SAN MATEO 5:26 - Chatino Tataltepec

²⁶ Cha' liñi nchcui' na' lo'o ma̱, cha' tiya' tsa tyu'u ma̱ su lubii, cha' li' ntsu'u cha' ta ma̱ lcaa ca centavo nu jña ngu' tisiya ji'i̱ ma̱ cha' tyu'u ma̱ li'.

SAN MATEO 5:26 Referans Kwoze

SAN MATEO 18:34

Ngua ñasi̱' tsa xu'na msu bi' ji'i̱ msu tyaala bi' li', ngulo cña cha' xñi policia ji'i̱, cha' su'ba ngu' ji'i̱ ne' chcua̱, cha' xcube' ngu' ji'i̱ ña'a̱ cuayá' nu tya msu tyaala bi' lcaa cñi nu ndacui ji'i̱ xu'na yu. Bi' laca cui̱i̱ ji'i̱ rey lo'o msu ji'i̱.

SAN LUCAS 12:59

Cha' liñi nchcui' na' lo'o ma̱, cha' nga'aa tyu'u ma̱ tsiya' ti ña'a̱ cuayá' nu ta ma̱ lcaa ca centavo nu ndijña ñati̱ bi' ji'i̱ ma̱.

SANTIAGO 2:13

Lo'o li' si ná ngua'ni tya'na ti' na ji'i̱ tya'a ñati̱ na, ná taca cua'ni tya'na ti' Ni ji'na lo'o cua'ni cuayá' Ni ji'na; pana ñati̱ nu ngua'ni tya'na ti' ji'i̱ tya'a ñati̱ ni, bi' ñati̱ laca nu tso'o la caca cha' ji'i̱ hora lo'o cua'ni cuayá' Ni ji'i̱ ñati̱.

2 TESALONICENSES 1:9

Chañi cha' xcube' Ni ji'i̱ ngu' bi'; nga'aa ña'a̱ ngu' bi' ji'i̱ ycui' nu Xu'na na tsiya' ti, nga'a̱ cha' tsaa ngu' ca su ná nga'a̱ cha' tye cha' chcube' ngu'. Nga'aa ña'a̱ ngu' bi' xee ndubi ji'i̱ ycui' Ni li', nga'aa ña'a̱ ngu' ji'i̱ ycui' Ndyosi nu nchca ji'i̱ ndu'ni lcaa cña tsiya' ti.

SAN LUCAS 16:26

Tya ntsu'u la cha' ji'i̱ cuare nde su ndi'i̱ ya, ntsu'u sca laja cua'a̱ tlyu cla'be laja su ndi'i̱ cuare lo'o cu'ma̱; bi' cha' si ntsu'u ngu' nu nti' tsaa nde slo cu'ma̱, ná caca ji'i̱ ngu' tyaa ngu'. Lo'o jua'a̱ cu'ma̱ nu ntsu'u ma̱ nde jua, ná caca ji'i̱ ma̱ tya̱a̱ ma̱ ca nde.”

SAN MATEO 25:46

Lo'o li' tyaa ngu' bi' ca bilyaa su ná tye cha' chcube' ngu'; pana ngu' nu lubii tyiquee ni, caja chalyuu nu ná nga'a̱ cha' tye tsiya' ti ji'i̱ ngu' bi'.

SAN MATEO 25:41

’Lo'o li' chcui' na' lo'o taju ñati̱ nu ndi'i̱ la'a tsu' coca 'na: “Tyu'u ma̱ liya', cu'ma̱ nu ná ntsu'u su tyi'i̱ ma̱ slo ycui' Ndyosi. Yaa clya ma̱ ca su ná tye tsiya' ti cha' ndyaqui̱ quii', cha' stu'ba ti tyi'i̱ ma̱ lo'o nu laca xu'na cuiñaja lo'o lcaa xca̱ ji'i̱, lcaa cui'i̱ cuxi; cuentya ji'i̱ nu cuiñaja bi' nguxtyu'u ycui' Ni quii' bi'.

SAN MATEO 10:29

’Cua jlo ti' ma̱ cha' tsa'ña tsa nga'a̱ quiñi sube nu ndujui' ngu', masi tucua tya'a quiñi sube caja ji'i̱ ma̱ sa paxu ti. Pana ycui' Sti na laca loo, lcaa cha' jlo ti' Ni; masi sca ti quiñi sube cajaa ni', pana cua jlo ti' ycui' Ni cha' bi'.

SAN MARCOS 12:42

Li' ndyalaa sca nu cuna'a̱ ti'i, ngusu'ba tucua tya'a ti cñi sube ne' caju̱ bi', ñi'ya̱ nti' si laca bi' sca centavo ti.

SAN LUCAS 12:58

Ndi'ya̱ tso'o la cua'ni ma̱, si ntsu'u cha' tsaa lo'o sca ñati̱ ji'i̱ ma̱ slo bese cha' sta yu qui'ya ji'i̱ ma̱: cua'ni cña ti' ma̱ cha' xquiñi ma̱ cha' ji'i̱ ma̱ lo'o yu laja lo'o tya ndyaa ti ma̱ tyucui̱i̱. Pana si ná cua'ni ma̱ jua'a̱, li' tya bese ji'i̱ ma̱ ya' policia. Lo'o ngu' bi' ni, su'ba ngu' ji'i̱ ma̱ ne' chcua̱ li'.