SAN MATEO 27:54 - Chatino Tataltepec

⁵⁴ Lo'o nu sendaru nu nga'a̱ cua̱ ji'i̱ Jesús bi', lo'o nu capitán ji'i̱ sendaru bi', ngulacua tsa ti' ngu' bi' li'; tlyu tsa cha' ndyutsi̱i̱ ti' ngujui ji'i̱ ngu' bi' lo'o na'a̱ ngu' ñi'ya̱ ngua cha' bi', ñi'ya̱ ngua lo'o ngulacui̱ chalyuu. ―Chañi tsa cha' Sñi' ycui' Ndyosi laca jyo'o re ―nacui̱ nu ngu' sendaru bi'.

SAN MATEO 27:54 Referans Kwoze

SAN MARCOS 15:39

Lo'o nu capitán nu laca loo ji'i̱ sendaru nu ndu̱ slo Jesús, na'a̱ capitán bi' ñi'ya̱ ngua'ni Jesús lo'o ngujuii yu. ―Chañi cha' Sñi' ycui' Ndyosi nu laca loo la laca jyo'o re ―nacui̱ capitán bi'.

SAN MATEO 27:36

Nga'a̱ ngu' bi' cua̱ quiya' crusi.

SAN MATEO 27:43

Ndu̱ ti' yu ji'i̱ ycui' Ndyosi cha' xtyucua Ni ji'i̱ yu, nacui̱ yu. Tso'o la si cua'ni lyaá ycui' Ndyosi ji'i̱ yu juani, si chañi cha' tyaca'a yu ji'i̱ Ni; “Sñi' ycui' Ndyosi laca na'”, ndu'ni yu re.

LOS HECHOS 27:43

Pana ná nda capitán chacuayá' ji'i̱ sendaru cha' cujuii ngu' ji'i̱ preso, cha' ná nti' capitán bi' cujuii ji'i̱ Pablo. Li' ngulo capitán cña ji'i̱ lcaa ngu' nu nchca ji'i̱ ngu' xcuatya ngu', cha' tsaa ngu' lo hitya cha' tyu'u tso'o ti ngu' ca loyuu btyi;

LOS HECHOS 27:1

Lo'o li' ngua stu'ba cha' ji'i̱ ngu' lo'o tya'a ngu' cha' ta ngu' ji'i̱ Pablo tsaa yu ca loyuu su cuentya Italia. Lo'o na' nu nscua̱ quityi re, nguta'a̱ na' lo'o ngu' li'. Ngulo ngu' cña ji'i̱ sca capitán ji'i̱ sendaru nu naa Julio cha' tsaa lo'o ji'i̱ Pablo lo'o xa' preso. Julio laca capitán ji'i̱ taju sendaru nu cuentya ji'i̱ Augusto.

LOS HECHOS 23:23

Lo'o li' ngusi'ya xu'na sendaru ji'i̱ tucua tya'a capitán cha' ca̱a̱ ngu' slo. Ngulo cña ji'i̱ capitán bi', cha' cua'ni cho'o ngu' ji'i̱ ngu' cha' tsaa ngu' lo'o quiña'a̱ tya'a sendaru ca quichi̱ Cesarea; nacui̱ cha' hora cua caa nde talya tsaa ngu'. Tsaa lo'o ngu' ji'i̱ tucua siyento tya'a sendaru nu tya'a̱ quiya' ti, lo'o jua'a̱ tya xna yala tyi tya'a sendaru nu tyucua hichu̱' cuayu ti, lo'o jua'a̱ tya tyucuaa siyento tya'a sendaru nu tya'a̱ lo'o clya chcua̱, tsaa lo'o ngu' ji'i̱ li'.

LOS HECHOS 21:32

Bi' cha' ngulo nu xu'na sendaru bi' cña ji'i̱ capitán ji'i̱ cha' tsaa lo'o ngu' ji'i̱ ña'a̱ latya sendaru, tsaa ngu' lo'o ycui' xu'na ngu' bi' ca su ndi'i̱ ngu' quichi̱. Ngusna ngu' ndyaa ngu' su ndyu'u ti'i̱ lcaa ngu' quichi̱ li'. Nga'aa ngujui'i̱ ngu' quichi̱ ji'i̱ Pablo lo'o na'a̱ ngu' ji'i̱ sendaru lo'o xu'na sendaru bi' lijya̱.

SAN MATEO 8:5

Lo'o li' ndyalaa Jesús to' quichi̱ Capernaum. Quichi̱ bi' ndyacua tya'a lo'o sca capitán ji'i̱ sendaru romano nu ndijña ji'i̱ Jesús cha' cua'ni jo'o ji'i̱ sca nu quicha:

SAN MATEO 4:3

Lo'o li' ndyu'u tucua nu xu'na cuiñaja bi', cha' chcui' cuayá' lo'o Jesús: ―Si chañi cha' nu'u̱ laca nu sca ti Sñi' ycui' Ndyosi ―nacui̱ nu xña'a̱ bi' ji'i̱ Jesús―, xñi nu'u̱ sca quee re lacua, cha' jua'a̱ cuiñá nu'u̱ xlyá lo'o quee re cha' cacu na.

APOCALIPSIS 11:13

La cui' hora bi' lye tsa ngulacui̱ chalyuu; su nchca tii tya'a bariyu quichi̱ bi', tyucui ña'a̱ sca bariyu ndye nguti̱ li'. Cati mil tya'a ñati̱ ngujuii li', xqui'ya cha' ngulacui̱ chalyuu. Lye tsa ndyutsi̱i̱ nu xa' la ñati̱ nu ndyanu li', ndyutsi̱i̱ tsa ngu' ji'i̱ ycui' Ndyosi nu ndi'i̱ nde cua̱ cha' nchca ji'i̱ Ni cua'ni Ni cña nu jua'a̱ tonu tsa; ndube tsa ti' ngu' cha' ngua'ni Ni jua'a̱.

ROMANOS 1:4

lo'o jua'a̱ laca Jesús nu sca ti Sñi' nu ntsu'u ji'i̱ ycui' Ndyosi. Ndi'ya̱ caca cuayá' tso'o ti' na cha' bi': chacuayá' ji'i̱ ycui' Ndyosi Sti yu ndyu'ú Jesús chaca quiya' lo'o cua ngujuii yu, tlyu tsa cha' ngua'ni Ni li'. Nu lo'o nda ycui' Ndyosi Xtyi'i ycui' Ni ji'i̱ Jesús, nda Ni cha' lo'o na cha' Sñi' ycui' ca Ni laca nu Jesús bi'.

LOS HECHOS 23:17

Li' ngusi'ya Pablo ji'i̱ sca capitán: ―Cua'ni cha' tso'o tsaa lo'o ji'i̱ yu cuañi' re ca slo xu'na ma̱ ―nacui̱ Pablo ji'i̱―. Ntsu'u sca cha' nu ta yu lo'o nu laca xu'na ma̱.

LOS HECHOS 10:1

Ndi'i̱ sca nu qui'yu nu naa Cornelio ca quichi̱ Cesarea; laca Cornelio capitán ji'i̱ sca latya ngu' sendaru nu nacui̱ ngu' cha' latya Italiano laca ngu'.

LOS HECHOS 2:37

Lo'o ndyuna ngu' cha' nu nchcui' Pedro, ntyuju'u tsa ti' ngu' li'. Nchcuane ngu' ji'i̱ Pedro lo'o ji'i̱ lcaa ngu' nu ngua tsa'a̱ ji'i̱ Jesús tya clyo: ―¿Ñi'ya̱ cua'ni ya juani? ―nacui̱ ngu' ji'i̱ ngu' bi'.

SAN JUAN 19:7

Li' nguxacui̱ ngu' judío cha' ji'i̱ Pilato bi': ―Ntsu'u sca cha' ji'i̱ cuare ―nacui̱ ngu'―. Cuentya ji'i̱ ya ntsu'u qui'ya ji'i̱ yu, cha' nacui̱ yu cha' laca yu nu sca ti Sñi' ycui' Ndyosi; xqui'ya cha' bi' ntsu'u cha' cajaa yu.

SAN LUCAS 22:70

Lo'o ti nchcuane lcaa ngu' tonu ji'i̱ yu: ―¿Ha nu'u̱ laca Sñi' ycui' Ndyosi lacua? Li' xa' nguxacui̱ Jesús cha' ji'i̱ ngu' chaca quiya': ―Chañi cha' nu nchcui' cu'ma̱ lo'o nacui̱ ma̱ cha' bi' laca na' ―nacui̱ yu ji'i̱ ngu'.

SAN MATEO 27:40

―Nu'u̱ laca nu cuityi̱ ji'i̱ laa tonu bi' nacui̱ nu'u̱, lo'o li' nacui̱ nu'u̱ cha' cuiñá nu'u̱ ji'i̱ chaca quiya' chu̱' sna tsa̱ ti, ngua ti' nu'u̱. Cua'ni lyaá nu'u̱ ji'i̱ ycui' ca lacua ―nacui̱ ngu' bi' ji'i̱ Jesús―. Si chañi cha' nu sca ti Sñi' ycui' Ndyosi laca nu'u̱, cua'ya clya nu'u̱ lo crusi cua juani ―nacui̱ ngu'.

SAN MATEO 26:63

Ni sca cha' nu nchcui' sti jo'ó, ná nguxacui̱ Jesús ji'i̱ tsiya' ti. Li' ngulo sti jo'ó bi' cña ji'i̱ yu: ―Chacuayá' ji'i̱ ycui' Ndyosi nu lu'ú ca nclyo na' cña re jinu'u̱ juani: Cacha' clya nu'u̱ ji'i̱ cua si chañi cha' laca nu'u̱ Cristo, nu sca ti Sñi' ycui' Ndyosi.

SAN MATEO 27:51

La cui' hora bi' ngutaa' late' tlyu nu ndacui ndyacu̱' sa cla'be ne' laa tonu. Ca cua̱ ngutu'u ngutaa' late' bi'; tsa cu' ti ngutaa', hasta ña'a̱ cuayá' nu ndyalaa ca lo yuu. Lo'o li' lye tsa ngulacui̱ chalyuu ña'a̱ cuayá' nu ngula'a quee tonu,