SAN MATEO 27:56 - Chatino Tataltepec

⁵⁶ lo'o María Magdalena, lo'o María xtya'a̱ Jacobo xtya'a̱ José, lo'o jua'a̱ xtya'a̱ sñi' Zebedeo, na'a̱ ngu' bi' ñi'ya̱ ngua ji'i̱ Jesús.

SAN MATEO 27:56 Referans Kwoze

SAN JUAN 19:25

Laja li' ndu̱ xtya'a̱ Jesús cacua ti su ngujui'i̱ ca'a̱ ngu' ji'i̱ yu lo crusi bi'. Ndu̱ lo'o sca nu cuna'a̱ tya'a ngula, lo'o María clyo'o Cleofas, lo'o María Magdalena.

SAN MARCOS 16:9

La cui' tsa̱ clyo ji'i̱ semana ngua bi' lo'o ndyu'ú Jesús chaca quiya'. Clyo ndyu'u tucua yu slo María Magdalena. Tya tsubi' la cua ngua'ni yu jo'o ji'i̱ nu María bi', cua ngulo yu cati tya'a cui'i̱ cuxi nu ngusñi ji'i̱ nu cuna'a̱ bi'.

SAN MARCOS 15:47

Lo'o María Magdalena, lo'o María xtya'a̱ José ni, na'a̱ ngu' su nguatsi' jyo'o Jesús.

SAN MATEO 28:1

Nu lo'o cua ndye tsa̱ nu ndi'i̱ cña' ngu', cua quixee ti tsa̱ clyo ji'i̱ semana, li' ndyaa María Magdalena lo'o nu chaca María bi', cha' nti' ngu' ña'a̱ ngu' su nguatsi' jyo'o Jesús.

SAN JUAN 20:18

Li' ndyaa María Magdalena su ndi'i̱ ngu' nu ngua tsa'a̱ ji'i̱, ndyaa cacha' ji'i̱ ngu': ―Cua na'a̱ na' ji'i̱ ycui' nu Xu'na na tsa̱ ―nacui̱. Lo'o li' nda nu cuna'a̱ bi' cha' lo'o ngu', lcaa ña'a̱ cha' nu cua nacui̱ Jesús ji'i̱.

SAN JUAN 20:1

Ndyu'u scua cuacha li', tsa̱ clyo ji'i̱ semana; jua'a̱ tya lyiji quixee tso'o ti, lo'o ngutu'u María Magdalena ndyaa to' cuaá. Na'a̱ cha' cua laca ngutu'u tsu' quee tlyu nu ndyacu̱' to' cuaá bi',

SAN LUCAS 24:10

Ndi'ya̱ naa ngu' cuna'a̱ nu ndyaa to' cuaá bi': ndyaa María Magdalena, cuati Juana, lo'o María xtya'a̱ Jacobo, lo'o xi xa' la ngu' cuna'a̱.

SAN MATEO 27:61

Lo'o jua'a̱ nga'a̱ María Magdalena lo'o nu chaca María, nga'a̱ ngu' cacua ti to' cuaá bi'.

SAN MATEO 13:55

La cui' sñi' cuityi yaca laca yu re. ¿Ha si'i? Lo'o María laca xtya'a̱ yu; lo'o Jacobo, lo'o José, lo'o Simón, lo'o Judas, ngu' bi' laca tya'a yu re.

SAN LUCAS 8:2

Lo'o jua'a̱, tyu̱u̱ tya'a nu cuna'a̱ ndyaa lo'o ngu'; cua ngua quicha nu ngu' cuna'a̱ bi' tya tsubi' la, pana cua ngua'ni Jesús cha' ndyaca tso'o ngu', lo'o jua'a̱ cua ngulo yu cui'i̱ Cuxi nu ntsu'u ji'i̱ ngu' bi'. Ndya'a̱ sca nu cuna'a̱ nu naa María Magdalena lo'o ngu', ji'i̱ bi' cua ngutu'u cati tya'a cui'i̱ cuxi.