SAN MATEO 5:36 - Chatino Tataltepec

³⁶ La cui' ti cha' ná cua'ni ma̱ jura cuentya ji'i̱ scua' que ycui' ca ma̱, cha' sca ti ycui' Ni ngüiñá Ni ji'i̱ cu'ma̱, lo'o ná caca ji'i̱ ma̱ cuiñá ma̱ ni sca ca quicha̱' hique ma̱, ni nu ngata, ni nu ngati̱. Ná tso'o cuentya ji'i̱ ycui' Ndyosi tsiya' ti cha' cua'ni ma̱ jura.

SAN MATEO 5:36 Referans Kwoze

SAN LUCAS 12:25

Nga'aa caca caluu la ma̱ ni sa cla'be metro cua̱ la, masi quiña'a̱ tsa cha' culacua ti' ma̱;

SAN MATEO 6:27

Pana nga'aa caca caluu la ma̱ sa cla'be metro cua̱ la, masi quiña'a̱ tsa cha' culacua ti' ma̱.

SAN MATEO 5:35

masi chcui' ma̱ cuentya ji'i̱ yuu chalyuu re, ná chcui' ma̱ jura jua'a̱, cha' cuentya ji'i̱ ycui' Ndyosi laca chalyuu re; masi chcui' ma̱ cuentya ji'i̱ quichi̱ Jerusalén, ná cua'ni ma̱ jura jua'a̱, cha' ca bi' laca ycui' Ni loo.

SAN MATEO 5:37

Tsa bi' ti cha' ñacui̱ ma̱: “Chañi”, si cha' liñi laca; lo'o jua'a̱ ñacui̱ ma̱: “Si'i”, si cha' cuiñi. Cua ña'a̱ ca cha' nu chcui' ma̱ nu lo'o ndu'ni ma̱ jura, cha' ji'i̱ nu xña'a̱ laca bi'.