SAN MATEO 28:6 - Chatino Tataltepec

⁶ Nga'aa ntsiya yu bi' ca nde cha' cua ndyu'ú yu chaca quiya', ñi'ya̱ nu nacui̱ ycui' yu ji'i̱ ma̱ tya tsubi' la. Cua̱a̱ ma̱, ca̱a̱ ma̱ ña'a̱ ma̱ ca su ngustii jyo'o yu.

SAN MATEO 28:6 Referans Kwoze

SAN MARCOS 16:6

―Ná cutsi̱i̱ ma̱ ―nacui̱ nu qui'yu bi' ji'i̱ nu ngu' cuna'a̱ bi'―. Cua jlo ti' na' cha' ji'i̱ Jesús Nazaret nu ndyujuii ngu' ji'i̱ lo crusi nclyana ma̱. Pana nga'aa ntsiya jyo'o bi' ca nde, cha' cua ndyu'ú yu bi' chaca quiya'. Ca̱a̱ na'a̱ ma̱ xi ca nde su ngusta ngu' ji'i̱ jyo'o bi'.

SAN MATEO 12:40

Ñi'ya̱ ndyanu nu Jonás bi' nde ne' cualya tonu bi' sna tsa̱ lo'o sna talya, jua'a̱ na' nu cua nda Ni 'na lijya̱a̱ cha' caca na' ñati̱, tyanu na' ne' tyuu sna tsa̱ lo'o sna talya.

SAN MATEO 16:21

Lo'o tyempo bi' nguxana Jesús ngulu'u yu ji'i̱ ngu' cha' ntsu'u cha' tsaa yu nde quichi̱ Jerusalén. Pana ca quichi̱ bi' tyacua cha' ti'í ji'i̱ yu xqui'ya cha' xcube' tsa ngu' cusu' bi' ji'i̱ yu; jua'a̱ sti jo'ó nu laca loo, lo'o mstru cha' jo'ó, lcaa ngu' bi' xcube' ngu' ji'i̱ yu ña'a̱ cuayá' nu cujuii ngu' ji'i̱ yu. Pana tyu'ú yu chaca quiya' tsa̱ nchca tyuna, nacui̱ yu.

SAN LUCAS 24:23

lo'o nga'aa nquije jyo'o Jesús bi' ji'i̱ ngu'. Ñaa ngu' li', nda ngu' cha' lo'o ya cha' cua na'a̱ ngu' sca cha' tlyu. Na ngulu'uloo ti tucua tya'a xca̱ ji'i̱ ycui' Ndyosi ji'i̱ ngu' ngua ti' nu ngu' cuna'a̱ bi'; nacui̱ xca̱ bi' ji'i̱ ngu' cha' lu'ú Jesús juani.

SAN LUCAS 24:44

Lo'o ti nchcui' yu lo'o ngu' li': ―Cha' nu ngua ca ti 'na, bi' laca cha' nu cua ndacha' na' ji'i̱ ma̱ lo'o tya ndi'i̱ na' lo'o cu'ma̱ tya tsubi' la ―nacui̱ yu―. Cua nacui̱ na' ji'i̱ ma̱ cha' nga'a̱ cha' caca 'na lcaa cha' nu cua nscua cuentya 'na lo quityi nu nguscua jyo'o Moisés, lo'o jua'a̱ lo quityi nu nguscua jyo'o ngu' nu ngua tu'ba ji'i̱ ycui' Ndyosi nu ngua sa'ni, lo'o jua'a̱ lo quityi Salmos nscua cha' bi'.

SAN MATEO 27:63

Nchcui' ngu' lo'o li': ―Cusu' ―nacui̱ ngu' ji'i̱ nu Pilato bi'―, ntsu'u ti' ya ji'i̱ cha' nu cua nchcui' nu cuiñi bi' lo'o tya lu'ú yu: “Tyu'u scua sna tsa̱, li' tyu'ú na' chaca quiya'”, nacui̱ yu.

SAN JUAN 2:19

―Cuityi̱ ma̱ ni'i̱ re ―nacui̱ Jesús―, lo'o li' chu̱' sna tsa̱ xa' cuiñá na' ji'i̱ chaca quiya'.

SAN MARCOS 8:31

Lo'o li' nguxana Jesús ngulu'u yu ji'i̱ ngu' ndi'ya̱: ―Ntsu'u cha' ca̱a̱ quiña'a̱ tsa cha' ti'í nu caca ji'i̱ ycui' na', masi ycui' Ndyosi cua nda Ni 'na lijya̱a̱ cha' caca na' ñati̱ ―nacui̱ Jesús ji'i̱ ngu'―. Nde loo la chcui' tsa ngu' cuentyu jna'; lo'o nu ngu' cusu', lo'o sti jo'ó nu laca loo, lo'o mstru cha' jo'ó ni, lcaa ngu' bi' chcui' ngu' cha' nu cuiñi laca na'. Lo'o jua'a̱ cujuii ngu' jna' li'; pana lo'o tyu'u scua sna tsa̱, li' tyu'ú na' chaca quiya'.

SAN JUAN 10:17

’Tye chalyuu 'na, cajaa na' cha' tyu'ú na' chaca quiya' ca tiya' la, bi' cha' ntsu'u tsa tyiquee Sti na' ña'a̱ 'na.

SAN LUCAS 24:12

Sca ti Pedro, hora ti ngusna ndyaa to' cuaá bi'. Chacua' na'a̱ Pedro ne' cuaá bi', cha' ntsiya ti tasá nu ngüixi̱i̱ hichu̱' jyo'o Jesús nquicha', na'a̱ cha' chaca se'i̱ nde la'a ti ntsiya late' bi'; lo'o li' ngutu'u Pedro ñaa nde toni'i̱, ngulacua tsa ti' na laca ngua cha' ndyaa jyo'o bi'.

SAN MATEO 20:19

Li' tsaa lo'o ngu' bi' 'na slo ngu' xa' tsu' nu laca loo, cha' xtyí lo'o ngu' bi' 'na. Lo'o jua'a̱ quiji'i̱ ngu' bi' 'na lo'o reta, cujui'i̱ ca'a̱ ngu' bi' 'na lo crusi li'. Pana, tsa̱ nchca tyuna, li' tyu'ú na' chaca quiya' ―nacui̱ Jesús.

SAN MATEO 17:23

cujuii ngu' bi' jna' li'. Pana tyu'ú na' chaca quiya' tsa̱ nchca tyuna li'. Ngua xñi'i̱ tsa ti' ngu' lo'o ndyuna ngu' cha' bi'.

SAN MATEO 17:9

Lo'o lijya̱ nda'ya ti'i̱ ngu' sii' ca'ya bi', li' ngulo Jesús cña ji'i̱ ngu' nu ndyaca tsa'a̱ ji'i̱: ―Ná cacha' ma̱ ji'i̱ xa' ñati̱ ñi'ya̱ ngua cha' nu cua na'a̱ ma̱ lo xlya ca'ya jua tsa̱ ―nacui̱ Jesús ji'i̱ ngu' bi'―. Nu lo'o cua ngujuii ycui' na' nu cua nda Ni 'na lijya̱a̱ cha' caca na' ñati̱, nu lo'o tyu'ú na' chaca quiya', li' taca cacha' ma̱ cha' bi' ji'i̱ xa' ñati̱.

LOS HECHOS 2:24

Pana ná nscua cha' tyanu Jesús ne' cuaá ña'a̱ jyo'o ti yu, bi' cha' ngua'ni ycui' Ndyosi Sti yu cha' ndyu'ú yu chaca quiya'.