SAN MATEO 5:30 - Chatino Tataltepec

³⁰ Tso'o la xi'yu cu' ma̱ ya' ma̱ la'a tsu' cui̱, xcua̱a̱ ma̱ ji'i̱ li', si ya' ma̱ ndacui qui'ya cha' ndu'ni ma̱ cha' cuxi. Masi cu' ya' ma̱, tyanu lubii cresiya ji'i̱ ma̱ li', cha' ná tsaa ma̱ su lye ndyaqui̱ quii' ca bilyaa.

SAN MATEO 5:30 Referans Kwoze

SAN MARCOS 9:43

Nga'a̱ cha' xtyanu ma̱ tsiya' ti ji'i̱ sca cha' cuxi nu ndiya tsa ti' ma̱ ji'i̱, masi ndulo tsa cha' bi' ji'i̱ ma̱, nti' ma̱, ñi'ya̱ si laca ya' ma̱. Tso'o la si xana chalyuu nu ná nga'a̱ cha' tye ji'i̱ ma̱, masi ná lo'o cha' cuxi nu ndulo tsa ji'i̱ ma̱ nquicha', cha' li' ná tyalaa ma̱ su cuxi tsa ca bilyaa. Ná ntsu'u cha' tye cha' ndyaqui̱ quii' ca bi', tsa cu' ti ndyaqui̱.

SAN MATEO 5:29

’Tso'o la si culo ma̱ si'yu cloo ma̱ la'a tsu' cui̱, xcua̱a̱ ma̱ ji'i̱ li', si si'yu cloo ma̱ ndacui qui'ya cha' ndu'ni ma̱ cha' cuxi. Masi cuityi̱' ma̱, tyanu lubii cresiya ji'i̱ ma̱ li', cha' ná tsaa ma̱ su lye ndyaqui̱ quii' ca bilyaa.

1 PEDRO 2:8

Ndi'ya̱ nscua chaca cha' nu nchcui' ji'i̱ quee bi' chaca se'i̱ lo quityi: Tyeje sna quiya' ngu' chu̱' quee bi', clyú ngu' tyucui̱i̱ su lijya̱ ngu' lo'o tyucua quee bi' quiya' ngu'. Jua'a̱ nscua cha' lo quityi bi'; na nclyú ngu' tyucui̱i̱ cha' ná ndaquiya' ngu' ji'i̱ cha' nu nchcui' ycui' Ndyosi. Ngua'ni ycui' Ndyosi jua'a̱ cha' ná taca tya'a̱ ngu' tyucui̱i̱ ji'i̱ Ni si ná xñi ngu' cha' ji'i̱ ycui' Ni.

1 CORINTIOS 8:13

Lo'o jua'a̱ na', tso'o la masi ná cacu na' cuaña' nu cua nscua slo jo'ó, cha' jua'a̱ ná cua'ni ngu' tya'a na' cha' cuxi xqui'ya na' li'. Ná nti' na' cha' tyu'utsu' ngu' tya'a na' ji'i̱ tyucui̱i̱ liñi.

SAN LUCAS 17:2

Tso'o la si tsaa ngu' xcua̱a̱ ngu' ji'i̱ yu lo tyujo'o lo'o sca quee quichi tyaaca̱' yane yu, cha' nga'aa caja ñi'ya̱ nu tatsaa yu ji'i̱ ni sca ñati̱ ñi'ya̱ nti' nu sube re, cha' cua'ni ngu' cha' cuxi lo'o yu.

SAN MATEO 13:21

Pana si lya' ti' xa' ñati̱ ji'i̱ ngu' bi', si xtyí lo'o ñati̱ ji'i̱ ngu' xqui'ya cha' tso'o nu cua ndyuna ngu' bi', ná talo ngu' li'. Laca ngu' bi' ñi'ya̱ laca lo'o ná ngusñi tso'o su̱u̱ si'yu nu ntyucua lo yuu lati tu'ba chu̱' quee bi', cha' ná ndalo calya bi', ndyanaa bi' li'.

SAN LUCAS 12:5

Cacha' na' ji'i̱ ma̱ juani, ti ji'i̱ nu chañi cha' nga'a̱ cha' cutsi̱i̱ ma̱ ji'i̱: ycui' Ndyosi ni, cutsi̱i̱ ma̱ ji'i̱ Ni. Nu lo'o qui'ya Ni cresiya ji'i̱ ñati̱, li' ntsu'u chacuayá' ji'i̱ Ni cha' culo Ni cña ji'i̱ cresiya ji'i̱ ngu' cha' tsaa ca bilyaa, si nti' Ni. Cha' liñi nchcui' na' lo'o ma̱ juani: tso'o la si cutsi̱i̱ ma̱ ji'i̱ ycui' Ndyosi lacua.

GÁLATAS 5:11

Cu'ma̱ tya'a ngusñi na cha' ji'i̱ Cristo, jlo ti' ma̱ cha' nga'aa cua'ni lya' ti' ngu' judío 'na si cacha' na' ji'i̱ ma̱ cha' culacua̱ ma̱ ñi'ya̱ ndu'ni ngu' bi'; pana ña'a̱ ti ti'í ti' ngu' bi' jna', xqui'ya cha' ná nda na' cha' bi' lo'o ma̱, cha' sca ti nchcui' na' lo'o cu'ma̱ ñi'ya̱ ndyu'u cha' lo'o ngujuii Jesús lo crusi.

ROMANOS 9:33

Cha' ji'i̱ quee bi' nscua sca cha' lo quityi cusu', nu nchcui' ndi'ya̱: Sta na' sca quee nu xtyii tyucui̱i̱ su ndya'a̱ ngu' Israel, ngu' quichi̱ Sión bi', nacui̱ ycui' Ndyosi. Jesús laca ñi'ya̱ laca quee bi', lo'o jua'a̱ ta Jesús sca cha' tyuju'u ti' ji'i̱ ngu' bi'; tyu̱u̱ tya'a ngu' bi' ca tyuju'u ti' ngu' xqui'ya Jesús bi'. Pana ná ntsu'u cha' caca taja ti' ngu' ji'i̱ Jesús, si cua ngusñi ngu' cha' ji'i̱.

SAN MATEO 26:31

Lo'o li' nchcui' Jesús lo'o ngu' bi': ―Caca tyuju'u ti' lcaa cu'ma̱ ña'a̱ ma̱ 'na talya ndyi. Caca bi' ñi'ya̱ nu nscua lo quityi ji'i̱ ycui' Ndyosi cua sa'ni la. Ndi'ya̱ nchcui' cha' bi': “Lo'o cujuii na' ji'i̱ nu ña'a̱si̱i̱ ji'i̱ xlya', li' xna lcaa xlya' bi', tyaa ni'”, nacui̱ quityi bi'.

SAN MATEO 22:13

bi' cha' ngulo rey bi' cña ji'i̱ msu ji'i̱: “Xñi ma̱ ji'i̱ nu qui'yu re, sca̱' ma̱ ya' yu, lo'o jua'a̱ sca̱' ma̱ quiya' yu. Lo'o li' xcua̱a̱ ma̱ ji'i̱ yu nde ca bilyaa su talya tsa ña'a̱, ca su nxi'ya tsa ngu' ndi'i̱ ngu', ca su lye tsa ndacu la'ya ngu' cha' ñasi̱' ngu'”, nacui̱ rey bi'.

SAN MATEO 25:20

Clyo ndyalaa msu nu nda xu'na ca'yu mil cñi plata ji'i̱. “Xu'na”, nacui̱ msu bi', “nda nu'u̱ ca'yu mil cñi 'na, lo'o nu juani cua ngujui la chaca ca'yu mil cñi 'na, nu lo'o cua ngua'ni na' cña lo'o cñi bi' jinu'u̱”.

SAN MATEO 16:23

Hora ti nguxtyacui Jesús, na'a̱ ji'i̱ nu Pedro bi'. ―Tyu'utsu' nu'u̱ Satanás, cha' nga'aa cua'a nu'u̱ 'na ―nacui̱ Jesús ji'i̱ Pedro―. Si'i ñi'ya̱ nu nclacua ti' ycui' Ndyosi nclyacua ti' nu'u̱ juani; ñi'ya̱ nu nclacua ti' ñati̱ chalyuu ti, jua'a̱ nclyacua ti' nu'u̱ juani.

SAN MATEO 11:6

Tso'o tsa caca tyiquee ñati̱ nu ña'a̱ ti tya nxñi cha' 'na, masi ná nchca cuayá' tso'o ti' lcaa cha'.

SAN MATEO 5:22

Pana quiña'a̱ la cha' chcui' na' lo'o ma̱ juani: masi ca ti'í ti' ngu' ji'i̱ tya'a ñati̱, li' ntsu'u cha' chcube' ngu' bi'; masi na chcui' ti ngu' cha' cuxi ji'i̱ tya'a ñati̱, ntsu'u cha' tsaa ngu' bi' slo ngu' nu laca loo ca Jerusalén, cha' caca cuayá' ji'i̱ ngu' cajua li'. Lo'o jua'a̱ si ñacui̱ ngu' ji'i̱ tya'a ñati̱: “¡Na ple tsa nu'u̱! ¡Na tonto tsa hique nu'u̱!” lo'o ñasi̱' tsa ngu' ji'i̱ tya'a ñati̱, li' nga'a̱ cha' tsaa ngu' bi' ca bilyaa su ná tye cha' tyaqui̱ quii'.

SAN MATEO 17:27

Pana ná nti' na cha' ca ñasi̱' ngu' ji'na, ngu' nu laca loo ne' laa tonu, bi' cha' yaa clya nu'u̱ to' tayu' cha' cu̱ nu'u̱ chcua̱ xñi cualya lo hitya, cha' xñi nu'u̱ ji'i̱ sca cualya. Li' taya' nu'u̱ ji'i̱ cualya nu caja jinu'u̱ clyo, scana tu'ba cualya bi', cha' culo nu'u̱ cñi nu ntsu'u tu'ba ni'; tyu'u scua cñi bi' cha' ta nu'u̱ cñi ji'i̱ ngu' cuentya jinu'u̱, lo'o jua'a̱ cuentya jna'.

SAN MATEO 18:8

’Nga'a̱ cha' xtyanu ma̱ tsiya' ti lcaa cha' cuxi nu ndiya tsa ti' ma̱ ji'i̱, masi tiji̱' tsa ti' ma̱ ji'i̱ sca cha' bi' ñi'ya̱ laca si ya' ma̱ laca, ñi'ya̱ laca si quiya' ma̱ laca. Tso'o la xana chalyuu nu ná nga'a̱ cha' tye ji'i̱ ma̱, masi ná lo'o cha' cuxi bi' nu tiji̱' tsa ti' ma̱ ji'i̱, lo'o li' ná tyalaa ma̱ su nga'aa tye tsiya' ti cha' tyaqui̱ quii'.