SAN MATEO 4:17 - Chatino Tataltepec

¹⁷ Lo'o li' nguxana nchcui' Jesús lo'o ngu' nu ndya'a̱ slo: ―Ca tyuju'u ti' ma̱ ―nacui̱ Jesús ji'i̱ ngu'―, xtyanu ma̱ ji'i̱ lcaa cha' cuxi nu ndyu'ni ma̱, cha' cua tyalaa ti hora cha' caca ycui' Ndyosi loo ne' cresiya ji'i̱ ma̱.

SAN MATEO 4:17 Referans Kwoze

SAN MATEO 3:2

―Ca tyuju'u ti' cu'ma̱ ―nacui̱ Juan ji'i̱ ngu'―, xtyanu ma̱ ji'i̱ cha' cuxi nu ndyu'ni ma̱ ―nacui̱―. Cua xana ti cha' caca ycui' Ndyosi loo ne' cresiya ji'i̱ ñati̱ chalyuu.

LOS HECHOS 2:38

―Tso'o si caca tyuju'u ti' ma̱ ji'i̱ cha' cuxi, lcaa cha' cuxi nu ntsu'u tyiquee ma̱ xtyanu ma̱ ji'i̱ li' ―nacui̱ Pedro ji'i̱ ngu'―. Lo'o jua'a̱ tyucuatya ngu' ji'i̱ ma̱ chacuayá' ji'i̱ Jesús li'. Cuityi̱ Ni lcaa qui'ya nu ntsu'u ji'i̱ ma̱ li', jua'a̱ ta Ni Xtyi'i ycui' Ni cha' tyanu Ni ne' cresiya ji'i̱ ma̱.

SAN LUCAS 5:32

Lo'o jua'a̱ na', ná lijya̱ na' cha' culana na' ji'i̱ ñati̱ nu nclyacua ti ti' cha' tso'o tsa ycui' ca ngu'; na cua lijya̱ na' cha' chcui' na' lo'o ngu' cuxi, cha' culochu̱' ngu' qui'ya nu ntsu'u ji'i̱ ngu'.

SAN LUCAS 24:47

Li' ntsu'u cha' ta ngu' cha' ji'i̱ ycui' na' lo'o ñati̱ tyucui ña'a̱ chalyuu. Nde Jerusalén xana ma̱ cacha' ma̱ cha' bi' ji'i̱ ngu' clyo. Nga'a̱ cha' chcui' ma̱ lo'o ñati̱ cha' ca tyuju'u ti' ngu' ji'i̱ cha' cuxi nu ntsu'u tyiquee ngu', cha' xtyanu ngu' ji'i̱ cha' cuxi nu ndu'ni ngu'; li' cua'ni clyu ti' ycui' Ndyosi ji'i̱ lcaa qui'ya nu ntsu'u ji'i̱ ngu'.

LOS HECHOS 17:30

Cua ndalo tsa tyiquee ycui' Ndyosi ji'i̱ ñati̱ chalyuu tyempo sa'ni lo'o bilya ca jlo ti' ngu' lcaa cha' bi', pana juani cua ngulo Ni cña ji'i̱ lcaa ñati̱ chalyuu cha' culochu̱' ngu' lcaa cha' cuxi nu ntsu'u ji'i̱ ngu'.

SAN MATEO 9:13

Yaa clya ma̱ cua'a̱ jyaca̱ ma̱ ji'i̱ cha' nu nguscua jyo'o cusu' lo quityi, nu ndi'ya̱ nchcui': “Nti' na' cha' cua'ni tya'na ti' ma̱ ji'i̱ tya'a ñati̱ ma̱, nacui̱ ycui' Ni. Bi' nu tso'o la, masi ná ta ma̱ quiña'a̱ tsa msta̱ 'na; ni na'ni scu̱' ma̱, ná ndu'ni cha' ta ma̱ msta̱ 'na.” Jua'a̱ nscua lo quityi. Ná lijya̱ na' chalyuu cha' chcui' na' lo'o ñati̱ nu tso'o tsa ycui' ngu', nti' ngu'; cua lijya̱ na' chalyuu cha' chcui' na' lo'o ngu' nu jlo ti' cha' ntsu'u cha' cuxi tyiquee ngu', cha' caca tyuju'u ti' ngu' li'. Xtyanu ngu' ji'i̱ cha' cuxi bi' li'.

LOS HECHOS 26:20

Clyo ngulu'u na' ji'i̱ ngu' judío tya'a na nu ndi'i̱ ca quichi̱ Damasco, cha' culochu̱' ngu' ji'i̱ lcaa cha' cuxi nu ntsu'u tsa tyiquee ngu' ji'i̱ tya sa'ni la, cha' xñi ngu' cha' ji'i̱ ycui' Ndyosi li'; lo'o jua'a̱ xcui' cha' tso'o ntsu'u cha' cua'ni ngu' li', cha' ca cuayá' ti' xa' ñati̱ cha' cua nguxcutsa'a̱ Ni cresiya ji'i̱ ngu' bi'. La cui' jua'a̱ ngulu'u na' ji'i̱ ngu' Jerusalén, lo'o ji'i̱ ngu' lcaa quichi̱ nu ndi'i̱ loyuu su cuentya Judea re. Lo'o li' ngulu'u na' cha' bi' ji'i̱ ngu' xa' tsu'.

SAN LUCAS 15:7

Ndi'ya̱ ñacui̱ na' ji'i̱ ma̱: ca chaa tsa ti' ycui' Ndyosi lo'o ñati̱ ji'i̱ Ni ca su ntucua ycui' Ni ―nacui̱ Jesús ji'i̱ ngu' fariseo li'―, ca chaa ti' ngu' bi' masi sca ti ñati̱ chalyuu ca tyuju'u ti' ji'i̱ cha' cuxi nu ntsu'u ji'i̱, culochu̱' yu ji'i̱ cha' cuxi bi' li'. Ná ntsu'u cha' culacua ti' Ni cuentya ji'i̱ nu jacuayala tyii ntucua caa tya'a ñati̱ tso'o nu ná ntsu'u cha' cuxi ji'i̱ ngu', nti' ngu'.

LOS HECHOS 3:19

Bi' cha' ntsu'u cha' ca tyuju'u ti' ma̱ ji'i̱ lcaa cha' cuxi nu ntsu'u tyiquee ma̱ ji'i̱, cuati jña ma̱ cha' clyu ti' ji'i̱ ycui' Ndyosi cha' cuityi̱ Ni lcaa cha' cuxi nu ngua'ni ma̱. Cua'ni nu Xu'na na cha' taca ca tso'o cresiya ji'i̱ ma̱ chaca quiya' li'.

SAN LUCAS 15:10

Chaa ti' nu cuna'a̱ bi', cha' cua nquije cñi ji'i̱; la cui' jua'a̱ ca slo ycui' Ndyosi, chaa tsa ti' ycui' Ni lo'o ñati̱ ji'i̱ Ni nde cua̱, masi sca ti ñati̱ chalyuu ca tyuju'u ti' ji'i̱ cha' cuxi nu ntsu'u ji'i̱, culochu̱' yu ji'i̱ cha' cuxi bi' li'.

LOS HECHOS 20:21

Sca ti cuaya' nchcui' na' lo'o lcaa ngu', masi lo'o ngu' judío tya'a na', masi lo'o xa' la ñati̱; sca ti cha' ngulu'u na' ji'i̱ lcaa ma̱, cha' nga'a̱ cha' culochu̱' ma̱ ji'i̱ lcaa cha' cuxi nu ntsu'u ji'i̱ ma̱ lo'o xñi ma̱ cha' ji'i̱ Jesucristo nu Xu'na na.

HEBREOS 6:1

Cua'ni yala na lacua, cha' cuna tso'o na lcaa cha' nu ntsu'u ji'i̱ Cristo; cua'ni na cha' caca na ñati̱ nu nclyacua tso'o ti ti', cha' ná tso'o si xcui' na nchcui' na ji'i̱ cha' nu ngua tsa'a̱ na tya clyo ti. Juani cua jlo tso'o ti' na macala ntucua quiya' cha' ji'i̱ Cristo: cua nchcui' na ñi'ya̱ caca tyu'utsu' na ji'i̱ cha' cuxi nu ngua'ni na tya sa'ni la, ñi'ya̱ caca xñi na cha' ji'i̱ Cristo;

LOS HECHOS 11:18

Nu lo'o ndyuna ngu' cha' nu nchcui' Pedro lo'o ngu', nga'aa ngua chcui' tyaala ngu' bi' lo'o Pedro. Li' ngua'ni tlyu ngu' bi' ji'i̱ ycui' Ndyosi. Ndi'ya̱ nchcui' ngu' lo'o Ni li': ―Ndyosi Sti ya, tso'o tsa ndu'ni nu'u̱ lo'o ngu' xa' tsu', masi si'i ngu' judío laca ngu' bi' ―nacui̱ ngu' ji'i̱ ycui' Ndyosi―. Ndu'ni nu'u̱ cha' ca tyuju'u ti' ngu' ji'i̱ lcaa cha' cuxi nu ntsu'u ji'i̱ ngu', cha' caja chalyuu nu ná nga'a̱ cha' tye ji'i̱ ngu' bi'.

SAN MATEO 25:1

’Ta na' chaca cha' lo'o ma̱ cha' ca cuayá' ti' ma̱ ñi'ya̱ caca lo'o laca ycui' Ni loo ne' cresiya ji'i̱ ñati̱: Ndyaa tii tya'a nu cuna'a̱ cuañi' ca to' tyi sca nu cuna'a̱ nu laca cuxi̱i̱ ji'i̱ ngu'; ntsu'u candil ji'i̱ ca ta'a tii tya'a ngu', cha' jatya ngu' ji'i̱ cutsii.

SAN MATEO 13:47

―Lo'o chaca cha' chcui' na' lo'o ma̱, ñi'ya̱ caca lo'o laca ycui' Ni loo ne' cresiya ji'i̱ ñati̱ ―nacui̱ Jesús―. Laca ñi'ya̱ laca sca taraya tlyu nu ntucu̱ ngu' ji'i̱ lo hitya tyujo'o cha' xñi cualya, lo'o li' lcaa lo cualya ndyatí̱ ne' taraya bi'.

SAN MATEO 10:7

Ta ma̱ cha' lo'o ngu' lcaa quichi̱ cha' cua tyalaa ti hora cha' caca ycui' Ndyosi loo.

SAN LUCAS 9:2

Ngulo yu cña ji'i̱ nu tii tyucuaa tya'a ngu' bi', cha' ta ngu' cha' tso'o ji'i̱ ycui' Ndyosi lo'o ngu' quichi̱ su tsaa ngu', lo'o li' cua'ni ngu' cha' tyaca tso'o ngu' quicha.

SAN MATEO 11:12

’Tya lo'o lijya̱ Juan bi' tya clyo hasta juani quiña'a̱ tsa cha' nchcui' ngu', cha' nti' tsa ngu' cha' caca ycui' Ndyosi loo ji'i̱ ñati̱. Lo'o jua'a̱ ntsu'u tsa ngu' nu lye tsa ndu'ni juersa cha' tyalaa ngu' slo ycui' Ndyosi jua'a̱ ti.

SAN MATEO 13:24

Lo'o li' nda Jesús chaca cui̱i̱ lo'o ngu': ―Chcui' na' chaca cha' lo'o cu'ma̱, cha' caca cuayá' ti' ma̱ ñi'ya̱ caca lo'o laca ycui' Ni loo ne' cresiya ji'i̱ ñati̱ ―nacui̱ Jesús ji'i̱ ngu'―. Laca ycui' Ni ñi'ya̱ laca sca ñati̱ nu ndyataa xcui' si'yu tso'o lo xtya̱ trigo ji'i̱.

SAN MATEO 13:9

Cua'a̱ jyaca̱ ma̱ ji'i̱ cha' nu nchcui' na' lo'o ma̱ juani, si chañi cha' nti' ma̱ cuna ma̱ cha' tso'o bi'.

SAN MATEO 13:11

Li' nguxacui̱ Jesús cha' ji'i̱ ngu' bi': ―Cua nda ycui' Ndyosi chacuayá' cha' ca cuayá' ti' ma̱ sca cha' nu ntsu'u cuaana ti ji'i̱ jyo'o cusu', ñi'ya̱ caca lo'o caca ycui' Ni loo ne' cresiya ji'i̱ ñati̱. Xa' ñati̱ nu ná ngusñi cha' ji'i̱ ycui' Ndyosi ni, ná ta ngu' cuentya lo'o cuna ngu' sca cui̱i̱ nu nchcui' na'; tucui tsa cha' bi' nti' ngu'.

SAN MATEO 6:10

Ca̱a̱ nu'u̱ nde chalyuu cha' caca nu'u̱ loo ji'i̱ ya. Cua'ni nu'u̱ cha' caca lcaa cha' nu nti' nu'u̱ cha' caca nde chalyuu; ñi'ya̱ nu ndu'ni nu'u̱ ca su ntucua nu'u̱, jua'a̱ caca nde lo yuu re li'.

SAN LUCAS 3:23

Calaa tyii yija̱ cua ntsu'u Jesús lo'o nguxana ndyu'ni yu cña ji'i̱ ycui' Ndyosi Sti yu. Ngua ti' ngu' cha' José ngua sti yu, lo'o sti José bi' ngua jyo'o Elí;