SAN MATEO 4:14 - Chatino Tataltepec

¹⁴ La cui' ti cha' bi' cua nchcui' jyo'o Isaías nu ngua tu'ba ji'i̱ ycui' Ndyosi cua sa'ni la. Ndi'ya̱ nacui̱:

SAN MATEO 4:14 Referans Kwoze

SAN MATEO 2:23

Ca bi' ndyalaa ngu' quichi̱ Nazaret cha' tyi'i̱ ngu'. La cui' cha' bi' nchcui' jyo'o cusu' nu ngua tu'ba ji'i̱ ycui' Ndyosi nu ngua sa'ni lo'o nchcui' ngu' ndi'ya̱: ngu' Nazaret cua'ni ngu' ji'i̱ nu bi'. Jua'a̱ nchcui' jyo'o cusu' bi' cua sa'ni, bi' cha' jua'a̱ ndu'ni ngu' ji'i̱ Jesús juani.

SAN LUCAS 24:44

Lo'o ti nchcui' yu lo'o ngu' li': ―Cha' nu ngua ca ti 'na, bi' laca cha' nu cua ndacha' na' ji'i̱ ma̱ lo'o tya ndi'i̱ na' lo'o cu'ma̱ tya tsubi' la ―nacui̱ yu―. Cua nacui̱ na' ji'i̱ ma̱ cha' nga'a̱ cha' caca 'na lcaa cha' nu cua nscua cuentya 'na lo quityi nu nguscua jyo'o Moisés, lo'o jua'a̱ lo quityi nu nguscua jyo'o ngu' nu ngua tu'ba ji'i̱ ycui' Ndyosi nu ngua sa'ni, lo'o jua'a̱ lo quityi Salmos nscua cha' bi'.

SAN LUCAS 22:37

Jua'a̱ cha' nchcui' na' lo'o ma̱ cha' nga'a̱ cha' tyu'u tucua cha' cuxi nu nchcui' quityi cusu' cha' caca 'na. Ndi'ya̱ nscua cha': “Ñi'ya̱ nu ndu'ni ngu' lo'o ñati̱ cuxi, jua'a̱ cua'ni ngu' lo'o ycui' Cristo”. Lcaa cha' nu nscua cha' caca 'na, jua'a̱ caca 'na tu'ni ―nacui̱ Jesús ji'i̱ ngu'.

SAN MATEO 2:15

Lo'o li' ndyanu ngu' ca bi' ña'a̱ cuayá' nu cua ngujuii Herodes, rey nu tyaala bi'. La cui' cha' bi' nchcui' jyo'o cusu' nu ngua tu'ba ji'i̱ ycui' Ndyosi cua sa'ni la lo'o nchcui' ndi'ya̱: “Xi'ya na' ji'i̱ Sñi' na' cha' tyu'u ca loyuu su cuentya Egipto, cha' xtyu̱u̱ yu tya̱a̱ yu quichi̱ tyi yu”, nacui̱ ycui' Ndyosi nu Xu'na na. Bi' cha' jua'a̱ ngua ji'i̱ ngu' tya li', cha' ndyalaa ngu' nde Egipto.

SAN JUAN 19:28

Jua'a̱ ngua lo'o cua ngua tii Jesús cha' cua ngua lcaa cha' nu ntsu'u cha' caca ji'i̱ ycui' yu, li' nacui̱ yu ñi'ya̱ nu nacui̱ sca cha' nu nscua lo quityi cusu': ―Nguityi tsa na' hitya ―nacui̱ yu.

SAN JUAN 15:25

Nga'a̱ cha' caca cha' jua'a̱, cha' nu nscua lo quityi cusu' ji'i̱ ngu' bi'; ndi'ya̱ nchcui' cha' bi': “Liye' ti' ngu' ña'a̱ ngu' jna', masi ná ntsu'u su̱u̱ cha' ji'i̱ ngu' cha' cua'ni ngu' jua'a̱”.

SAN MATEO 26:56

Pana ñi'ya̱ nu nguscua ngu' nu ngua tu'ba ji'i̱ ycui' Ndyosi nu ngua sa'ni, la cui' jua'a̱ ndyu'ni ma̱ lo'o na' juani. Li' ndu'u lcaa ngu' nu ndyaca tsa'a̱ ji'i̱, ngusna ngu'.

SAN MATEO 26:54

Pana ná nti' ya jua'a̱. Nga'a̱ cha' caca ñi'ya̱ nu nscua cha' lo quityi cusu' ji'i̱ ycui' Ndyosi Sti na'.

SAN MATEO 8:17

Jua'a̱ ngua cha' ndyu'u tucua la cui' cha' nu nguscua jyo'o Isaías cua sa'ni la. Ndi'ya̱ nscua cha': “Cua ngua tii ycui' Ni ma nde su ti'í ji'na, lo'o jua'a̱ ñi'ya̱ laca quicha nu ntsu'u ji'na; ngua'ni tye Ni quicha bi', ndyaca tso'o na li'”. Jua'a̱ nscua lo quityi, bi' cha' ndu'ni Jesús jo'o ji'i̱ ngu' quicha.

SAN MATEO 1:22

Lo'o jua'a̱ ngua cha' bi', cha' nu cua nchcui' ycui' Ndyosi lo'o ngu' sa'ni cha' jua'a̱ caca. Tyempo sa'ni nguscua jyo'o cusu' nu ngua tu'ba ji'i̱ ycui' Ndyosi cha' bi' lo quityi. Ndi'ya̱ nguscua ngu':

SAN MATEO 4:13

Pana ná ndyanu yu nde Nazaret; nguxcutsa'a̱ yu su ndi'i̱ yu, ndyaa yu ca quichi̱ Capernaum to' tayu'. Nscua quichi̱ bi' loyuu su ndu'ni ngu' sa'ni cha' su cuentya Zabulón lo'o su cuentya Neftalí laca bi'.

SAN MATEO 4:15

Ntsu'u loyuu su cuentya Zabulón lo'o su cuentya Neftalí ca chaca tsu' sta'a̱ Jordán. Tyeje tacui na loyuu bi', li' tyalaa na to' tyujo'o, cha' loyuu bi' laca Galilea su ndi'i̱ ñati̱ nu si'i ngu' judío laca.