SAN MATEO 27:66 - Chatino Tataltepec

⁶⁶ Li' ndu'u ngu' nu laca loo bi', ndyaa ngu' lo'o sca taju sendaru ji'i̱ ngu', ndacu̱' tachaa ngu' to' cuaá bi' lo'o sca lo nguiña' tacalya nu ntsu'u sello ji'i̱, cha' ná cala' ngu' tsiya' ti quee tonu nu ndyacu̱' to' cuaá bi'. Li' nguxtyanu ngu' ji'i̱ taju sendaru bi' cajua, cha' tyi'i̱ ngu' cua̱ to' cuaá bi'.

SAN MATEO 27:66 Referans Kwoze

2 TIMOTEO 2:19

Liñi tsa laca cha' nu nchcui' ycui' Ndyosi; cua'ni Ni cha' ná xtyanu na cha' bi', si jlya ti' na cha' nu nchcui' ycui' Ndyosi ndi'ya̱: “Cua nslo ycui' nu Xu'na na tilaca laca ñati̱ ji'i̱ Ni”. Lo'o chaca cha' nchcui' ndi'ya̱: “Cua ña'a̱ ca ñati̱ nu ntsu'u cha' ji'i̱ lo'o Cristo ni, ntsu'u cha' xtyanu ngu' bi' lcaa cha' cuxi”. Jua'a̱ nacui̱ quityi ji'i̱ ycui' Ndyosi.

SAN MATEO 28:2

Li' ngulacui̱ tsa chalyuu, cha' ngua'ya sca xca̱ ji'i̱ ycui' nu Xu'na na nu ntsu'u nde cua̱, ngua'ya lo yuu ca to' cuaá bi'. Li' nguxasu ji'i̱ quee tonu nu nscua to' cuaá, ndyaa tucua yu chu̱' quee bi'.

SAN MATEO 27:60

Nguxatsi' yu ji'i̱ jyo'o bi' ne' sca tyuquee nu cua ngulu ca ti ngu' sii' cua'a̱, cha' caca cuaá su tyatsi' ycui' José nquicha'. Ndacu̱' José bi' to' cuaá lo'o sca quee tonu, ndu'u yu ndyaa yu li'.

SAN MATEO 28:11

Laja lo'o ndyaa nu ngu' cuna'a̱ bi', ndyaa ngu' sendaru nu ndi'i̱ cua̱ to' cuaá bi'; lo'o ti ndyaa ngu' nde quichi̱, ndacha' ngu' ji'i̱ sti jo'ó nu laca loo lcaa cha' ñi'ya̱ nu ngua ca to' cuaá bi'.

SAN MATEO 27:65

Li' nguxacui̱ Pilato cha' ji'i̱ ngu' nu laca loo bi': ―Ndu̱ ngu' sendaru cuentya ji'i̱ ma̱ ―nacui̱ Pilato―. Yaa clya ma̱ lo'o ngu' sendaru bi', cha' tacu̱' tso'o ma̱ to' cuaá bi' ñi'ya̱ nu nti' ycui' cu'ma̱.

SAN MARCOS 16:4

Lo'o ndyalaa ngu' cacua ti, li' nguxña'a̱ ngu' ji'i̱ tyuquee bi', lo'o li' na'a̱ ngu' cha' cua ndyaatsu' quee tonu nu ndyacu̱' to' tyuquee bi'; ntucua yaala to' tyuquee bi' li'.

SAN JUAN 20:1

Ndyu'u scua cuacha li', tsa̱ clyo ji'i̱ semana; jua'a̱ tya lyiji quixee tso'o ti, lo'o ngutu'u María Magdalena ndyaa to' cuaá. Na'a̱ cha' cua laca ngutu'u tsu' quee tlyu nu ndyacu̱' to' cuaá bi',

APOCALIPSIS 20:3

Ntucua ya' xca̱ bi' ji'i̱ nu cuaña bi' ndyaa nde ne' tyuquee; li' ngua'a̱ xca̱ ya' to' tyuquee, cuati ngua'a̱ sello nguiña' to' tyuu, cha' nga'aa tyu'u nu cuaña bi', cha' ná taca ñilo'o bi' ji'i̱ ñati̱ chalyuu ña'a̱ cuayá' tye tyu'u scua sca mil yija̱. Pana lo'o cua ndye yija̱ bi', li' nscua cha' tyu'u bi' tya xi tya tyempo cha' tya cua'ni la cha' cuxi.