SAN MATEO 28:16 - Chatino Tataltepec

¹⁶ Lo'o li' ndu'u nu tii chaca tya'a ngu' nu ndyaca tsa'a̱ ji'i̱ Jesús, ndyaa ngu' ca loyuu su cuentya Galilea; ndyu'u ti'i̱ ngu' lo xlya ca'ya ca su nacui̱ Jesús cha' tyacua tya'a ngu' lo'o li'.

SAN MATEO 28:16 Referans Kwoze

SAN MATEO 26:32

Pana ca tiya' la lo'o tyu'ú na' chaca quiya', li' nde loo la tsa'a na' nde Galilea cuentya ji'i̱ cu'ma̱.

SAN MATEO 28:10

―Ná cutsi̱i̱ ma̱ ―nacui̱ Jesús ji'i̱ ngu' bi' li'―. Yaa clya ma̱ cacha' ma̱ ji'i̱ ngu' tya'a na' cha' ntsu'u cha' tsa'a na' nde Galilea; ca bi' tyacua tya'a ngu' lo'o na', ñacui̱ ma̱ ji'i̱ ngu'.

SAN MATEO 28:7

Li' yaa clya ma̱ cacha' ma̱ ji'i̱ nu ngu' nu ndyaca tsa'a̱ ji'i̱ yu bi', cha' nga'aa ntsiya jyo'o bi' ne' cuaá re, cha' cua ndyu'ú yu chaca quiya'; cua tsaa ti ycui' yu nde Galilea nde loo la ji'i̱ cu'ma̱, ca bi' ña'a̱ ma̱ ji'i̱ yu. Tsa lo cua ti cha' ntsu'u cha' cacha̱' ji'i̱ ma̱ ―nacui̱ xca̱ ji'i̱ nu ngu' cuna'a̱ bi'.

SAN MARCOS 16:14

Ca ngusi̱i̱ la xi, li' ndyu'u tucua Jesús slo nu tii chaca tya'a ngu' nu ndyaca tsa'a̱ ji'i̱ su nga'a̱ ngu' ndyacu ngu' to' mesa. Lye nchcui' yu lo'o ngu' bi' ni cha' laca ná jlya tso'o ti' ngu', ni cha' laca ndyacu̱' hique ngu'. Lo'o jua'a̱ nchcui' yu lo'o ngu' ni cha' laca ná ndaquiya' ngu' ji'i̱ ngu' tya'a ngu', nu cua na'a̱ ji'i̱ yu clyo lo'o ndyu'ú ca ti yu chaca quiya'.

1 CORINTIOS 15:15

La cui' ti ngu' cuiñi laca ya cuentya ji'i̱ ycui' Ndyosi si ná ngua jua'a̱. Cua nchcui' ya tya clyo cha' cua ndyu'ú Cristo chaca quiya' chacuayá' ji'i̱ ycui' Ndyosi; pana ná ngua cua'ni ycui' Ndyosi jua'a̱ lo'o Jesús, si nga'aa caca tyu'ú ñati̱ chaca quiya' lo'o cua ngujuii ngu'.

SAN JUAN 6:70

Li' nacui̱ Jesús: ―Jua'a̱ na', cua ngusubi na' ji'i̱ ca ta'a tii tyucuaa tya'a ma̱, masi cuiñaja caca tsaca ma̱.

SAN MARCOS 14:28

Pana nu lo'o tyu'ú na' chaca quiya', tsa'a na' nde Galilea nu tya lyiji tsaa cu'ma̱.

SAN MARCOS 15:41

Nu lo'o tya ndya'a̱ Jesús nde Galilea nu ngua tya tsubi' la, la cui' taju nu cuna'a̱ bi' ndya'a̱ lo'o yu, cha' nguxtyucua ngu' ji'i̱ yu lo'o ndyaque' ngu' na ndyacu ngu'. Lo'o jua'a̱ ndu̱ tyu̱u̱ tya'a xa' la ngu' cuna'a̱ cajua, tya'a ndyalaa ngu' lo'o Jesús nde quichi̱ Jerusalén.

SAN MARCOS 16:7

Li' yaa clya ma̱ cacha' ma̱ ji'i̱ Pedro lo'o ji'i̱ xa' la ngu' nu ndyaca tsa'a̱ ji'i̱ yu, cha' cua tsaa ti ycui' yu nde loo ji'i̱ ma̱ nde Galilea; tyacua tya'a ma̱ lo'o yu ca bi', ñi'ya̱ nu cua nacui̱ yu ji'i̱ ma̱ tya tsubi'.