SAN MATEO 28:17 - Chatino Tataltepec

¹⁷ Lo'o na'a̱ ngu' ji'i̱ Jesús cha' ya̱a̱ yu nde slo ngu', li' ngua'ni tlyu ngu' ji'i̱ yu, masi ntsu'u xi tya'a ngu' nu bilya jlya tso'o ti' ngu' ji'i̱.

SAN MATEO 28:17 Referans Kwoze

SAN JUAN 5:23

Cua nti' Ni cha' cua'ni chi̱ lcaa ñati̱ loo na' ñi'ya̱ nu ndu'ni chi̱ ngu' loo ycui' Ni. Pana si ná tyaja'a̱ ñati̱ cua'ni chi̱ ngu' loo na' nu laca̱ Sñi' ycui' Ni, la cui' jua'a̱ ná taca cua'ni chi̱ ngu' loo ycui' Ndyosi nu nda 'na lijya̱a̱.

SAN MATEO 28:9

Li' ndyacua tya'a ycui' Jesús lo'o ngu' cuna'a̱ bi', nchcui' yu lo'o ngu'. Hora ti ndyatu̱ sti̱' nu ngu' cuna'a̱ bi' slo Jesús, ngusñi ngu' quiya' yu, ngua'ni tlyu ngu' ji'i̱ yu li'.

SAN MATEO 16:28

Cha' liñi nchcui' na' lo'o ma̱ juani, cha' ntsu'u ngu' nu tya ndu̱ lo'o na chalyuu re juani, nu lo'o tya lyiji cajaa ngu' ca cuayá' ti' ngu' cha' cua nguxana cha' laca na' loo ne' cresiya ji'i̱ ñati̱, na' nu cua nda Ni 'na lijya̱a̱ cha' caca na' ñati̱.

1 CORINTIOS 15:6

Tiya' la li' ngulu'u loo Jesús ji'i̱ tyu̱u̱ tsa tya'a ñati̱, nteje tacui ca'yu siyento tya'a ñati̱ nu ndi'i̱ se'i̱ ti li'. Lo'o ña'a̱ ti tya tyu̱u̱ tya'a ngu' bi' tya lu'ú ngu', masi ntsu'u xi ngu' bi' nu cua ngujuii.

SAN MARCOS 16:11

Pana masi jua'a̱, ná nduna ngu' cha' nu nchcui' María lo'o ngu', cha' ná jlya ti' ngu' cha' cua ndyu'ú Jesús chaca quiya'; ná jlya ti' ngu' tsiya' ti cha' cua na'a̱ María ji'i̱ ycui' Jesús.

SAN MARCOS 16:13

Yala ti ñaa ngu' nde quichi̱, ndacha' ngu' cha' bi' ji'i̱ tya'a ngu'; pana ná ndaquiya' ngu' ji'i̱ cha' nu nchcui' nu tucua tya'a ñati̱ bi'.

SAN MARCOS 16:14

Ca ngusi̱i̱ la xi, li' ndyu'u tucua Jesús slo nu tii chaca tya'a ngu' nu ndyaca tsa'a̱ ji'i̱ su nga'a̱ ngu' ndyacu ngu' to' mesa. Lye nchcui' yu lo'o ngu' bi' ni cha' laca ná jlya tso'o ti' ngu', ni cha' laca ndyacu̱' hique ngu'. Lo'o jua'a̱ nchcui' yu lo'o ngu' ni cha' laca ná ndaquiya' ngu' ji'i̱ ngu' tya'a ngu', nu cua na'a̱ ji'i̱ yu clyo lo'o ndyu'ú ca ti yu chaca quiya'.

LOS HECHOS 1:3

Lo'o cua ngujuii Jesús, ndyu'ú yu chaca quiya', li' ndu'u tucua yu slo ngu' bi'. Tya tu'ba tsa̱ ndya'a̱ Jesús chalyuu, lo'o jua'a̱ tyu̱u̱ quiya' ndu'u tucua yu slo ngu' bi'; tso'o tsa ngulu'u yu ji'i̱ ngu' cha' chañi cha' cua ndyu'ú yu chaca quiya'. Lo'o jua'a̱ ngulu'u yu ji'i̱ ngu' bi' ñi'ya̱ nu caca ycui' Ndyosi loo ne' cresiya ji'i̱ ñati̱.