SAN MATEO 27:64 - Chatino Tataltepec

⁶⁴ Bi' cha' tso'o la si culo nu'u̱ cña cha' tyi'i̱ ngu' cua̱ to' cuaá bi' sna tsa̱, cha' ná ta ngu' chacuayá' ji'i̱ ngu' nu ngua tsa'a̱ ji'i̱ yu, cha' ná tsaa ngu' bi' cuaana ngu' ji'i̱ jyo'o bi'. Ná caja ñi'ya̱ nu chcui' ngu' cha' cua ndyu'ú jyo'o bi' chaca quiya' li'. Cua ngusñi ngu' cha' cuiñi nu nchcui' jyo'o bi' tya tsubi' la; lo'o juani si jlya ti' ñati̱ cha' ndyu'ú jyo'o bi', tlyu la cha' cuiñi caca si xñi ngu' cha' bi'.

SAN MATEO 27:64 Referans Kwoze

SAN MATEO 28:13

―Ndi'ya̱ ñacui̱ ma̱ ji'i̱ ñati̱: “Talya laja lo'o laja' ti ya, li' ndyalaa nu ngu' nu ngua tsa'a̱ ji'i̱ jyo'o Jesús bi', nguaana ngu' bi' ji'i̱ jyo'o bi'”. Jua'a̱ cha' ta ma̱ lo'o ñati̱ ―nacui̱ ngu' nu laca loo bi' ji'i̱ ngu' sendaru―.

SAN MATEO 12:45

Hora ti tsaa cui'i̱ chaca quiya' tsaana ji'i̱ tya tyacati tya'a cui'i̱ nu xña'a̱ la, cha' stu'ba ti xñi lcaa cui'i̱ bi' ji'i̱ ñati̱ bi', cha' caja su tyi'i̱ cui'i̱ bi' lo'o ñati̱ nti'. Ca cuxi la cha' ji'i̱ ñati̱ bi' li', cha' quiña'a̱ la cui'i̱ xñi ji'i̱ li'. La cui' jua'a̱ cuxi la caca cha' ji'i̱ ñati̱ nu ndi'i̱ nde chalyuu juani, cha' xña'a̱ tsa ngu'.

SAN MATEO 27:63

Nchcui' ngu' lo'o li': ―Cusu' ―nacui̱ ngu' ji'i̱ nu Pilato bi'―, ntsu'u ti' ya ji'i̱ cha' nu cua nchcui' nu cuiñi bi' lo'o tya lu'ú yu: “Tyu'u scua sna tsa̱, li' tyu'ú na' chaca quiya'”, nacui̱ yu.

SAN MATEO 27:65

Li' nguxacui̱ Pilato cha' ji'i̱ ngu' nu laca loo bi': ―Ndu̱ ngu' sendaru cuentya ji'i̱ ma̱ ―nacui̱ Pilato―. Yaa clya ma̱ lo'o ngu' sendaru bi', cha' tacu̱' tso'o ma̱ to' cuaá bi' ñi'ya̱ nu nti' ycui' cu'ma̱.

1 TESALONICENSES 2:3

Si'i cha' cuiñi ngulu'u ya ji'i̱ ma̱ nu ngua li', si'i na cuxi tyiquee ya ña'a̱ ya ji'i̱ ma̱, ni si'i na nñilo'o ya ji'i̱ ma̱.