SAN MATEO 11:19

Lo'o li' lijya̱ na' nu cua nda Ni 'na lijya̱a̱ cha' caca na' ñati̱, ndacu na' lcaa lo na lo'o ma̱, ndyi'yu na' lcaa lo na lo'o ma̱, lo'o li' nchcui' ma̱ 'na: “¡Ña'a̱ ma̱ ña'a̱! Ndacu tsa yu jua, cu'bi tsa yu”, nacui̱ ma̱ ji'i̱ tya'a ma̱. “Ná tso'o yu jua cha' tya'a tso'o yu laca ngu' nu nxñi cñi cña loo na, lo'o jua'a̱ xi xa' la ngu' cuxi laca tya'a tso'o yu”, nacui̱ ma̱ 'na. Nacui̱ ma̱ jua'a̱ cha' ná tso'o cha' nu nchcui' na', nti' ma̱; pana caca cuayá' ti' ma̱ nde loo la cha' liñi tsa cha' nu nchcui' ngu' nu nacui̱ cha' cuentya ji'i̱ ycui' Ndyosi laca na'.

SAN LUCAS 18:13

Pana nu qui'yu nu nclyo cñi cña loo ngu' ni, tyijyu' ti ndyatu̱ yu; ná ntsu'u tyiquee yu cha' sicua̱a̱ yu xi cloo yu nde cua̱, cha' xñi'i̱ tsa ti' yu ndu̱ yu ndyu'u̱ ti yu tyiquee yu laja lo'o nchcui' yu lo'o ycui' Ndyosi: “Cua'ni tya'na ti' nu'u̱ jna', Ndyosi Sti na', cha' ntsu'u tsa qui'ya jna'”, nacui̱ nu qui'yu bi'. Tsa bi' ti cha' nchcui' yu.

SAN LUCAS 15:1

Lcaa nu msu ji'i̱ ngu' xa' tsu' nu cuiñi ti nxñi quiña'a̱ tsa cñi cña loo ngu' bi' ni, ñaa ngu' slo Jesús cha' cuna ngu' ni cha' nda yu; jua'a̱ xa' la ngu' cuxi, ñaa ngu' slo Jesús li'.

SAN MATEO 18:17

Lo'o li', si ná tyaja'a̱ ngu' tya'a ma̱ bi' taquiya' ngu' tsiya' ti ji'i̱ tucua sna tya'a ma̱, li' cacha' ma̱ cha' bi' ji'i̱ taju ñati̱ ji'i̱ cu'ma̱, nu stu'ba ndu'ni tlyu ma̱ ji'i̱ ycui' Ndyosi. Lo'o li' si ña'a̱ ti ná tyaja'a̱ nu ngu' tya'a ma̱ bi' taquiya' ngu' ji'i̱ cha' nu nchcui' ca ta'a taju tya'a ma̱ lo'o ngu', li' nga'aa cua'ni tya'a ma̱ lo'o ngu' bi' lacua. Ñi'ya̱ si cua laca ngu' ñati̱ nu ná ntsu'u cha' ji'i̱ lo'o ycui' Ndyosi tsiya' ti, ñi'ya̱ si laca ngu' msu ji'i̱ ngu' xa' tsu' nu cuiñi ti nxñi quiña'a̱ tsa cñi cña loo ji'i̱ ma̱, jua'a̱ cua'ni ma̱ lo'o ngu' bi' li'.

SAN MATEO 6:1

’Lo'o chaca cha' ni, ná ta ma̱ sca na ji'i̱ ngu' ti'i nu lo'o ña'a̱ xa' ñati̱ ji'i̱ ma̱, cha' ná ña'a̱ ngu' ñi'ya̱ laca cha' tso'o nu ndu'ni ma̱ cuentya ji'i̱ ycui' Ni. Ná taca xco'o ycui' Ndyosi Sti na sca cha' tso'o nu tyacua ji'i̱ ma̱ ca su ntucua ycui' Ni, si cha' ña'a̱ xa' ñati̱ ji'i̱ ma̱ ndyu'ni ma̱ cha' tso'o ti.

SAN LUCAS 19:7

Nu lo'o na'a̱ ngu' cha' ndyaa Jesús slo Zaqueo bi', lcaa ngu' lye tsa nchcui' tube ngu' cha' ndyaa Jesús cha' tyanu toni'i̱ ji'i̱ sca ngu' cuxi, sca ñati̱ nu ntsu'u tsa qui'ya ji'i̱.

SAN LUCAS 19:2

Ca bi' ntsu'u sca nu qui'yu culiya' nu naa Zaqueo, xu'na ngu' nu nclyo cñi cña loo ngu' laca yu.

SAN MATEO 5:47

Lo'o chcui' ma̱ cha' tso'o sca ti lo'o tya'a tso'o ma̱, ná tso'o bi', cha' la cui' jua'a̱ ndu'ni cua ña'a̱ ca ñati̱; masi ngu' nu ná ntsu'u cha' ji'i̱ lo'o ycui' Ndyosi tsiya' ti, lo'o ngu' bi' nchcui' tso'o lo'o tya'a tso'o ngu'. Quiña'a̱ la cha' tso'o cua'ni ma̱ nti' ycui' Ndyosi.

SAN MARCOS 2:15

Ca tiya' la ndyacu Jesús to' tyi Leví. Stu'ba ndyacu yu lo'o tyu̱u̱ tya'a ngu' cuxi, jua'a̱ lo'o tyu̱u̱ tya'a ngu' tya'a ndyu'ni cña lo'o Leví, nu quiña'a̱ tsa cñi cña loo nxñi ji'i̱ ñati̱ cuentya ji'i̱ ngu' xa' tsu' bi'; quiña'a̱ tsa ngu' bi' nti' ngu' cuna ngu' cha' nu nchcui' Jesús. Nga'a̱ Jesús ni'i̱ bi' lo'o nu ngu' nu ndyaca tsa'a̱ ji'i̱.

SAN MARCOS 2:16

Li' nteje tacui xi ngu' fariseo lo'o mstru cha' jo'ó nu tya'a ndya'a̱ ngu'. Tacati tsa ycui' ngu', nti' ngu', pana lye tsa ndu'ni tyucuaa ti' ngu' ji'i̱ xa' ñati̱. Na'a̱ ngu' bi' ti lo'o ndyacu Jesús ne' ni'i̱ bi'. Hora ti nchcui' ngu' bi' lo'o ngu' nu ndyaca tsa'a̱ ji'i̱ Jesús: ―¿Ni cha' laca cha' ndyacu nu xu'na ma̱ lo'o ngu' cuxi jua, lo'o nu msu ji'i̱ ngu' xa' tsu' nu quiña'a̱ tsa cñi cña loo ngu' nxñi ngu' jua?

SAN LUCAS 3:12

Lo'o jua'a̱ ya̱a̱ xi ngu' cuxi nu nxñi cñi cña loo ngu' cuentya ji'i̱ ngu' xa' tsu', ya̱a̱ ngu' cha' tyucuatya Juan ji'i̱ ngu'. Li' nchcuane ngu' bi' ji'i̱ Juan: ―¿Ñi'ya̱ cña cua'ni ya, mstru? ―nacui̱ ngu' bi' ji'i̱ Juan.

SAN LUCAS 5:29

Tiya' la li' ngua'ni Leví sca ta'a tlyu ca to' tyi yu, cha' cua'ni chi̱ yu loo Jesús. Lo'o jua'a̱ ndyalaa tyu̱u̱ tya'a ngu' slo, tya'a ndyu'ni Leví cña nclyo cñi cña loo ñati̱; jua'a̱ ndi'i̱ xi xa' la ñati̱.

SAN LUCAS 5:30

Li' nguxana ngu' fariseo nu tacati tsa ndu'ni ngu', nti' ngu', lo'o nu mstru cha' jo'ó bi', nguxlyú ngu' cha' hichu̱' ngu' nu ndyaca tsa'a̱ ji'i̱ Jesús. ―¿Ni cha' laca cha' stu'ba ti ndacu ma̱ tyaja, stu'ba ti nga'a̱ ma̱ lo'o ngu' cuxi cua? ―nacui̱ ngu'―. Msu ji'i̱ ngu' xa' tsu' laca ngu' cua, nu cuiñi ti nxñi quiña'a̱ tsa cñi cña loo ñati̱. Lo'o jua'a̱ ntucua xi xa' la ngu' nu ndya'a̱ calle ti.

SAN LUCAS 7:29

Lo'o ñati̱ nu ndyaa slo Juan cha' tyucuatya yu ji'i̱ ngu' tya tsubi' la ni, lo'o ndyuna ngu' cha' nu nchcui' Jesús lo'o ngu', li' ngua'ni tlyu lcaa ngu' bi' ji'i̱ ycui' Ndyosi, masi nu ngu' cuxi nu nxñi cñi cña loo ngu', masi xa' la ñati̱.

SAN LUCAS 7:34

Tiya' la li' ndu'u tucua na' nu cua nda ycui' Ndyosi lijya̱a̱ cha' caca na' ñati̱; tso'o ti ndacu na' lo'o ma̱ li', stu'ba ti nga'a̱ na' lo'o ma̱. Bi' cha' nchcui' ma̱ jna': “Ña'a̱ na ñi'ya̱ nu ndu'ni nu jua juani”, nacui̱ ma̱ ji'i̱ tya'a ma̱, “xcui' na cacu ti yu jua nti' yu, xcui' na cu'bi ti yu ndya'a̱ yu. Ná tso'o yu jua cha' laca yu tya'a tso'o ngu' nu nxñi cñi cña loo na, lo'o jua'a̱ xi xa' la ngu' cuxi laca tya'a tso'o yu”, nacui̱ ma̱ 'na.