SAN MATEO 27:53 - Chatino Tataltepec

⁵³ Ca tiya' la lo'o cua ndyu'ú ycui' Jesús chaca quiya', li' ndu'u ngu' nu ngua jyo'o bi' ne' cuaá, ndyaa ngu' bi' nde quichi̱ Jerusalén, quichi̱ nu tacati tsa cuentya ji'i̱ ycui' Ndyosi. Lo'o li' tyu̱u̱ tya'a ñati̱ na'a̱ ji'i̱ ngu' bi', cha' cua ndyu'ú ngu' bi' chaca quiya'.

SAN MATEO 27:53 Referans Kwoze

APOCALIPSIS 11:2

Nga'aa su'ba cuayá' nu'u̱ nde liya' toni'i̱ tlyu bi', cha' cuentya ji'i̱ xa' ñati̱ nu ná ndaquiya' jna' nu laca̱ ycui' Ndyosi tsiya' ti laca bi'. Chiya'a̱ tsa cua'ni ngu' bi' lo'o tyi'i̱ ngu' quichi̱ bi', la cui' quichi̱ tlyu nu laca quichi̱ nu cuentya jna' laca bi'. Tu'ba ntucua tucua co' tyi'i̱ ngu' bi',

SAN MATEO 4:5

Lo'o li' ndyaa lo'o nu xu'na cuiñaja ji'i̱ Jesús nde quichi̱ Jerusalén, su tyaca'a tsa ji'i̱ ycui' Ndyosi; ca hique laa tonu ji'i̱ quichi̱ bi' ndyaa ngu', cua̱ tsa ntucua ngu' li'.

APOCALIPSIS 21:2

La cui' Juan laca na', lo'o li' na'a̱ na' cha' cua nscua chaca quichi̱ Jerusalén cucui. Lubii tsa ña'a̱ quichi̱ bi' juani; nde su ntucua ycui' Ndyosi ngutu'u quichi̱ bi', ngua'ya nde lo yuu cucui. Tyucui ña'a̱ quichi̱ cua ngalya' tso'o; tso'o tsa ña'a̱ bi', ndubi tsa ña'a̱ bi'. Ñi'ya̱ ña'a̱ sca cuxi̱i̱ ji'i̱ ñati̱, nu tso'o tsa ña'a̱ ste', jua'a̱ tso'o tsa ña'a̱ quichi̱ cucui bi'.