SAN MATEO 5:28 - Chatino Tataltepec

²⁸ Pana, quiña'a̱ la cha' chcui' na' lo'o ma̱ juani: si ña'a̱ sca nu qui'yu ji'i̱ sca nu cuna'a̱, lo'o li' culacua ti' yu cha' cua'ni suba' yu lo'o, stu'ba ntsu'u cha' bi' lo'o yu ñi'ya̱ si cua laca ngua'ni suba' yu lo'o nu cuna'a̱ bi', masi tyiquee ti yu ntsu'u cha' cuxi bi'.

SAN MATEO 5:28 Referans Kwoze

1 JUAN 2:16

Lcaa cha' cuxi nu ndaca'a ji'i̱ ñati̱ cha' ná xñi tso'o ngu' cha' ji'i̱ ycui' Ndyosi, si'i ca su ntucua ycui' Ndyosi Sti na ndyu'u cha' bi'. Lcaa cha' cuxi nu ndiya ti' ñati̱ ji'i̱, cha' tyaala' xi tyiquee ngu'; jua'a̱ lcaa cha' cuxi nu nti' ngu' cua'ni ngu' lo'o ña'a̱ ngu' ji'i̱; jua'a̱ lcaa na nu nti' ngu' cha' caja ji'i̱ ngu', cha' jua'a̱ cua'ni tyixi ti ngu' lo'o tya'a ngu', nde chalyuu ti ndyu'u lcaa cha' cuxi bi'.

2 PEDRO 2:14

Xcui' cha' suba' nda'ya hique ngu' cuxi bi' lo'o ña'a̱ ngu' ji'i̱ sca nu cuna'a̱, cha' ná tye cha' nti' ngu' bi' cua'ni suba' ngu' lo'o. Lo'o jua'a̱ hora ti culu'u ngu' bi' cha' cuxi ji'i̱ xa' ñati̱ nu bilya ca cuayá' tso'o ti' cha' ji'i̱ Jesucristo. Lye tsa ngua tsa'a̱ ngu' cuiñi bi' ji'i̱ lcaa lo cha' cuxi, bi' cha' lye tsa ndacui ti' ngu' bi'; ná nga'a̱ cha' tyaala' ji'i̱ ngu' bi' tsiya' ti. Pana cua nda ycui' Ndyosi yabe' ji'i̱ ngu' cuiñi bi';

ROMANOS 7:14

Jlo ti' na cha' cña nu ngulo ycui' Ndyosi laca nu cha' cusu' bi'; sca ti si lo'o Xtyi'i ycui' Ndyosi cua'ni cña ne' cresiya ji'na, li' taca ji'na taquiya' na ji'i̱ cña bi'. Pana nu na' ni, ñati̱ chalyuu ti laca na', loo la laca nu cha' cuxi bi' ne' cresiya jna'.

SAN MATEO 5:39

Pana, quiña'a̱ la cha' chcui' na' lo'o ma̱ juani, cha' nga'aa xu̱u̱ tya'a ma̱ lo'o ñati̱ nu ngua'ni cha' cuxi lo'o ma̱. Lo'o quiji'i̱ ya' ngu' loo ma̱ la'a tsu' cui̱, li' ta ma̱ chacuayá' quiji'i̱ ngu' chaca tsu' loo ma̱, si nti' ngu'.

SAN MATEO 5:22

Pana quiña'a̱ la cha' chcui' na' lo'o ma̱ juani: masi ca ti'í ti' ngu' ji'i̱ tya'a ñati̱, li' ntsu'u cha' chcube' ngu' bi'; masi na chcui' ti ngu' cha' cuxi ji'i̱ tya'a ñati̱, ntsu'u cha' tsaa ngu' bi' slo ngu' nu laca loo ca Jerusalén, cha' caca cuayá' ji'i̱ ngu' cajua li'. Lo'o jua'a̱ si ñacui̱ ngu' ji'i̱ tya'a ñati̱: “¡Na ple tsa nu'u̱! ¡Na tonto tsa hique nu'u̱!” lo'o ñasi̱' tsa ngu' ji'i̱ tya'a ñati̱, li' nga'a̱ cha' tsaa ngu' bi' ca bilyaa su ná tye cha' tyaqui̱ quii'.

SAN MATEO 15:19

Ca ne' cresiya ji'i̱ ñati̱ ni, ca bi' ntsu'u su̱u̱ lcaa cha' cuxi: masi cujuii ngu' ji'i̱ tya'a ngu', masi tyu'u cha' ji'i̱ ngu' lo'o clyo'o xa' ñati̱, masi cua'ni suba' ngu' lo'o xa' ñati̱, masi cuaana ngu' na nu ntsu'u ji'i̱ tya'a ngu', masi chcui' ngu' cha' cuiñi ji'i̱ tya'a ngu', masi chcui' ngu' cuentyu ji'i̱ tya'a ngu'.