SAN MATEO 27:51 - Chatino Tataltepec

⁵¹ La cui' hora bi' ngutaa' late' tlyu nu ndacui ndyacu̱' sa cla'be ne' laa tonu. Ca cua̱ ngutu'u ngutaa' late' bi'; tsa cu' ti ngutaa', hasta ña'a̱ cuayá' nu ndyalaa ca lo yuu. Lo'o li' lye tsa ngulacui̱ chalyuu ña'a̱ cuayá' nu ngula'a quee tonu,

SAN MATEO 27:51 Referans Kwoze

SAN MARCOS 15:38

Hora ti ngutaa' late' tlyu nu ndacui ndyacu̱' tsa cla'be ne' laa tonu bi', nde cua̱ nguxana ngutaa' late' bi' ña'a̱ cuayá' nu ndyalaa ca lo yuu.

HEBREOS 6:19

Ñi'ya̱ nti' chcua̱ ngratu nu nsalú ngu' nde siyu' yaca ni'i̱, cha' tachaa ti xñi ca'a̱ chcua̱ bi' ji'i̱ quee nde siyu' hitya, cha' tyacui se'i̱ ti yaca ni'i̱ bi' lo hitya, cha' ná caca tyu'utsu' yaca ni'i̱ bi' tsiya' ti li'; la cui' jua'a̱ ndu'ni Jesús lo'o na, cha' ndu'ni yu cha' tyanu tachaa cha' ji'i̱ ycui' Ni ne' cresiya ji'na, cha' ná tya'a̱chu̱' na ji'i̱ Ni tsiya' ti. Cua ndyalaa Jesús nde cua̱, ñi'ya̱ laca si cua nteje tacui yu tasá tlyu nu ndacui cla'be ne' laa tonu; juani cua ndyaa tucua yu la cui' ca su ntucua ycui' Ndyosi.

SAN LUCAS 23:45

jua'a̱ ngua talya loo cuichaa. Lo'o jua'a̱ nu late' tlyu nu ndacui ne' laa tonu bi', ndya'be late' bi' cla'be la.

APOCALIPSIS 11:19

Li' na'a̱ na' su ntucua laa tlyu ji'i̱ ycui' Ndyosi nde cua̱, na'a̱ na' ca ne' laa su nscua cñá' tacati, su ngutucua ycui' Ndyosi laja ñati̱ ji'i̱ Ni nu ngua tya sa'ni la. Lo'o li' lye tsa nguañi nde chalyuu, lye tsa ndyubii, cuati lye tsa ndañi nchcui' tyi'yu; li' ngulacui̱ chalyuu, jua'a̱ clyaa tsa tyo quee ngua'ya.

SAN MATEO 27:54

Lo'o nu sendaru nu nga'a̱ cua̱ ji'i̱ Jesús bi', lo'o nu capitán ji'i̱ sendaru bi', ngulacua tsa ti' ngu' bi' li'; tlyu tsa cha' ndyutsi̱i̱ ti' ngujui ji'i̱ ngu' bi' lo'o na'a̱ ngu' ñi'ya̱ ngua cha' bi', ñi'ya̱ ngua lo'o ngulacui̱ chalyuu. ―Chañi tsa cha' Sñi' ycui' Ndyosi laca jyo'o re ―nacui̱ nu ngu' sendaru bi'.

SAN MATEO 28:2

Li' ngulacui̱ tsa chalyuu, cha' ngua'ya sca xca̱ ji'i̱ ycui' nu Xu'na na nu ntsu'u nde cua̱, ngua'ya lo yuu ca to' cuaá bi'. Li' nguxasu ji'i̱ quee tonu nu nscua to' cuaá, ndyaa tucua yu chu̱' quee bi'.

APOCALIPSIS 11:13

La cui' hora bi' lye tsa ngulacui̱ chalyuu; su nchca tii tya'a bariyu quichi̱ bi', tyucui ña'a̱ sca bariyu ndye nguti̱ li'. Cati mil tya'a ñati̱ ngujuii li', xqui'ya cha' ngulacui̱ chalyuu. Lye tsa ndyutsi̱i̱ nu xa' la ñati̱ nu ndyanu li', ndyutsi̱i̱ tsa ngu' ji'i̱ ycui' Ndyosi nu ndi'i̱ nde cua̱ cha' nchca ji'i̱ Ni cua'ni Ni cña nu jua'a̱ tonu tsa; ndube tsa ti' ngu' cha' ngua'ni Ni jua'a̱.

HEBREOS 9:3

Ca ne' tasá nu ndacui cla'be ne' chcua'ya bi', ca bi' ntsu'u chaca cuarto nu tacati tsa ji'i̱ ngu'.

SAN LUCAS 23:47

Lo'o na'a̱ nu capitán ji'i̱ sendaru romano ñi'ya̱ ngua cha' bi', li' ngua'ni tlyu ji'i̱ ycui' Ndyosi. Ndi'ya̱ nchcui' li': ―Chañi cha' ná ntsu'u qui'ya ji'i̱ jyo'o re tsiya' ti ―nacui̱ nu capitán ji'i̱ sendaru bi'.