SAN MATEO 5:22 - Chatino Tataltepec

²² Pana quiña'a̱ la cha' chcui' na' lo'o ma̱ juani: masi ca ti'í ti' ngu' ji'i̱ tya'a ñati̱, li' ntsu'u cha' chcube' ngu' bi'; masi na chcui' ti ngu' cha' cuxi ji'i̱ tya'a ñati̱, ntsu'u cha' tsaa ngu' bi' slo ngu' nu laca loo ca Jerusalén, cha' caca cuayá' ji'i̱ ngu' cajua li'. Lo'o jua'a̱ si ñacui̱ ngu' ji'i̱ tya'a ñati̱: “¡Na ple tsa nu'u̱! ¡Na tonto tsa hique nu'u̱!” lo'o ñasi̱' tsa ngu' ji'i̱ tya'a ñati̱, li' nga'a̱ cha' tsaa ngu' bi' ca bilyaa su ná tye cha' tyaqui̱ quii'.

SAN MATEO 5:22 Referans Kwoze

1 JUAN 2:9

Ñati̱ nu ñacui̱: “Cua ngusñi ya cha' ji'i̱ Jesucristo, lubii tsa cresiya ji'i̱ ya juani”, ñacui̱ ngu', pana tya ti'í ti' ngu' bi' ña'a̱ ngu' ji'i̱ tya'a ñati̱ ngu', ña'a̱ ti tya ntsu'u tsa cha' cuxi ne' cresiya ji'i̱ ngu' bi', ñi'ya̱ laca sca se'i̱ su talya tsa ña'a̱.

SANTIAGO 3:6

Ñi'ya̱ laca sca quii', jua'a̱ laca sca cha' nu chcui' na; xqui'ya bi' taca xana chaca chalyuu nu cuxi tsa ji'na, nu lo'o cua ndyatí̱ nu cha' cuxi bi' ndyaa nde ne' cresiya ji'na. Xana cañi cha' cuxi bi' tyucui ña'a̱ na li'. Xqui'ya sca cha' nu chcui' ti na, ndyaca'a̱ quii' li'; lo'o nu quii' bi' ni, nde ca bilyaa tsiya' ti ndyu'u bi' lijya̱ cañi lcaa su ndi'i̱ na.

TITO 3:2

Ná tso'o chcui' ngu' cuentyu ji'i̱ xa' ñati̱, ni ná tso'o xu̱u̱ tya'a ngu' lo'o ñati̱; ntsu'u cha' cube ti' ngu' ji'i̱ xa' ñati̱, cha' tso'o ti chcui' ngu' lo'o lcaa ñati̱.

SAN MATEO 10:28

Ná cutsi̱i̱ ma̱ ji'i̱ ngu' nu cujuii ji'i̱ ma̱ nde chalyuu ti, cha' ná nchca ji'i̱ ngu' cujuii ngu' ji'i̱ cresiya ji'i̱ ma̱; tso'o la si cutsi̱i̱ ma̱ ji'i̱ ycui' Ndyosi nu cua'ni cuayá' ji'i̱ ma̱ nde loo la. Cutsi̱i̱ ma̱ ji'i̱ ycui' Ndyosi tu'ni, xqui'ya cha' cua'ni Ni cha' tye cha' ji'i̱ ma̱ tsiya' ti si tsaa ma̱ ca bilyaa.

SAN MATEO 18:35

’Ñi'ya̱ ngua'ni rey bi' ―nacui̱ Jesús ji'i̱ ngu'―, jua'a̱ cua'ni Sti na' nu ntucua nde cua̱ lo'o lcaa ma̱ nu ná tyucui tyiquee ma̱ ndyi'ya ma̱ cha' clyu ti' ji'i̱ tya'a ma̱.

1 PEDRO 3:9

Ná cua'ni cuxi ma̱ lo'o tya'a ñati̱ ma̱, masi ngua'ni cuxi ngu' lo'o ma̱; lo'o jua'a̱ ná chcui' tyaala ma̱ lo'o tya'a̱ ñati̱ ma̱, masi tyaala tsa nchcui' ngu' lo'o ma̱. Na cua ngusubi ycui' Ni ji'i̱ ma̱ cha' xtyucua Ni ji'i̱ cu'ma̱, bi' cha' tso'o la si chcui' ma̱ lo'o ycui' Ndyosi cha' xtyucua Ni ji'i̱ ngu' tyaala bi'.

ROMANOS 12:10

Ndi'ya̱ caca tyiquee ma̱ ña'a̱ ma̱ ji'i̱ ngu' tya'a ntsu'u cha' ji'i̱ ma̱ lo'o Cristo: caca ñi'ya̱ si laca ngu' bi' tya'a ngula ma̱ tsiya' ti; bi' cha' cua'ni chi̱ ma̱ loo tya'a ma̱, xti ti cha' tyu'u tyiquee ycui' ca ma̱ li'.

1 PEDRO 2:23

masi nchcui' ngu' cha' suba' lo'o yu, ni sca cha' tyaala ná nguxacui̱ yu ji'i̱ ngu'; nguxcube' tsa ngu' ji'i̱ yu, pana ná ngua ñasi̱' yu ji'i̱ ngu' li'. Sca ti lo'o ycui' Ndyosi Sti yu nchcui' yu ji'i̱ cha' cuxi nu ndyu'ni ngu' lo'o, cha' sca ti ycui' Ni laca nu xcui' liñi ndu'ni cuaya' ji'i̱ ñati̱.

SAN MATEO 18:21

Li' ñaa Pedro cacua la cha' cacha' ji'i̱ Jesús: ―Xu'na ―nacui̱ ji'i̱ Jesús―, ¿ni lcua quiya' cui'ya na' cha' clyu ti' ji'i̱ yu tya'a na' lo'o ndyu'ni yu cha' cuxi lo'o na'? ―nacui̱―. ¿Ha tso'o cati quiya' cua'ni clyu ti' na' ji'i̱ yu?

JUDAS 1:9

Pana si'i jua'a̱ ngua'ni Miguel nu laca loo ji'i̱ xca̱ ji'i̱ ycui' Ndyosi; nu lo'o ngusu̱u̱ tya'a nu Miguel bi' lo'o nu xña'a̱ xqui'ya jyo'o Moisés, ná nchcui' ni sca cha' cuxi lo'o nu xña'a̱ bi'. Ndi'ya̱ ti nchcui' lo'o: “Ycui' nu Xu'na na' ntsu'u cha' cua'a jinu'u̱”, nacui̱ Miguel ji'i̱ nu xña'a̱ bi' li'.

1 JUAN 3:10

Bi' cha' nchca cuayá' ti' ma̱ juani ñi'ya̱ laca ñati̱ nu laca sñi' ycui' Nydosi, lo'o jua'a̱ nchca cuayá' ti' ma̱ ñi'ya̱ ndu'ni ñati̱ nu laca sñi' ycui' nu xña'a̱. Si'i sñi' ycui' Ndyosi laca ñati̱ nu ndu'ni cha' cuxi lcaa tsa̱, ni si'i sñi' ycui' Ndyosi laca ñati̱ nu ná ntsu'u tyiquee ña'a̱ ji'i̱ tya'a ñati̱.

LOS HECHOS 17:18

Cua ntsu'u sca taju ngu' nde quichi̱ bi', ngu' nu ndyaca tsa'a̱ ji'i̱ cha' nu nclu'u ngu' epicúreo, lo'o jua'a̱ ntsu'u chaca taju ngu' nu ndyaca tsa'a̱ ji'i̱ cha' nu nclu'u ngu' estoico. Ndyacua tya'a nu ngu' nu ndyaca tsa'a̱ tyucuaa lo cha' bi' lo'o Pablo li'. Nchcui' tsa ngu' cha' ji'i̱ yu lo'o tya'a ngu': ―¿Ni cha' nda nu qui'yu re nu nchcui' tsa lo'o na? ―nacui̱ ngu' ji'i̱ tya'a ngu'. ―¿Ha si'i cha' ji'i̱ xa' jo'ó nchcui' yu? ―nacui̱ tya'a ngu' li'. Pana cua ndyuna ngu' lo'o ngulu'u Pablo cha' ji'i̱ Jesús, cha' ngulu'u yu ji'i̱ ngu' ñi'ya̱ ngua cha' ndyu'ú Jesús chaca quiya'.

1 TESALONICENSES 4:6

Nga'aa xlyaá ma̱ ji'i̱ nu cuna'a̱ ji'i̱ ngu' tya'a ma̱, masi ji'i̱ clyo'o ngu', masi ji'i̱ sñi' ngu'. Cua nchcui' tsa ya lo'o ma̱ cha' lcaa cha' ña'a̱ ycui' nu Xu'na na; jlo ti' ycui' Ndyosi, lo'o jua'a̱ ntsu'u cha' xcube' Ni ji'i̱ lcaa ñati̱ nu ná taquiya' ji'i̱ cha' bi',

SAN MARCOS 14:55

Ngua ti' sti jo'ó nu laca loo lo'o lcaa ngu' tisiya bi' sta ngu' qui'ya ji'i̱ Jesús cha' cujuii ngu' ji'i̱ yu, pana ná nquije ñi'ya̱ nu cujuii cuañi' ngu' ji'i̱ yu.

SAN MATEO 26:59

Lo'o li' lcaa ngu' tisiya, lo'o lcaa sti jo'ó nu laca loo, lo'o lcaa ngu' cusu' bi', nclyana ngu' ñi'ya̱ ca sta ngu' qui'ya ji'i̱ Jesús, cha' nti' tsa ngu' cujuii ngu' ji'i̱. Pana ná ndu'u tucua ñati̱ nu cujuii cuañi' ji'i̱ yu cuentya ji'i̱ ngu' nu laca loo bi'.

SAN JUAN 11:47

Bi' cha' nu ngu' sti jo'ó nu laca loo lo'o ngu' fariseo bi', nguxana nxi'ya ngu' ji'i̱ lcaa ngu' tisiya, cha' tyu'u ti'i̱ ngu'. Lo'o li' nchcui' ngu' lo'o tya'a ngu': ―¿Ñi'ya̱ cua'ni na juani? ―nacui̱ ngu'―. Quiña'a̱ tsa cha' tlyu ndyu'ni nu qui'yu bi'.

APOCALIPSIS 20:14

Li' nguxcua̱a̱ Ni ji'i̱ La Muerte, lo'o jua'a̱ nguxcua̱a̱ Ni chalyuu su nguti'i̱ jyo'o bi', ndyaa bi' nde lo tayu' su ntsu'u quii' tlyu ndyaqui̱. Lcaa nu ndyaa ca lo tayu' bi' ni, cua ndyaa ngu' chalyuu talya, cua ndye cha' ngujuii ngu' bi'; nga'aa tyu'ú ngu' bi' tsiya' ti.

LOS HECHOS 7:37

La cui' Moisés ngua nu nchcui' lo'o ngu' bi' ndi'ya̱: “Cua ngulo ycui' Ndyosi cña jna' cha' ta na' cha' ji'i̱ Ni lo'o ma̱, la cui' jua'a̱ culo Ni cña ji'i̱ chaca ngu' tya'a na nde loo la”, nacui̱ nu Moisés bi' ji'i̱ ngu' nu ngua li'.

SAN LUCAS 12:5

Cacha' na' ji'i̱ ma̱ juani, ti ji'i̱ nu chañi cha' nga'a̱ cha' cutsi̱i̱ ma̱ ji'i̱: ycui' Ndyosi ni, cutsi̱i̱ ma̱ ji'i̱ Ni. Nu lo'o qui'ya Ni cresiya ji'i̱ ñati̱, li' ntsu'u chacuayá' ji'i̱ Ni cha' culo Ni cña ji'i̱ cresiya ji'i̱ ngu' cha' tsaa ca bilyaa, si nti' Ni. Cha' liñi nchcui' na' lo'o ma̱ juani: tso'o la si cutsi̱i̱ ma̱ ji'i̱ ycui' Ndyosi lacua.

SAN MATEO 5:44

Pana, quiña'a̱ la cha' chcui' na' lo'o ma̱ juani, cha' tso'o ti tyu'u tyiquee ma̱ ña'a̱ ma̱ ji'i̱ tya'a cusu̱u̱ ma̱, lo'o jua'a̱ tso'o ti chcui' ma̱ ji'i̱ ngu' nu nchcui' cuentyu ji'i̱ ma̱, tso'o ti cua'ni ma̱ lo'o ngu' nu ti'í ti' ji'i̱ ma̱; chcui' ma̱ lo'o ycui' Ndyosi cuentya ji'i̱ ngu', masi ndyu'ni lya' ti' ngu' ji'i̱ ma̱, masi nxtyí lo'o ngu' ji'i̱ ma̱.

SAN MATEO 5:34

Pana, quiña'a̱ la cha' chcui' na' lo'o ma̱ juani, cha' ná tso'o tsiya' ti cua'ni ma̱ jura nu lo'o chcui' ma̱ sca cha': masi chcui' ma̱ cuentya ji'i̱ lcaa na nu ntsu'u nde cua̱, ná cua'ni ma̱ jura jua'a̱, cha' ca bi' ntucua ycui' Ni;

SAN MATEO 3:17

Li' nguañi nchcui' ycui' Ndyosi ca su ntucua Ni nde cua̱. Ndi'ya̱ nacui̱ Ni: ―Nu nde laca Sñi' na' ―nacui̱ Ni―. Tyaca'a tsa yu 'na, cha' tso'o tsa ntsu'u tyiquee na' ña'a̱ na' ji'i̱ yu.

1 JUAN 5:16

Lo'o ña'a̱ na ji'i̱ sca ñati̱ tya'a ngusñi na cha' ji'i̱ Jesucristo cha' ndyu'ni yu sca cha' cuxi, pana nda na cuentya cha' ná nscua cha' chcuna' chalyuu ji'i̱ yu xqui'ya cha' cuxi bi', li' tso'o la si jña na cha' clyu ti' ji'i̱ ycui' Ndyosi cuentya ji'i̱ yu tya'a na bi', cha' ná ta Ni chacuayá' cha' chcuna' chalyuu ji'i̱ yu tya'a na bi'. Pana ntsu'u qui'ya tlyu nu ná taca cua'ni clyu ti' ycui' Ndyosi ji'i̱; ná ñacui̱ na' cha' jña na cha' clyu ti' ji'i̱ Ni li', si jua'a̱ ntsu'u qui'ya ji'i̱ ngu'.

SANTIAGO 2:20

Nga'a̱ cha' ca cuayá' ti' ma̱, cha' ná chañi cha' ngusñi na cha' ji'i̱ ycui' Ndyosi si ná lo'o cua'ni na cha' tso'o cha' xtyucua na ji'i̱ tya'a ñati̱ na.

HEBREOS 12:25

Cui'ya ma̱ cuentya lacua, cha' cua'a̱ jyaca̱ ma̱ ji'i̱ lcaa cha' nu cua nda Cristo lo'o ma̱. Nguxcube' tsa ycui' Ndyosi ji'i̱ jyo'o cusu' ji'na, nu lo'o ná ntaja'a̱ ngu' cua'a̱ jyaca̱ ngu' ji'i̱ cha' nu nchcui' jyo'o Moisés lo'o ngu' nde chalyuu chacuayá' ji'i̱ ycui' Ndyosi; ná ngua xna ngu' bi' ji'i̱ ycui' Ndyosi. La cui' jua'a̱ tlyu la cha' caca ji'na juani, si ná taquiya' na ji'i̱ Cristo nu ngutu'u ca slo ycui' Ndyosi ya̱a̱ nde lo yuu chalyuu, lo'o jua'a̱ cua xa' ndyaa tucua Ni ca slo ycui' Ndyosi chaca quiya' juani.

HEBREOS 5:9

Tiya' la li', lo'o cua ngua lcaa cha' ji'i̱ Jesús cha' cua ngua'ni yu cña nu cua nda ycui' Ndyosi ji'i̱ yu cha' cua'ni yu, tya li' ntucua quiya' cha' cua'ni lyaá Jesús ji'i̱ cua ña'a̱ ca ñati̱ chalyuu nu tyaja'a̱ cua'a̱ jyaca̱ ji'i̱ cha' nu cua nchcui' yu lo'o; ná tye tsiya' ti cha' cua'ni lyaá Ni ji'na ji'i̱ cha' cuxi nu ntsu'u ji'na.

1 CORINTIOS 6:10

lo'o jua'a̱ nu cuaana, lo'o jua'a̱ nu nxlyaá na nu ntsu'u ji'i̱ tya'a ngu', lo'o jua'a̱ nu cu'bi, lo'o jua'a̱ nu nchcui' cha' cuxi ji'i̱ tya'a ngu', lo'o jua'a̱ nu cuxi ti ndu'ni ngana ji'i̱ tya'a ngu', ná tsaa chca ñati̱ cuxi bi' ca su tso'o su ntucua ycui' Ndyosi.

1 CORINTIOS 6:6

Pana xa' tsa ña'a̱ ndu'ni ma̱ ca jua. Masi ñati̱ tya'a ngusñi ma̱ cha' ji'i̱ Jesús, ndya'a̱ lo'o ma̱ ji'i̱ ca slo ngu' nu ná ndaquiya' ji'i̱ ycui' Ndyosi tsiya' ti, cha' cua'ni cuayá' ngu' bi' ji'i̱ ngu' tya'a ma̱.

LOS HECHOS 5:27

Ñaa lo'o ngu' ji'i̱ ngu' bi' slo ngu' cusu' cha' ca cuayá' ji'i̱ ngu' bi'. Li' nguxana sti jo'ó nu laca loo bi' nchcui' lo'o ngu':

SAN JUAN 15:25

Nga'a̱ cha' caca cha' jua'a̱, cha' nu nscua lo quityi cusu' ji'i̱ ngu' bi'; ndi'ya̱ nchcui' cha' bi': “Liye' ti' ngu' ña'a̱ ngu' jna', masi ná ntsu'u su̱u̱ cha' ji'i̱ ngu' cha' cua'ni ngu' jua'a̱”.

SAN JUAN 8:48

Li' nguxtyacui ngu' judío cha' lo'o Jesús: ―Liñi cha' nu nchcui' ya jinu'u̱ juani, cha' ngu' Samaria laca nu'u̱. Ñi'ya̱ nti' sca nu xña'a̱, jua'a̱ nti' nu'u̱ ―nacui̱ ngu' li'.

SAN JUAN 7:20

―Ñi'ya̱ nti' sca nu xña'a̱, jua'a̱ nti' nu'u̱ ―ndu'ni ngu' ji'i̱ Jesús li'―. ¿Tilaca nti' cujuii jinu'u̱ lacua?

SAN MARCOS 15:1

Lo'o nguxee chaca tsa̱ tya ndi'i̱ sti jo'ó nu laca loo, lo'o ngu' cusu', lo'o mstru cha' jo'ó, ndi'i̱ lcaa ngu' tisiya cha' chcui' ngu' lo'o tya'a ngu' ji'i̱ cha' bi'. Li' ngusca̱' ngu' ji'i̱ Jesús, ndyaa lo'o ngu' ji'i̱ slo Pilato nu ngua gobernador romano cha' caca cuayá' ji'i̱. Nchcuane Pilato ji'i̱ Jesús li':

SAN MATEO 25:41

’Lo'o li' chcui' na' lo'o taju ñati̱ nu ndi'i̱ la'a tsu' coca 'na: “Tyu'u ma̱ liya', cu'ma̱ nu ná ntsu'u su tyi'i̱ ma̱ slo ycui' Ndyosi. Yaa clya ma̱ ca su ná tye tsiya' ti cha' ndyaqui̱ quii', cha' stu'ba ti tyi'i̱ ma̱ lo'o nu laca xu'na cuiñaja lo'o lcaa xca̱ ji'i̱, lcaa cui'i̱ cuxi; cuentya ji'i̱ nu cuiñaja bi' nguxtyu'u ycui' Ni quii' bi'.

SAN MATEO 23:33

’¡Ñi'ya̱ nti' cuaña, jua'a̱ nti' cu'ma̱! Tajua' tsa ndyu'ni ma̱ cha' cuxi. ¿Ha nti' ma̱ cha' clyaá ma̱ ji'i̱ ycui' Ndyosi cha' ná chcube' ma̱ ca bilyaa? Ná taca ji'i̱ ma̱ jua'a̱.

SAN MATEO 23:15

’¡Tya'na tsa cu'ma̱ ngu' mstru cha' jo'ó, lo'o jua'a̱ cu'ma̱ ngu' fariseo, cha' tucua cha' ntsu'u tyiquee ma̱! Tyijyu' tsa ndya'a̱ ma̱, masi tyucui̱i̱ nde lo yuu ti, masi tyucui̱i̱ nteje tacui ma̱ tyujo'o ndya'a̱ ma̱, cha' clyana ma̱ ji'i̱ ñati̱, masi sca ti ñati̱ nu tyaja'a̱ xtyanu ji'i̱ nu xa' la jo'ó nu ndu'ni tlyu yu ji'i̱, cha' xñi yu cha' nu culu'u cu'ma̱ ji'i̱ yu. Li' culu'u ma̱ ji'i̱ yu cha' caca yu sñi' cuiñaja nu tlyu la que cu'ma̱, cu'ma̱ nu ntsu'u cha' tsaa ma̱ ca bilyaa.

SAN MATEO 17:5

Pana laja lo'o nchcui' Pedro, li' ndu'u tucua sca coo nu ngati̱ tsa ña'a̱, nu ndubi tsa ña'a̱, ngüixi̱i̱ chu̱' ngu', tyucui ña'a̱ su ndu̱ ngu'. Li' nguañi xtyi'i sca ñati̱. Hora ti ngua cuayá' ti' ngu' bi', cha' nchcui' ycui' Ndyosi lo'o ngu' laja coo bi': ―La cui' yu re laca Sñi' na', tyaca'a tsa yu 'na ―nacui̱ Ni―. Tso'o tsa ntsu'u tyiquee na' ña'a̱ na' ji'i̱ yu. Cua'a̱ tso'o jyaca̱ ma̱ ji'i̱ lcaa cha' nu chcui' Sñi' na' re lo'o ma̱.

SAN MATEO 12:24

Lo'o ndyuna ngu' fariseo cha' bi', xa' ña'a̱ cha' nchcui' ngu' bi' ji'i̱ Jesús: ―Sca ti chacuayá' ji'i̱ Beelzebú nu laca xu'na lcaa lo cui'i̱ cuxi, sca ti jua'a̱ nchca ji'i̱ nu qui'yu re culo ji'i̱ cui'i̱ cuxi nu ngusñi ji'i̱ ñati̱ ―nacui̱ ngu' fariseo bi'.

SAN MATEO 10:17

Pana cua'ni tii ti ti' ma̱ lo'o ñati̱; ná tyiquee' tsaa lo'o ngu' ji'i̱ ma̱ slo ngu' tisiya, masi ná tyaala ma̱ ji'i̱ ngu'. Lo'o jua'a̱ quiji'i̱ ngu' ji'i̱ ma̱ ne' laa ji'i̱ ngu'.

SAN LUCAS 22:66

Lo'o nguxee, li' ndyu'u ti'i̱ ngu' cusu' ji'i̱ ngu' judío, lo'o ngu' sti jo'ó nu laca loo, lo'o ngu' mstru cha' jo'ó; ndyaa lo'o ngu' ji'i̱ Jesús nde loo ña'a̱ taju ngu' tisiya bi'. Ca bi' nguxana ngu' ndacha' ngu' ji'i̱ yu:

LOS HECHOS 4:15

Li' ngulo ngu' cña cha' tyu'u nu ca ta'a sna ti ngu' bi' nde liya', cha' cuaana ti chcui' ngu' cusu' lo'o tya'a ti ngu':

LOS HECHOS 5:21

Ndaquiya' ngu' bi' ji'i̱ cha' nu nchcui' xca̱ bi' lo'o ngu'; bi' cha' lo'o nguxee, li' ndyatí̱ ngu' bi' ndyaa ngu' ne' laa tonu cha' culu'u ngu' cha' bi' ji'i̱ ñati̱ nu ndi'i̱ ca bi'. Li' ndyaa xu'na sti jo'ó lo'o ngu' tya'a ndya'a̱ yu, ngulo yu cña cha' tyu'u ti'i̱ lcaa ngu' cusu', lcaa nu laca loo ji'i̱ ngu' Israel. Cuati ngulo yu cña cha' tsaa ngu', tsaa culo ngu' ji'i̱ ngu' nu ntsu'u ne' chcua̱ bi', cha' tya̱a̱ ngu' bi' slo yu.

LOS HECHOS 6:12

Nda ngu' cuiñi bi' cha' bi' lo'o lcaa ngu' quichi̱, masi lo'o ngu' cusu', masi lo'o ngu' nu nclyu'u cha' jo'ó ne' laa. Ndyuna ngu' cha' nu nchcui' nu ngu' cuiñi bi' lo'o ngu', ngunasi̱' tsa ngu' ji'i̱ Esteban li'. Ngusñi ngu' ji'i̱ yu, ndyaa lo'o ngu' ji'i̱ yu slo ngu' nu laca loo cha' caca cuayá' ji'i̱ yu lo'o ngu'.

LOS HECHOS 6:15

Ña'a̱ tsa ngu' cusu' nu laca loo bi' ji'i̱ Esteban li', cha' ñi'ya̱ ña'a̱ loo xca̱ ji'i̱ ycui' Ndyosi, jua'a̱ ña'a̱ loo Esteban, cha' laca yu sca ñati̱ nu lubii tsa cresiya ji'i̱.

LOS HECHOS 22:30

Ca chaca tsa̱ tya nti' xu'na sendaru ca cuayá' ti' ni qui'ya laca nu ngusta ngu' judío bi' ji'i̱ Pablo. Ngusati̱' ngu' carena chcua̱ nu ndyaaca̱' Pablo li'. Ngulo xu'na sendaru bi' cña ji'i̱ sti jo'ó tlyu lo'o ji'i̱ lcaa ngu' cusu' cha' tyu'u ti'i̱ ngu' se'i̱ ti. Li' ndyaa lo'o ji'i̱ Pablo ca slo ngu' bi'.

LOS HECHOS 23:1

Cua ndyu'u ti'i̱ lcaa ngu' cusu' bi'. Li' ña'a̱ tsa Pablo ji'i̱ ngu' cusu' nu cua'ni cuayá' ji'i̱ yu. ―Cu'ma̱ ngu' cusu' tya'a na' ―nacui̱ Pablo ji'i̱ ngu' li'―, lcaa tsa̱ tso'o ndi'i̱ na'. Lubii cresiya jna' cuentya ji'i̱ ycui' Ndyosi.

LOS HECHOS 24:20

Masi ná ñaa ngu' bi', pana taca xcuane nu'u̱ ji'i̱ ngu' re ñi'ya̱ laca qui'ya nu ntsu'u jna', nu nquijeloo ji'i̱ ngu' tisiya nu lo'o ndu̱ na' slo ngu' nu laca loo bi'.