SAN MATEO 5:41 - Chatino Tataltepec

⁴¹ Jua'a̱ sca nu laca loo ni, si culo yu cña ji'i̱ ma̱ cha' tsaa lo'o ma̱ yu'ba ji'i̱ yu sca se'i̱, hora ti tsaa lo'o ma̱ yu'ba bi' ji'i̱; lo'o jua'a̱ tso'o masi tya tsaa lo'o ma̱ ji'i̱ ca tyijyu' la xi, si jua'a̱ nti' yu.

SAN MATEO 5:41 Referans Kwoze

SAN LUCAS 23:26

Lo'o li' ndyaa ngu' sendaru, ndyaa lo'o ngu' ji'i̱ Jesús cha' cujui'i̱ ca'a̱ ngu' ji'i̱ lo crusi. Li' ndyacua tya'a ngu' sendaru lo'o sca ñati̱ nu naa Simón, nu lo'o ñaa yu ndyaa yu ne' quixi̱'; ngu' quichi̱ Cirene laca yu bi'. Lo'o li' ngulo ngu' cña ji'i̱ yu cha' tsaa lo'o yu ji'i̱ crusi cuentya ji'i̱ Jesús.

SAN MATEO 27:32

Tyucui̱i̱ su ndyaa ngu', li' ndyacua tya'a ngu' lo'o sca nu qui'yu nu naa Simón; ngu' Cirene laca yu bi'. Lo'o li' ngulo sendaru cña ji'i̱ nu Simón bi', cha' qui'ya yu crusi bi' cuentya ji'i̱ Jesús.

SAN MARCOS 15:21

Tyucui̱i̱ lo'o ndya'a̱ ngu', li' na'a̱ ngu' sendaru ji'i̱ Simón ngu' Cirene; sti Alejandro lo'o Rufo laca nu Simón bi'. Cua ñaa Simón ca su ndyaa cña ne' quixi̱', lo'o li' ngulo sendaru cña ji'i̱ cha' qui'ya crusi bi' cuentya ji'i̱ Jesús.

SAN MATEO 5:40

Si nti' sca ñati̱ tyaala xlyaá camxa ji'i̱ ma̱, hora ti ta ma̱ ji'i̱ li'; lo'o jua'a̱ ta ma̱ xi xa' la late' ji'i̱ yu, cha' tyaala' ji'i̱ yu li'.

SAN MATEO 5:42

Lo'o jña sca ñati̱ cua ña'a̱ ca na ji'i̱ ma̱, ta ma̱ na bi' ji'i̱; jua'a̱ si jña ngu' xi cñi ji'i̱ ma̱, tso'o ti chcui' ma̱ lo'o ngu' bi' li'.

2 CORINTIOS 5:14

Cua jlo ti' na cha' sca ti ycui' Cristo ngujuii lo crusi cuentya ji'i̱ lcaa ñati̱ chalyuu; ñi'ya̱ nti' si cua ngujuii lcaa ñati̱ chalyuu xqui'ya qui'ya nu ntsu'u ji'i̱ ngu', jua'a̱ laca cha', xqui'ya cha' ngujuii yu lo crusi bi'. Lo'o juani jlo ti' na cha' ntsu'u tsa tyiquee Cristo ña'a̱ Ni ji'i̱ lcaa ñati̱ chalyuu, bi' cha' nga'a̱ cha' chcui' na cha' ji'i̱ Jesús lo'o xa' ñati̱.